Isaya 48:1 - KITAWO MALEŊ

¹ Winji win gime, awi ot pa Yakobo, win m'ilwoŋo win gi nyingi Isiraili, kodi Yuda, ma wikwoŋere i nyingi Rwoth, aka wituco Were pa Isiraili, to, wikitim iy'adieri kosa m'otire.

KITAWO MALEŊ Catholic

¹ Winji win gime, awi ot pa Yakobo, win m'ilwoŋo win gi nyingi Isiraili, kodi Yuda, ma wikwoŋere i nyingi Rwoth, aka wituco Were pa Isiraili, to, wikitim iy'adieri kosa m'otire.

Isaya 48:1 ပူးပေါင်းရင်းမြစ်များ

Cakirok 32:28

Kenyo jalo owaco ni, “Nyingin doko k'olwoŋ ni Yakobo, to Isiraili. Rupiri itweyo rabok gi Were, t'iloyo.”

Cakirok 35:10

Aka Were owaco rigo ni, “Nyingin Yakobo; doko nyingin k'olwoŋ ni Yakobo, to Isiraili bino bedo nyingin.” Ameno nyinge ilwoŋo ni Isiraili.

2 Kerin 17:34

Kiri konon me fodi joluwo kwer pajo macon. Jokilam Rwoth aka jokiluwi cik kodi Or pere m'omiyo nyikway Yakobo, m'ocwoko nyinge ni Isiraili.

2 Kerin 5:20

ŋeca pa Elisa Gehazi owaco ni, “Neni, jadwoŋ paran oweyo Naman kadho ma k'oculo gimoro! Dinyo go ojolo gima Jasiria me omiyo go. Akwoŋere i nyingi Rwoth makwo nike abino luwo go akwany gimoro kwoŋe.”

Zabuli 63:11

To kere lafore i Were; jono ma jotimo cikirok i nyingi Were jolapako go, to dhok jotwodo lamiyere.

Zabuli 66:3

Waci ri Were ni, “Nga tim perin obedo ma gir'aura! Ro meni perin madwoŋ, jokwor perin joriewere piny gi lworo ruwaŋin.

Zabuli 68:26

“Pak Were i kacokirok madwoŋ! Pak win Rwoth, win nyikway Yakobo.”

Zabuli 68:27

Eno Benyamin, mathin loyo joje, am'otelo, jodhum pa Yuda i kweth pajo, wot kerin pa Zebulun, jodhum pa Nafital.

Kitawo mar'ario mapa Musa m'ilwoŋo ni Wok 23:13

“Winji win kisi gim'atieko waco riwin. Wikiri wikway werin man, wikiri wituci kada nyingi gin.”

Agecin 5:16

Nyithindho m'ilimo gi dhako man woko kelo litho.

Isaya 26:13

Awi Rwoth Were mawan, rwodhe man bende jotieko dhumo wan paka in, to, nyingin kende ama walwoŋo.

Isaya 44:5

Me lawaco ni, “Abedo apa Rwoth.” Man lalwoŋere gi nyingi Yakobo, aka man landiko i cinge ni, “Apa Rwoth.” Go lalwoŋere gi nyingi Isiraili.

Isaya 45:23

An won atieko kwoŋirok, aka atuco gi dhokan gim'otire, wac ma kilawire ni, “Kisi nyatoro laguro ran conge, to tuco gi lewe ni An abedo Rwoth.”

Isaya 46:12

Winjan win, win jowictek, win ma wibor gi both:

Isaya 51:1

Winjan win, win ma widwaro both, win ma wirango Rwoth. Ŋiy win tele kama wiwok'iye, kam'iŋiny'iye telin m'okuny'iye win.

Isaya 51:2

Ŋiy win Abraham kwari win, gi Sara m'onywolo win. Kole Abraham oyido ongoye gi nyathi munyo alwoŋo go, to, amiyo go silwany gi nyithindho, aloko nyikway go kweth.

Isaya 58:2

Kucel jorangan kisi ndelo, aka josangala mito ŋeyo yo paran, paŋini piny ma timo gim'otire, aka jok'ojwango cik pa Were pajo. Jokwayan thumo banja gi tiro, aka josangala bino cegin gi Were.

Isaya 62:8

Rwoth otieko kwoŋere gi cinge maracuc, gi bade ma meni ni, “Ak'omiy kendo ŋano mewin, wobedi cemo ri jokwor mewin, aka jokicar jokilamadho vini mewin, ma witieko oyo rigo kwok.

Isaya 64:6

Wajoje watieko lokere ŋata koc, aka tim mawan maber je cal okuto. Wathwo paka boke, aka reco mawan kudho wan, paka koyo.

Isaya 65:16

Kenyo kisi ŋata kwayo silwany i lowo, lakwayo gi Were ma timo adieri, aka kisi ŋata timo cikirok i lowo, latimo gi Were ma timo adieri, kwoŋbedo teko macon larumo aka kilapoyo.

