Isaya 41:14 - KITAWO MALEŊ

¹⁴ Rwoth waco ni, “Makada nende ithin aka inyap rin, Isiraili, Ikir'ilwor, alakonyin. An, a Were maleŋ pa Isiraili, aŋat'abothin.

KITAWO MALEŊ Catholic

¹⁴ Rwoth waco ni, “Makada nende ithin aka inyap rin, Isiraili, Ikir'ilwor, alakonyin. An, a Were maleŋ pa Isiraili, aŋat'abothin.

Isaya 41:14 ပူးပေါင်းရင်းမြစ်များ

Yobu 19:25

Kole aŋeyo ni Jaboth paran kwo, aka ni rumacen go lacungo ran i piny.

Yobu 25:6

t'onyo kosa dhano, ma delkwoŋe nyalo top, dhano m'obedo kudin.

Zabuli 19:14

Weyi wac ma wok i dhokan gi paro ma cunyan, wobedi ma yere ruwaŋin, Awi Rwoth, tele paran aka jaboth paran!

Zabuli 22:6

T'onyo akical dhano kendo, acalo kudin, ma kisi nyatoro cayo aka dak!

Zabuli 46:5

Were nitie i tindi madwoŋ no, aka k'oyengere; Were bino konyo go i ŋamba.

Zabuli 78:35

Jopoyo ni Were oyido obedo tele pajo, Were Madwoŋ Maloyo, jaboth pajo.

Isaya 35:10

Aka jono ma Rwoth otieko botho joladok, to jobino i Zayon gi wer, kisangala ma cil gi cil labedo i wi jo; jolanwaŋo siem gi kisangala, kumo gi rem larumo woko.

Isaya 37:4

Kere ma Asiria ooro jadhum pere madwoŋ yeto Were makwo. Weyi Rwoth Were perin wowinji yet me, aka womiy joma joluwo gir'acula. Riameno kway ri ji mawan ma jodoŋ.”

Isaya 41:10

Ikir'ilwor, kole anitie kodin, ikir'ibwoki, kole abedo Were perin, alamedin meni, alakonyin, alamakin gi cingan maracuc ma turo lweny.

Isaya 43:14

Me apaka Rwoth waco, Jaboth perin, Ŋataleŋ pa Isiraili, Ro in aladhiro jolweny i Babilon, t'aturo woko nywenye je, aka koko pa Jokaldin lalokere kumo.

Isaya 43:3

Kole abedo Were perin, Ŋataleŋ pa Isiraili, jaboth perin. Amiyo Misir paka mic mareco perin, awilo Ethopiya gi Seba kodin.

Isaya 44:22

Atieko ywero woko reco perin paka pondeponde, gi reco mewin paka fumbi, dwoki bongan, kole atieko bothin.

Isaya 44:24

Rwoth, Jaboth perin waco ama, go m'ocweyin i ici. Abedo Rwoth, m'otimo gigipiny je, go kende m'orieyo polo, an m'awon ayaro piny,

Isaya 44:6

Rwoth, Kere pa Isiraili waco, Jaboth pere, Rwoth pa lwak jolweny ni “Abedo marapena aka macowe, aka ongoye were man kwanyowoko an.

Isaya 47:4

Jaboth mawan, Rwoth pa lwak jolweny, meno nyingi go, go obedo Ŋataleŋ pa Isiraili.

Isaya 48:17

Rwoth, Jaboth mewin, aka Were Maleŋ pa Isiraili waco, Abedo Rwoth, Were mewin, ma fonjo win ro bero mewin, aka telo win i yo ma wiripo luwo.

Isaya 49:26

Alamiyo jono ma jodiyin camo delkwoŋ jo, aka jolamer gi remo pajo paka jomer gi vini. Kenyo ji je jolaŋeyo ni, Abedo Rwoth, Jaboth perin, aka Jagony perin, Jameni pa Yakobo.

