Isaya 43:1 - KITAWO MALEŊ

¹ T'onyo pama Rwoth waco, ŋat'ocweyin, Awi Yakobo, ŋat'otimin, Awi Isiraili. Ikir'ilwor, kole atieko bothin atieko lwoŋin gi nyingin, ibedo aparan.

KITAWO MALEŊ Catholic

¹ T'onyo pama Rwoth waco, ŋat'ocweyin, Awi Yakobo, ŋat'otimin, Awi Isiraili. Ikir'ilwor, kole atieko bothin atieko lwoŋin gi nyingin, ibedo aparan.

Isaya 43:1 ပူးပေါင်းရင်းမြစ်များ

Cakirok 32:28

Kenyo jalo owaco ni, “Nyingin doko k'olwoŋ ni Yakobo, to Isiraili. Rupiri itweyo rabok gi Were, t'iloyo.”

Zabuli 100:3

Ŋey win ni Rwoth obedo Were! Go ocweyo wan aka wabedo apere; wabedo ji pere, aka rombo pere.

Zabuli 102:18

Weyi gime wondiki ri luse ma bino, ŋey ji ma fodi k'onywol jowopaki Rwoth.

Kitawo mar'ario mapa Musa m'ilwoŋo ni Wok 15:13

Gi mar perin makiwire, itelo ji ma ibotho, gi meni perin inyutho jo yo ma kidho i lowo perin maleŋ.

Kitawo mar'ario mapa Musa m'ilwoŋo ni Wok 15:16

Jopoŋ gi lworo aka jokirin. Joneno meni perin, a Rwoth, aka jocungo m'ongoye kony gi lworo cuka ji perin joŋanjo jokadho, ji ma ibotho bedo ŋecin.

Kitawo mar'ario mapa Musa m'ilwoŋo ni Wok 33:17

Aka Rwoth odwoko Musa ni, “Abino timo paka ikwayo, rupiri inwaŋo wor ruwaŋan aka aŋeyin gi nyingin.”

Isaya 27:11

Ka jangi yen jothwo, ituro, mon jobino dimo aka jomoko gine mac. Kole me ji ma jongoye gi niaŋ, riameno jacwec pajo kilamako gi jo wor, go m'ocweyo jo k'onyutho jo ŋono.

Isaya 41:14

Rwoth waco ni, “Makada nende ithin aka inyap rin, Isiraili, Ikir'ilwor, alakonyin. An, a Were maleŋ pa Isiraili, aŋat'abothin.

Isaya 42:6

An Rwoth, atieko lwoŋin i tiro, atieko kwanyin gi cingan t'akurin, atieko miyin paka cikirok ri ji, gi lero ri nonin.

Isaya 43:21

Ji m'atimo ri an won, ŋey jowotuci pak paran.

Isaya 43:5

Ikir'ilwor, kole anikodin, alakelo nyithindhin wok yuwok ceŋ, t'acoko win wok yupodho ceŋ.

Isaya 43:7

kisi dhano je m'ilwoŋo gi nyingan, m'acweyo ri dwoŋ paran, m'atimo t'acweyo.”

Isaya 44:2

Rwoth m'ocweyin waco ama, go m'otimin i ici aka lakonyin. Ikir'ilwor, awi Yakobo ŋeca paran, Yesurun m'atieko yero.

Isaya 45:11

Rwoth, Were Maleŋ pa Isiraili, aka jacwec pere waco, Wilapenjan kwoŋ nyithindho paran, kosa wilamiyan or kwoŋ tic paran?

Isaya 48:17

Rwoth, Jaboth mewin, aka Were Maleŋ pa Isiraili waco, Abedo Rwoth, Were mewin, ma fonjo win ro bero mewin, aka telo win i yo ma wiripo luwo.

Isaya 48:20

Wok win i Babilon, ngoye win kwoŋ Jokaldin! Koki win gi wac ma kisangala, tuci win, dhiri win wac kiri witum ma piny, wac win ni, “Rwoth otieko botho Yakobo ŋeca pere!”

Isaya 49:1

Winjan win, piny ma yuthengi nam, win ji ma wiwok bor! Rwoth olwoŋan mafodi k'onywolan, mafodi anitie i iy mama go ocwoko nyingan.

Isaya 49:26

Alamiyo jono ma jodiyin camo delkwoŋ jo, aka jolamer gi remo pajo paka jomer gi vini. Kenyo ji je jolaŋeyo ni, Abedo Rwoth, Jaboth perin, aka Jagony perin, Jameni pa Yakobo.

Isaya 51:13

Wiwin owil gi Rwoth, jacwec mewin, m'oyaro polo, to geto misingi ma piny. Wimedo bedo gi lworo ndelo gipi, ro nge pa jono ma jodiyo win, jono ma joyikere reyo win woko? Nikune keme pa joma jodiyo win?

Isaya 52:9

Mwoc dwondi win kanyacel gi wer, win gundin ma Yerusalem! Kole Rwoth otieko yomo cuny ji pere, go otieko botho Yerusalem.

