Isaya 42:13 - KITAWO MALEŊ

¹³ Rwoth telo paka siragama, paka dhano ma jalweny, go tugila nge pere, go ywak, go koko malo, go nyutho meni pere kwoŋ jokwor pere.

KITAWO MALEŊ Catholic

¹³ Rwoth telo paka siragama, paka dhano ma jalweny, go tugila nge pere, go ywak, go koko malo, go nyutho meni pere kwoŋ jokwor pere.

Isaya 42:13 ပူးပေါင်းရင်းမြစ်များ

Zabuli 118:16

Meni pere okelo riwan loyo, meni pere matek i lweny!

Zabuli 78:65

Nyaka to Rwoth cew pa oyido nindo paka jamaker ma koko gi sangala ro vini.

Isaya 26:11

Awi Rwoth, cingin otiŋere malo, to jokinen. Weyi jowoneni miyirok perin ri ji perin, aka wickwot womaki jo. Weyi mac pa jokwor perin worey woko jo.

Isaya 31:4

Kole Rwoth otieko waco ran ni, paka simbwor kosa nyathi mere hola kwoŋ cemo pere, aka makada nende jokwath rombo ma jotemo kikwonga rombo jokoki nedi, kibwoki ro koko pajo, kosa bwonere ro woy pajo; ameno apaka Rwoth pa lwak jolweny laloro piny, lweny wi Got Zayon gi i wi tendere mere.

Isaya 37:32

Kole bino bedo ji ma jobino both i Yerusalem gi Got Zayon kwoŋbedo Rwoth omiyere miyo gime timirok.”

Isaya 63:15

Ŋiy piny wok i polo, ineni, wok i kabedo perin maleŋ aka didwoŋ. Nikune kinen perin gi meni perin? Mito mar'adundo perin gi wor perin opanere kwoŋan.

Isaya 66:14

Wilaneno gime timere, aka cuny win lafore; lamiyo win bedo matek gi kwo maber. Aka wilaŋeyo ni Rwoth, konyo jono ma jowinjo go, aka nyutho jokwor pere nge.

Isaya 9:7

Dhum pere k'orumi, aka siem labedo cil gi cil, i wi kom ma dhum pa Daudi gi ker pere, cako gi mako matek, gi tiro kodi timo gim'otire, wok i hongo me kadho yuwaŋe aka cil gi cil. Rwoth pa lwak jolweny omiyere timo gime.

Yeremia 25:30

In Yeremia, iripo tuco rijo kisi gimoro je m'atieko waco. Iripo waco rijo ama: Rwoth lakiuja wok i polo, kodi wok i kabedo pere maleŋ to jero; go lakiuja gi meni kwoŋ ji pere, to koko paka jono ma jodhiŋo olemo, kwoŋ ji je ma jobedo i piny.

Hoseya 11:10

Jolaluwo Rwoth, ma uja paka simbwor; ka go ouja, nyithindho pere jolabino ka jokirin wok yupodho ceŋ.

Yowel 3:16

Rwoth lakihola wok i Zayon, to miyo dwonde winjirok wok i Yerusalem, polo kodi piny jolayengere. To Rwoth obedo kabwok ri ji pere, kodi kapondo ri Joisiraili.

Amos 1:2

Amos owaco ni, “Rwoth jero wi got Zayon aka dwonde mor i Yerusalem, lum pa jokwath rombo thwo woko, aka lum ma wi got Kamel oner.”

Nahum 1:2

Rwoth obedo Were ma janyeko, aka go culo kwor, Rwoth culo kwor aka mako keme. Rwoth culo kwor kwoŋ jokwor pere, aka mako keme kwoŋ jokwor pere.

Zefania 1:18

Feza pajo kosa zahabu pajo, kilabotho jo, i ndelo ma keme pa Rwoth, i mac ma nyeko pere, piny gipi larere woko, gi mac ma nge pere. Go laketho gike abwap ri ji je ma jobedo i piny.

Zefania 3:8

Riameno kuran win, Rwoth waco, ri ndelo m'abino ay paka jakony. Kole ayere coko nonin, ma coko kerin, konjo kwoŋ jo keme paran, lietho ma nge paran je, kole i mac ma nyeko paran, piny gibe larere.