Isaya 45:8 - KITAWO MALEŊ

⁸ Awi polo, cwo gim'otire wok malo, aka weyi piny woyawere ŋey both paran wonyali kitula, weyi womiy gim'otire wotula bende, an Rwoth, atieko cweyo.

KITAWO MALEŊ Catholic

⁸ Awi polo, cwo gim'otire wok malo, aka weyi piny woyawere ŋey both paran wonyali kitula, weyi womiy gim'otire wotula bende, an Rwoth, atieko cweyo.

Isaya 45:8 ပူးပေါင်းရင်းမြစ်များ

2 Kerin 19:25

Senakerib, onyo winji, gima an Rwoth awaco. Acano gime cango con. Aka ikiniaŋ kiri, nike an won, aŋat'amiyin timo gigipiny me. Amiyin kisika woko, tindin madongo m'otinda.

Zabuli 68:8

piny oyengere, to polo konjo piny koth ruwaŋ Were. Sinai okirin ruwaŋ Were, Were pa Joisiraili.

Zabuli 72:3

Weyi gote wokel bero ri ji, gi tendere i gim'otire.

Zabuli 72:6

Weyi kere wobedi paka koth i ndelin, paka koth ma dhieko piny.

Isaya 11:1

Yath lakitula wok i kolo pa Yese, aka jangi yath lakitula wok i fuc mere.

Isaya 32:15

Tunado kama okonji kwoŋ wan cuny wok malo, to thim lokere ndelo olemo, aka ndelo olemo lalokere lul.

Isaya 4:2

I ndelo no jangi yath pa Rwoth labedo maŋon to limo dwoŋ, aka ranyak ma lowo labedo noro gi dwoŋ pa Joisiraili ma joboth.

Isaya 44:24

Rwoth, Jaboth perin waco ama, go m'ocweyin i ici. Abedo Rwoth, m'otimo gigipiny je, go kende m'orieyo polo, an m'awon ayaro piny,

Isaya 44:3

Kole alakonjo pi i piny m'othwo, gi waŋ pi i lowo m'othwo, alakonjo cuny paran kwoŋ nyikwayin, gi silwany paran kwoŋ nyithindho perin.

Isaya 46:13

Akelo both paran cegin, ki nitie bor, aka both paran kilagalo; Alaketho both paran i Zayon, aka i Isiraili dwoŋ paran.

Isaya 48:18

Kabedi oyido wiwinji or paran! Dinyo siem mewin omol ma kicwiy, paka malawa! Dinyo loyo obino riwin paka ulok ma nam

Isaya 53:2

Ŋeca pa Rwoth odongo paka dudi ma nyaka rwako fuc i lowo m'othwo. Go oyido ongoye gi dwoŋ kosa ŋono, m'omiy waŋiy go, kosa cal moro kwoŋe ma d'oyway cuny wan, kosa ŋono ma d'omiy wawanya go.

Isaya 60:21

Ji perin je jolabedo jom'otire, aka jolabedo gi lowo cil gi cil. Jobedo kolo m'apidho, tic ma cingan, ŋey anyal limo dwoŋ.

Isaya 61:11

Kole paka lowo miyo kodhi twi to dongo, paka ndelo miyo gim'ocwoy'iye twi, ameno apaka Rwoth Were lamiyo tiro gi pak kitula ruwaŋ nonin je.

Isaya 61:3

Miyo ji ma joywak i Zayon, kisangala gi forok i kabedo pa rem, mo ma wir i kabedo pa ywak, bujwenge ma pak i kabedo ma cuny manyap. Kenyo nyaka wonyali lwoŋo jo ni olwa ka jotimo gim'otire, ma Rwoth won am'opidho, ŋey wonyali miyo go dwoŋ.

Isaya 66:22

Rwoth waco ni, Paka polo manyen, gi piny manyen, m'abino timo, joladoŋ ruwaŋan, ameno apaka nyikway win gi nyingi win ladoŋ.

Yeremia 31:22

Ilawiro paro kiri keraŋo, Awi ji paran ma jongoye g'adieri? Kole Rwoth otieko cweyo gimanyen i piny, go lagwoko go paka dhako gwoko jacwo.

Ezekiel 34:26

Alaloko jo kodi adec m'othoko tendere paran silwany; aka aladhiro rijo koth i hongo mere ma ripo; labedo rijo koth ma silwany.

Hoseya 10:12

Cwoy ri wiwegi tiro; wifon mar makiwire; cak win furo lowo mewin m'oyido wikoyo; me hongo ma dwaro Rwoth, cuka go obin to cwe both kwoŋ win paka koth.

Yowel 3:18

I ndelo no, gote jolathono vini mamit, tendere jolamol gi cak, aka jwombe je ma Yuda jolamol gi pi; pi ma mol lakitula wok i Ot pa Rwoth to dhieko milelo ma Sitim.

Tim pa Jomoor 2:33

Otiek tiŋo go malo yuracuc pa Were aka onyo walimo bonge Cuny Maleŋ paka Bamere ociko; aka gim'onyo pama wineno aka odoko wiwinjo me, obedo mic pere ma go okonjo kwoŋ wan.

Joefeso 2:10

Wabedo cwec pa Were, aka ocweyo wan i Kristo Yesu, ni wabedi gi tim mabeyo, ma cango go oyiko con ni wabedi gine.

Joefeso 4:24

aka nyaka wiruki kwo manyen, m'ocwey i cal pa Were, i tiro kodi leŋo.