Isaya 62:12

Aka ilalwoŋo jo ni ji maleŋ mapa Were, ji ma Rwoth obotho, aka ilalwoŋin ni m'odwar, tindi madwoŋ ma k'ojwangi.

Isaya 63:16

Kole in a Bawan, makada nende Abraham okuya wan, aka Isiraili kiyey wan, in, Awi Rwoth, ibedo Bawan, jaboth mawan wok cango obedo nyingin.”

Isaya 63:9

I litho pajo je, go olimo litho, to malaika pere botho jo. I mar pere gi wor pere, go obotho jo, otiŋo jo malo to rendo joje i hongo macene.

Yeremia 31:3

Rwoth onenere ran wok bor. Atieko marin gi mar ma cil gi cil, riameno amedo timo rin adieri.

Yeremia 33:24

Poyi fodi ikikaŋasa maber kite ma ji me jowaco ni, “Pecin ario ma Rwoth oyido oyero go otieko kwero woko.” Kite m'iter'iye ji paran gi cay ma kiter jo paka nono?

Yeremia 33:26

dinyo akwero nyikway Yakobo kodi ŋeca paran Daudi m'akiyeyo moro kwoŋ nyikwaye paka jadhum kwoŋ nyikway Abraham, Isaka kodi Yakobo. Kole aladwoko lim pajo, aka alamako wor gi jo.

Yeremia 50:34

To jaboth pajo tek, nyingi go obedo Rwoth Jameni Je. Go won ama lakiosa rijo, ŋey wokel siem i piny, to kelo teko ri ji ma Babilon.

Ywakirok 3:57

Icore cegin munyo alwoŋin, aka iwaco ni, Ikir'ilwor.

Ezekiel 16:8

Aluwo kendo t'aneno nike oyido itieko thiko. Ayaro tiendi kanzu paran kwoŋin, t'aumo kinyoro perin. Atimo kodin cikirok ma nywomirok, Rwoth Were waco, aka ilokere aparan.

Daniel 10:19

Go owaco ran ni, “Awi jacwo m'omar swa, Ikir'ilwor, siem wobedi kodin, bedi matek, bedi matek.” Munyo go otieko luwo kodan, omiyan bedo gi meni, aka awaco ni, “Weyi rwoth paran woluwi, kole itieko miyan meni.”

Zekaria 13:9

Alaketho adec mar'adek i mac, alathodho paka ithodho feza, aka alatemo jo paka itemo zahabu. Jolalwoŋo nyingan, aka aladwoko jo. Alawaco ni, Jobedo ji paran, aka jolawaco ni, Rwoth obedo Were paran.

Malaki 3:17

Rwoth pa lwak jolweny owaco ni, “Jobino bedo ji paran won, i ndelo m'anotimi gimoro, aka abino koyo jo paka ba nyathi nyutho wor ri wode ma tiyo rigo.

Tim pa Jomoor 27:20

Ndelo okadho madit ma wakineno waŋceŋ kosa micalin, aka koyo omedere gi kudho gi meni. Rumacen cuny wan oeye kiri kwoŋ kwo mawan.

Tim pa Jomoor 27:25

Am'omiyo, jowotan, bedi win miseni, rupiri an gi geno i Were ni gime bino bedo paka awaco riwin won.

Joefeso 2:10

Wabedo cwec pa Were, aka ocweyo wan i Kristo Yesu, ni wabedi gi tim mabeyo, ma cango go oyiko con ni wabedi gine.

Kitawo mar'abic mapa Musa m'ilwoŋo ni Cik 32:15

Yesurun meno nyingi Yakobo man, opoŋ aka ogwenyere, okelo del aka cwe, ojwango Were m'ocweyo go, aka oŋalo Tele ma both pere.

Kitawo mar'abic mapa Musa m'ilwoŋo ni Cik 32:6

Ama apaka wilaculo Rwoth? Awi ji ma jomiŋ, ma jongoye gi rieko! Kosa go k'obedo bawin, go m'ocweyo win, m'otimo win, to bedo cakirok mewin?

Kitawo mar'abic mapa Musa m'ilwoŋo ni Cik 32:9

Adec pa Rwoth obedo ji pere, Yakobo obedo alunja pere.

2 Timothe 2:19

To tiendi geto m'ocwiny ma Were otieko ketho kiyengere, aka me a wac m'ondiki kwoŋe: “Rwoth oŋeyo joma jobedo apere.” Odoko ni, “Nyatoro je m'obedo apa Rwoth ripo eye woko kwoŋ tim mareco.”

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

Menyirok ri Yohana 5:9

Jowero wer manyen ni, “Iripo gi kwanyo kitawo gi halo woko gim'omwon gine. Kole onekin, aka gi remo perin, inyewo ri Were ji maleŋ, wok i nonin je, dhodhok je, piny je kodi ji ma piny gipi.