Isaya 41:16 - KITAWO MALEŊ

¹⁶ Wilapiedho jo to koyo kudho jo, aka asur lakedho jo. Nyaka to wifore i Rwoth, wilalimo dwoŋ i Ŋataleŋ pa Isiraili.

KITAWO MALEŊ Catholic

¹⁶ Wilapiedho jo to koyo kudho jo, aka asur lakedho jo. Nyaka to wifore i Rwoth, wilalimo dwoŋ i Ŋataleŋ pa Isiraili.

Isaya 41:16 ပူးပေါင်းရင်းမြစ်များ

Zabuli 1:4

To jokidakana jokical ameno jocale yuk ma koyo kwadho woko.

Isaya 12:6

Koki win malo, aka wer win ri kisangala ji ma Zayon, kole ŋatadwoŋ i dier win, obedo Ŋataleŋ pa Isiraili.

Isaya 17:13

Nonin johola paka pi kweth, to Were ladwoko jo, to joringo bor, ilariemo jo paka cuŋ ma koyo kwadho wi gote, kodi rudino mar'asur ruwaŋ koth ma cwe gi koyo madwoŋ.

Isaya 25:9

Ilawaco i ndelo no ni, “Neni, me Were mawan, watieko kuro go ŋey wobothi wan. Me Rwoth ma watieko kuro; weyi wasangala aka wafore i both pere.”

Isaya 28:5

I ndelo no, Rwoth pa lwak jolweny labedo sangaria madwoŋ, gi sangaria ma ŋono, ri ji pere ma joboth;

Isaya 29:19

Jomamwol jolanwaŋo kisangala i Rwoth, aka jocandi jolafore i Ŋataleŋ pa Isiraili.

Isaya 29:5

To lwak jokwor perin jolacale paka fukefuke mathindho thindho, lwak jogero jolakadho, abwap ma k'oniaŋere.

Isaya 35:10

Aka jono ma Rwoth otieko botho joladok, to jobino i Zayon gi wer, kisangala ma cil gi cil labedo i wi jo; jolanwaŋo siem gi kisangala, kumo gi rem larumo woko.

Isaya 40:24

Ipidho jo m'okele okele, ocwoy jo m'okel okel, ma tiendi jo fodi k'odonji i lowo maber, ka go okudho jo woko, to joner, aka asur sira gi jo malo paka kanja.

Isaya 51:3

Kole Rwoth layomo cuny Zayon; gi jono je ma jobedo i gundin mere. Go laloko thim mere paka Eden, aka opalipat mere paka ndelo pa Rwoth. Forok gi kisangala lanwaŋere i go, foyo kodi dwondi ma wer.

Isaya 60:19

Ceŋ kilabedo lero perin odieceŋ, kosa dwe wor; to Rwoth, ama labedo lero perin ma cil gi cil; aka Were perin labedo dwoŋ perin.

Isaya 65:18

To sangala win aka fore win cil gi cil, i gim'acweyo; kole neni, acweyo Yerusalem lapoŋ forok, aka ji mere jolabedo kisangala.

Yeremia 15:7

Atieko piedho jo g'adher i waŋkace ma piny; atieko miyo jo ywak, atieko reyo ji paran; to jok'oweyo tim pajo.

Yeremia 51:2

Aladhiro jopath i Babilon, aka jolayweyo go, to joweyo go m'othangere. Jolathoko go i kisi thenge, i ndelo ma teko.

Yeremia 51:20

Rwoth waco, “Babilon, ibedo nyundu paran, gilweny paran. Aorin ma ŋinyo woko nonin gi kerin,

Yeremia 51:33

Kole Rwoth pa lwak jolweny waco ama, Were pa Isiraili: Nyar Babilon cal paka kisia i hongo m'onyon iye; kucel i hongo macek hongo ma keco go bino tundo.

Daniel 2:35

Kenyo nyweny, lowo nyamasiga, ywel, feza, kodi zahabu joŋinyere mathindho thindho to jolokere paka cuŋ i kisia ma hongo ma ceŋ. Koyo okudho jo woko ma k'oweyo bathi jo. To tele m'ogoyo cal no olokere got madwoŋ aka opoŋo piny gibe.”

Hoseya 11:9

Ak'onyuthi nge paran maliel; doko ak'orey Efrayim; kole abedo Were makiweno dhano, Ŋataleŋ manitie i dier win, aka akilabino i keme.

Yowel 2:23

Awi ji ma Zayon, sangala win, aka fore win i Rwoth Were mewin; kole go otieko miyo koth marapena ma botho win, go otieko konjo piny riwin koth, koth marapena gi macowe, i dwe marapena.

Mika 5:8

Aka ji pa Yakobo m'odoŋ jolabedo i dier nonin, i dier ji kweth, paka simbwor i dier ogwaŋe madudi, paka nyathi simbwor i dier sidwol rombo, ma k'oluwo i dier jo redho jo piny, aka yeco jo mathindho thindho, to ngoye ŋat'obothi jo.

Habakuk 3:18

Kucel alafore i Rwoth; alakisangala i Were, jaboth paran.

Matayo 3:12

Go nitie g'odher pere ma yeko nyingi kal je; go bino coko kal pere ma lilo to konjo i dero pere, to waŋo woko cuŋ i mac makitho.”

Joroma 5:11

To ki meno kende; wasangala i Were kwoŋ Rwodhiwan Yesu Kristo, ma pama odwoko wan i tiyirok gi Were.

Jofilipi 3:3

Kole wan ayino ama watieko limo thumirok mar'adieri, wan ma walamo Were gi meni pa Cuny Maleŋ, aka wayumere i Kristo Yesu. Odoko wakikethi geno moro kwoŋ thumirok ma del,