Isaya 40:15 - KITAWO MALEŊ

¹⁵ Neni, kiri nonin je jocale gim'othon i baketi, aka ikwano jo paka fukefuke i wi rapim. Neni, go tero kigodin ma pi paka fukefuke m'onuŋere.

KITAWO MALEŊ Catholic

¹⁵ Neni, kiri nonin je jocale gim'othon i baketi, aka ikwano jo paka fukefuke i wi rapim. Neni, go tero kigodin ma pi paka fukefuke m'onuŋere.

Isaya 40:15 ပူးပေါင်းရင်းမြစ်များ

Cakirok 10:5

Jo jobedo kwari ji ma jobedo i thengi pi kodi i kigoda. Me nyikway Yafeth, jobedo ji ma nono pajo opokere gi piny pajo, aka joluwo dhodhok m'opokere.

Zabuli 62:10

Ikir'ikethi geno iy'akaka, ikir'ikethi geno m'ongoye i kwo; ka ŋaŋo omedere, ikir'ikethi cunyin kwoŋe.

Zabuli 62:9

Ji jocale luya ma ywe; jomadongo gi jomathindho je jongoye kony. Kethi jo i rapim, jok'oyway kilo; josew loyo luya ma ywe.

Isaya 11:11

I ndelo no Rwoth lacoro cinge kendo madirio dwoko peco ji pere ma joboth, wok i Asiria gi Misir, wok i Pathiros, wok i Ethopiya, wok i Elam, wok i Babilon, wok i Hamath, gi wok i kigoda ma nam.

Isaya 17:13

Nonin johola paka pi kweth, to Were ladwoko jo, to joringo bor, ilariemo jo paka cuŋ ma koyo kwadho wi gote, kodi rudino mar'asur ruwaŋ koth ma cwe gi koyo madwoŋ.

Isaya 2:22

Wire woko kwoŋ dhano, ma luya pere nitie i ume, aŋo bende ma go nyalo?

Isaya 29:5

To lwak jokwor perin jolacale paka fukefuke mathindho thindho, lwak jogero jolakadho, abwap ma k'oniaŋere.

Isaya 40:22

Obedo go ma bedo kalo malo ma thokirok ma piny, aka ji mere jocale otwoŋo; go ma yaro woko polo paka nanga m'iumo gine dhiot, to yaro jo paka wema ma bed'iye.

Isaya 41:5

Piny ma yuthengi nam jotieko neno aka jobwok, tum ma piny jokirin, jocore cegin aka jobino.

Isaya 59:18

Cungo kwoŋ tim pajo go laculo jo; keme pere ri jokwor pere, culo kwor ri jokwor pere, go laculo kwor ri piny ma yuthengi nam.

Isaya 66:19

Alaketho ranyuth i dier jo. Wok kwoŋ jo alaoro ji ma joboth i piny kweth, Tarsis, Libia, gi Lidia ma jo oro asere gi kwote, Tubal, Javan gi piny ma yuthengi nam, mafodi jok'owinjo ŋeyirok kosa neno dwoŋ paran; aka jolatuco kamaler dwoŋ paran i dier nonin.

Yeremia 10:10

To Rwoth obedo Were mar'adieri; go obedo Were makwo kodi Kere ma cil gi cil. I keme pere piny yengere, aka nonin kinyal ciro nge pere.

Daniel 11:18

Aka rumacen go lawiro waŋe yuthengi nam, aka lakwanyo mathoth kwoŋ jo; to jamituka laketho i gike kwoto pere; adieri go ladwoko kwoto pere rigo.

Daniel 4:32

Ilakwanyin woko wok i dier ji aka ilabedo g'ogwaŋe madudi. Ilamiyin camo lum paka megikwe ma oro abirio cuka inoŋey nike Jamalo swa dhumo ker pa ji aka nike go miyo dhum ri ŋata go yero.”

Daniel 4:35

Go neno ji ma i piny paka gim'ongoye, go timo gim'omito gi Lwak ma i polo kodi ji ma i piny. Ongoye ŋata nyalo juko cinge, kosa penjo go ni, “Itimo aŋo?”

Zefania 2:11

Rwoth lakelo lworo kwoŋ jo. Go lasewo werin je ma piny kisi nono lalamo go, kisi acel i piny pere won.