Isaya 45:24 - KITAWO MALEŊ

²⁴ Jolawaco ni i Rwoth kende, ama gim'otire gi meni wok'iye. To jono je ma jodakan, wickwot lamako jo.

KITAWO MALEŊ Catholic

²⁴ Jolawaco ni i Rwoth kende, ama gim'otire gi meni wok'iye. To jono je ma jodakan, wickwot lamako jo.

Isaya 45:24 ပူးပေါင်းရင်းမြစ်များ

Isaya 41:11

Ey, jono je ma jomako nge gi win, wickwot lamako jo t'ikengila jo, jono ma jolwenyo kodin, jolacale pa gim'ongoye kony to jotho.

Jofilipi 4:13

Anyalo timo gimoro je i Kristo ma miyan meni.

Isaya 54:17

Ongoye gilweny m'ilathedho ma lweny kodin ma lakiyindira, aka ilawiro woko lew je m'oay kwoŋin i thumo banja. Me alunja pa ŋecin pa Rwoth, gi gwok pajo wok bongan.” Rwoth waco.

Joefeso 6:10

Macowe, bedi win ma wicwiny i Rwoth, kanyacel gi i meni pere m'oasere.

Yohana 12:32

K'otiek tiŋan malo wok piny abino ywayo ji je bongan.” [

Menyirok ri Yohana 22:17

Cuny kodi Mweha, jowaco ni, “Biye.” Aka weyi moro je ma winjo wowaci ni, “Biye.” Aka weyi moro je ma riyo neko wobin. Weyi nyatoro je ma mito, womadhi pi ma kwo ma nono.

Menyirok ri Yohana 11:18

Keme opoŋ i cuny nonin; kole onyo ndir otundo, ma nyutho keme perin, gi thumo banja ri jom'otho. Ndiri ma miyo jotic perin, ma jotuci wac, kemba pajo, kodi ji perin maleŋ je, jomadongo kodi jomathindho je ma jolworin. Ndiri otundo ma reyo woko joma nyeko piny!”

2 Petero 1:1

Balwa m'owok bongi Simon Petero, jatic kendo jamoor pa Yesu Kristo. Ri joma i tiro pa Were mawan kendo Jaboth, Yesu Kristo, omiy jo yeyo ma diwelo paka mawan.

Jokolosia 1:11

Weyi Were woloki win jom'otegino gi meni ma wok i dwoŋ pere m'oasere, ŋey winyal ciro gimoro je gi diyo cuny kodi kisangala.

Joefeso 3:16

Akwayo Were ni cungo kwoŋ dwoŋ pere m'oasere, womiy win meni i cuny win, gi meni pa Cuny Maleŋ pere.

2 Jokorintho 5:21

Kristo oyido ongoye gi gimarac, to Were omiyo go riwirok gi wan i gimarac mawan, ŋey i Kristo, wanyal bedo paka tiro pa Were.

1 Jokorintho 1:30

Were am'okelo win i riwirok gi Kristo Yesu, to loko Kristo bedo rieko mawan, tiro mawan gi leŋo mawan, kodi cul mareco mawan to walimo siem.

Yohana 7:37

Ndelo macowe ma kalima am'obedo ndelo m'oloyo dwoŋ. I ndelo no, Yesu ocungo to luwo gi dwonde ma malo ni, “Ka nitie moro je ma riyo neko wobin bongan womadhi pi,

Luka 19:27

Aka jokwor paran ma jokweran bedo kere pajo no keli win ka wineki jo ruwaŋan!’ ”

Luka 13:17

Munyo owaco ameno, jokwor pere je wickwot omako jo, kareno ji je oyido josangala ro gir'aura ma Yesu otimo.

Zekaria 10:12

Alamiyo jo bedo matek i Rwoth, aka jolawoth i nyingi go. Rwoth waco.

Zekaria 10:6

Alaloko matek ot pa Yuda kodi ot pa Yozefu, alabotho jo, t'adwoko jo, anitie gi wor rijo, paŋini oyido akijwango jo, An, Rwoth Were pajo, aladwoko jo.

Yeremia 33:16

I ndir no, ilabotho Yuda aka siem labedo i Yerusalem. Me a nyinge m'ilalwoŋo gine, “Rwoth, obedo tiro mawan.”

Isaya 61:10

Alafore tektek i Rwoth, adundo paran gipi layodere i Were paran; kole go otieko rukan gi law ma both, go otieko uman gi kanzu ma tiro, paka jamweha koda wiye sangaria, paka mweha kikere gi thiwino pere.

Isaya 60:9

Kole piny ma yuthengi nam jolakuran, mele ma Tarsis marapena, ma lakelo wotin wok bor, jolabedo gi feza gi zahabu pajo, ma miyo nyingi Rwoth Were perin dwoŋ, ri Ŋataleŋ pa Isiraili, rupiri go otieko miyin dwoŋ.

Isaya 55:5

Neni, ilalwoŋo nonin ma fodi ikiŋeyo, aka piny m'oyido k'oŋeyin laringo bino bongin, kwoŋbedo An abedo Rwoth, Were Maleŋ pa Isiraili, rupiri go otieko miyin dwoŋ.

Isaya 45:25

I Rwoth, nyikway Isiraili je, jolalimo loyo to josiemere.

Isaya 44:8

Wikiri wikirin, kosa wibwok, fodi akiwaco riwin wok cene t'awodho kamaler? Wibedo jokony paran! Nitie were man je kwanyowoko an? Ongoye tele man, ongoye m'aŋeyo.”

Isaya 26:4

Kethi geno i Rwoth cil gi cil, kole Rwoth Were, obedo tele ma cil gi cil.

Zabuli 110:2

Rwoth dhiro wok i Zayon, luth perin matek. Dhumo i dier jokwor perin!

Zabuli 72:9

Weyi jokwor pere jowokule piny ruwaŋe, aka jokwor pere jowonaŋ fukefuke.

Cakirok 49:10

Yuda bino mako luth pa kere, aka nyikwaye wangi jobedo jodhum. Piny jobino kelo ri mic to jokule ruwaŋ go i wor.

Isaya 60:21

Ji perin je jolabedo jom'otire, aka jolabedo gi lowo cil gi cil. Jobedo kolo m'apidho, tic ma cingan, ŋey anyal limo dwoŋ.

Isaya 61:11

Kole paka lowo miyo kodhi twi to dongo, paka ndelo miyo gim'ocwoy'iye twi, ameno apaka Rwoth Were lamiyo tiro gi pak kitula ruwaŋ nonin je.

Habakuk 3:19

Rwoth, Were, obedo meni paran; go timo tiendan paka tiendi apol, aka miyan awotho i kabedo paran m'oŋawere.

Zekaria 8:23

Rwoth pa lwak jolweny waco ama: I ndelo no je, cwo apar wok i dhodhok kweth ma nonin jolamako rinda pa Jayuda ka jowaco ni, “Weyi wakadhi kodin, kole watieko winjo nike Were nitie kodin.”

Zabuli 71:16

Alabino i tim ma meni pa Rwoth Were, alapako tim perin m'otire, aperin kende.

Zabuli 89:17

Kole ibedo dwoŋ gi meni pajo, i mar perin imiyo wan loyo.

Zekaria 12:5

Jodhum ma Yuda jolawaco iy'adundo pajo ni, “Ji ma jobedo i Yerusalem jonitie gi meni i Rwoth pa lwak jolweny bedo Were pajo.”