Isaya 49:7

Rwoth waco, Jaboth pa Isiraili aka Ŋataleŋ pere, ri ŋat'icayo swa, aka nonin jodak, ŋeca pa jodhum ni, “Kerin jolaneno to joay, jodhum jolakule piny, kwoŋbedo Rwoth ma timo adieri, Were Maleŋ pa Isiraili m'otieko yerin.”

Isaya 54:5

Kole jacwec perin obedo cworin, Rwoth pa lwak jolweny obedo nyinge; Were Maleŋ pa Isiraili obedo Jaboth perin, ilwoŋo go ni Were ma piny gibe.

Isaya 54:8

I keme paran m'opoŋ de oy ma hongo macek, apano rin waŋan, to alamako kodin wor gi mar makiwire, Rwoth, Jaboth perin waco.

Isaya 59:20

Aka go labino i Zayon paka Jaboth, kodi ri nyikway Yakobo, ma joŋuto reco pajo, Rwoth waco.

Isaya 60:16

Iladhotho cak pa nonin, iladhotho thundho pa kerin, aka ibino ŋeyo ni An, Rwoth abedo Jaboth perin, aka Jagony perin, Jameni pa Yakobo.

Isaya 63:16

Kole in a Bawan, makada nende Abraham okuya wan, aka Isiraili kiyey wan, in, Awi Rwoth, ibedo Bawan, jaboth mawan wok cango obedo nyingin.”

Yeremia 46:27

Ji paran, wikiri wibedi gi lworo, aka wikiri wibwok, Awi Isiraili; Kole akidho botho win wok bor, kanyacel gi nyithindho mewin wok i piny ma twec. Yakobo ladwoko peco to bedo i piny ma disiem, aka ongoye ŋata lamiyo go bwok.

Yeremia 50:34

To jaboth pajo tek, nyingi go obedo Rwoth Jameni Je. Go won ama lakiosa rijo, ŋey wokel siem i piny, to kelo teko ri ji ma Babilon.

Ywakirok 3:57

Icore cegin munyo alwoŋin, aka iwaco ni, Ikir'ilwor.

Daniel 10:12

Go owaco ran ni, “Ikir'ilwor Awi Daniel, kole wok i ndelo marapena m'iketho cunyin ma niaŋ, kodi mwolok ruwaŋ Were perin, owinji wac perin, aka atieko bino ro wac perin.

Hoseya 11:9

Ak'onyuthi nge paran maliel; doko ak'orey Efrayim; kole abedo Were makiweno dhano, Ŋataleŋ manitie i dier win, aka akilabino i keme.

Matayo 7:14

Waŋkac madiny nigi royo matek luwo, to tero jo i kwo, aka ji manok ama jonwaŋo royo no.

Luka 12:32

“Wikiri wibedi malwor, nyaka rombo paran! Kole Bawin sangala gi miyo win Ker.

Joroma 9:27

Aka Isaya luwo kwoŋ Isiraili ni, “Kada nyithindho pa Isiraili jothoth pa kwoyo ma nam, nyaka manok kwoŋ jo am'ibino botho.

Jogalasia 3:13

Munyo Kristo olokere ŋat'okwoŋ ka waŋ wan, ogonyo wan woko kwoŋ ma Cik kelo, rupiri ndiko waco ni, “Nyatoro je m'olier wi yath meno ŋat'okwoŋ.”

Kitawo mar'abic mapa Musa m'ilwoŋo ni Cik 7:7

K'obedo nike oyido withoth loyo ji man am'omiyo Rwoth oketho cunye kwoŋ win to yero win; kole oyido winok loyo.

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

Yosuwa 17:18

to piny matendere labedo mewin, rupiri kad'obedo lul, wilacwado to wilunjo tundo i kewere mere mabor; rupiri wilagweyo woko Jokanan, kada jonitie gi cawilin ma nyweny, kendo kada jotek.”

Menyirok ri Yohana 5:9

Jowero wer manyen ni, “Iripo gi kwanyo kitawo gi halo woko gim'omwon gine. Kole onekin, aka gi remo perin, inyewo ri Were ji maleŋ, wok i nonin je, dhodhok je, piny je kodi ji ma piny gipi.