Yeremia 4:2

to wikwoŋere ni, “Paka Rwoth kwo!” Iy'adieri, i tiro, kodi i genirok, nyaka nonin jobino limo silwany i go, aka jobino noro i go.

Yeremia 44:26

Riameno winji win wac pa Rwoth, win Joyuda je ma wibedo i piny Misir: E, akwoŋere gi nyingan madwoŋ, Rwoth waco, nike nyingan kilatuco i dhok Joyuda ma jobedo i piny Misir, ka jowaco ni, ‘Paka Rwoth Were kwo.’

Yeremia 5:2

Kada jowaco ni, “Paka Rwoth kwo.” Kucel jokwoŋere ma twodo.

Jolevi 19:12

Ikir'ikwoŋere nono gi nyingan, koco nyingi Were mewin: An abedo Rwoth.

Mika 2:7

Gime ber ni wowaci, a ot pa Yakobo? Cuny pa Rwoth kibedi moth? Me a tim pere? Waci pere kitim bero, ri ŋata timo gim'otire?

Zefania 1:5

Rwoth lareyo jono je ma jolamo Lwak ma i polo wi ot, jono ma jokule piny to jokwoŋere i nyingi Rwoth, kodi jono ma jokwoŋere i nyingi were pajo Molek.

Zekaria 5:3

Go owaco ran ni, “Me lam macegin kadho ruwaŋ piny gibe, kole kisi dhano ma kwalo ilakwanyo woko luwo kwoŋe, aka kisi dhano ma kwoŋere nono ilakwanyo woko luwo kwoŋe.

Malaki 3:5

Rwoth pa lwak jolweny waco ama: Kenyo abino core cegin gi win thumo banja; aka abino bedo mayil kwoŋ jothieth, jocot, ji ma jokwoŋere nono, ji ma jodiyo jakipakasa cul pere, citho, nyithindho kic, kodi jopath, aka jokilworan.

Kwan 24:7

Pi lamol wok iy'agwatin pere, kere pere labedo madwoŋ loyo Agag, aka ker pere latiŋere malo.

Matayo 23:13

Kidamba otundi riwin, jondiko kodi Jofarisayo, jorendirok! Wicego ri ji dhiot ma donjo i Ker ma polo, aka wiwegi wikidonj'iye, odoko wikiyey joma mito donjo jowodonji.

Yohana 1:47

Munyo Yesu oneno Nathanel, oluwo kwoŋe ni, “Me Jaisiraili mar'adieri; ongoye komo moro kwoŋe!”

Yohana 4:24

Were obedo Cuny aka joma lama go joripo lamo go i cuny kodi iy'adieri.”

Joroma 2:17

Aka in to? Ilwoŋere ni Jayuda; ithenere kwoŋ Cik aka iyumere gi Were;

Joroma 9:6

Akiwaci ni cikirok pa Were othogaya ongoye kony; rupiri k'obedo ni Joisiraili je ji pa Were;

Joroma 9:8

Ma nyutho ni nyithindho m'onywol i yo ma kisi ndelo manyadel jok'obedo nyithindho pa Were; kucel, nyithindho m'onywol cungo kwoŋ cikirok pa Were ama ikwano paka nyikway go mar'adieri.

Kitawo mar'abic mapa Musa m'ilwoŋo ni Cik 10:20

Wiripo lworo Rwoth Were mewin, go kende ama wiripo lamo, wiripo ketho go marapena, to wikwoŋere i nyinge.

Kitawo mar'abic mapa Musa m'ilwoŋo ni Cik 33:28

Ameno Isiraili labedo kakende i siem, i waŋ pi pa Yakobo, i lowo ma ŋano kodi vini manyen, kama polo pere thono thoyo piny.

Kitawo mar'abic mapa Musa m'ilwoŋo ni Cik 5:28

Rwoth owinjo wac mewin munyo wiluwo kodan, aka Rwoth owaco ran ni, “Atieko winjo wac pa ji me, ma jowaco rin, jotire i gima jowaco je.

Kitawo mar'abic mapa Musa m'ilwoŋo ni Cik 6:13

Wiripo lworo Rwoth Were mewin, go ama wiripo tiyo rigo, aka wiripo kwoŋere i nyingi go kende.

1 Timothe 4:2

Fonji no wok i twodo pa ji ma jorendere, ma paro ma cuny jo otho aka orere woko pa gima nyweny malieth owaŋo.

Menyirok ri Yohana 2:9

Aŋeyo candirok kodi candi perin; aŋeyo nike ijacandi, to iy'adieri iŋaŋ! Aŋeyo reco ma joma ŋoyo nike jobedo Joyuda ma to kere jok'obedo, jotimo rin; meno joma nitie iy'acel gi Sitan!

Menyirok ri Yohana 3:9

Ere onyo akidho kelo kitipa ma ji pa Sitan, ma jotwodo aka joŋoyo nike jobedo Joyuda, ma to jok'obedo; abino kelo jo bongin to jogoyo congi gin piny ruwaŋin to joniaŋ ni kere amarin.