Isaya 47:4 - KITAWO MALEŊ

⁴ Jaboth mawan, Rwoth pa lwak jolweny, meno nyingi go, go obedo Ŋataleŋ pa Isiraili.

KITAWO MALEŊ Catholic

⁴ Jaboth mawan, Rwoth pa lwak jolweny, meno nyingi go, go obedo Ŋataleŋ pa Isiraili.

Isaya 47:4 ပူးပေါင်းရင်းမြစ်များ

Zabuli 19:14

Weyi wac ma wok i dhokan gi paro ma cunyan, wobedi ma yere ruwaŋin, Awi Rwoth, tele paran aka jaboth paran!

Isaya 41:14

Rwoth waco ni, “Makada nende ithin aka inyap rin, Isiraili, Ikir'ilwor, alakonyin. An, a Were maleŋ pa Isiraili, aŋat'abothin.

Isaya 43:14

Me apaka Rwoth waco, Jaboth perin, Ŋataleŋ pa Isiraili, Ro in aladhiro jolweny i Babilon, t'aturo woko nywenye je, aka koko pa Jokaldin lalokere kumo.

Isaya 43:15

An abedo Rwoth, Ŋataleŋ perin, Jacwec pa Isiraili, Kere perin.

Isaya 43:3

Kole abedo Were perin, Ŋataleŋ pa Isiraili, jaboth perin. Amiyo Misir paka mic mareco perin, awilo Ethopiya gi Seba kodin.

Isaya 44:6

Rwoth, Kere pa Isiraili waco, Jaboth pere, Rwoth pa lwak jolweny ni “Abedo marapena aka macowe, aka ongoye were man kwanyowoko an.

Isaya 49:26

Alamiyo jono ma jodiyin camo delkwoŋ jo, aka jolamer gi remo pajo paka jomer gi vini. Kenyo ji je jolaŋeyo ni, Abedo Rwoth, Jaboth perin, aka Jagony perin, Jameni pa Yakobo.

Isaya 51:15

Kole Abedo Rwoth, Were mewin, ma tugila nam to koyo mere hola, Rwoth pa lwak jolweny a nyinge.

Isaya 54:5

Kole jacwec perin obedo cworin, Rwoth pa lwak jolweny obedo nyinge; Were Maleŋ pa Isiraili obedo Jaboth perin, ilwoŋo go ni Were ma piny gibe.

Yeremia 31:11

Kole Rwoth otieko botho Yakobo, obotho go wok i cingi ŋatatek loyo go.

Amos 4:13

Kole neni, ŋat'ocweyo gote, to cweyo koyo, aka kedho ri nyatoro gima nitie i paro pere, ŋata loko odieceŋ wor, aka wotho i boro ma piny Rwoth, Were pa lwak jolweny, meno nyingi go!