Isaya 40:11 - KITAWO MALEŊ

¹¹ Go lapidho mwendi pere paka jakwath; go lacoko nyithindhi rombo i bade, to tiŋo jo i kore, to leko megi rombo m'odeda.

KITAWO MALEŊ Catholic

¹¹ Go lapidho mwendi pere paka jakwath; go lacoko nyithindhi rombo i bade, to tiŋo jo i kore, to leko megi rombo m'odeda.

Isaya 40:11 ပူးပေါင်းရင်းမြစ်များ

Cakirok 33:13

To Yakobo dwoko ni, “Jadwoŋ paran iŋeyo nike nyithindho joŋic, aka aripo paro kwoŋ mwendi gi dhok ma jonitie gi nyithindhi gin. K'oredi gi jo ma ndelo acel, joje jobino tho.

Cakirok 49:24

To kwot pere kiyengere aka cingi go oloki matek, gi meni pa Were Majameni pa Yakobo. Kodi jakwath, tele pa Isiraili.

Zabuli 100:3

Ŋey win ni Rwoth obedo Were! Go ocweyo wan aka wabedo apere; wabedo ji pere, aka rombo pere.

Zabuli 27:10

Kole baba gi mama jonyalo jwangan, to Rwoth bino kuran.

Zabuli 28:9

Bothi ji perin Rwoth, aka miy jono ma jobedo aperin silwany. Bedi jakwath pajo, aka ikuri jo cil gi cil.

Zabuli 37:3

Kethi geno i Were, aka tim bero, ŋey ikwo i piny m'ongoye teko.

Zabuli 80:1

Cik ithin, Awi Jakwath pa Isiraili, winji wan, jatel pa mwendi perin. Ibedo i kom perin ma dhum i wi cwec ma jobwombi gin,

Isaya 42:3

Go k'otur kedi midole, aka k'oneki mac maliel ma nimnim; go lakelo tiro iy'adieri.

Isaya 63:11

Nyaka to poyo hongo macon, hongo pa Musa ŋeca pere. Aka jopenjo ni, nikune Rwoth m'owodho, jokwath rombo pere woko i nam? Nikune go m'oketho i dier jo cuny maleŋ pere?

Yeremia 31:10

Winji win wac pa Rwoth, awi nonin, aka tuci win bor i kigodin. Waci win ni, “Ŋat'okedho Isiraili lacoko go, aka lakuro go paka jakwath rombo kuro mwendi.”

Yeremia 31:8

Neni, akidho kelo jo wok i lowo ma yumalo, t'acoko jo wok iy'adec mabor ma piny. Jo waŋtho kodi jor'aŋolo jolabino gi jo, mon ma minyur kodi ma ŋedi ramo jo, kanyacel, lwak madwoŋ ladwoko ka.

Ezekiel 34:15

An won alabedo jakwath pa rombo paran, aka alamiyo jo nindo piny, apaka Rwoth Were waco.

Ezekiel 34:16

Aladwaro ma jorwenyo, t'adwoko ma jolera, aka alatweyo wonga ri ma jotur, t'adwoko meni ri ma meni oloyo jo, to alareyo woko ma jocwe kodi ma jotek. Alakwayo jo gi tiro.

Ezekiel 34:2

Go owaco ni, “Wod dhano”, Kwedere kwoŋ jokwath ma Isiraili: Ituci rijo wac Were ni: Rwoth Were waco ama: A, win jokwath ma Isiraili, wiwegi wipidhere! Jokwath jokiripi pidho rombo?

Ezekiel 34:23

Alajengo kwoŋ jo jakwath acel, ŋeca paran Daudi go lakwayo jo, go lakwayo jo to bedo jakwath pajo.

Ezekiel 34:31

Wibedo rombo paran, rombo ma lum paran, aka abedo Were mewin apaka Rwoth Were waco.

Ezekiel 37:24

Ŋeca paran Daudi bino bedo kere pajo je; aka jolabedo kodi jakwath acel. Jolaluwo cik paran to jomako or paran.

Mika 5:4

Ka go obin, go bino dhumo ji pere gi meni ma wok bongi Rwoth, kodi dwoŋ ma nyingi Rwoth Were pere. Aka ji pere jobino bedo ma jogonyere, rupiri ji ma piny gibe jobino yeyo dwoŋ pere.

Mika 7:14

Kway ji perin gi luth perin Rwoth, ji perin m'itieko yero ma jobedo i thim, nitie lowo maber thoko jo. Weyi doko jowopidhere i Basan kodi Giliad, paka oyido cango con.

Zekaria 11:7

Akwayo mwendi ma ripo athumo, riameno jolimo litho. Akwanyo ludhe ario, acel alwoŋo ni Nema, aka man alwoŋo ni Riwirok; t'akwayo mwendi.

Zekaria 13:7

Cew, Awi abor, kwoŋ jakwath rombo paran, kwoŋ jacwo ma cungo cegin kodan, Rwoth pa lwak jolweny waco. Neki Jakwath rombo, ŋey rombo jowokedhere, aka alawiro cingan kwoŋ mathindho mere.

Joebulaniya 13:20

Onyo weyi Were ma jasiem, m'ocerino Rwodhiwan Yesu kwoŋ jom'otho, Yesu m'obedo Jakwath rombo Madwoŋ ro remo pere ma ridho cikirok makirum,

1 Petero 2:25

Ato oyido wicalo rombo m'orwenyo; t'onyo pama widwoko bongi Jakwath kendo Jakur ma cuny win.

1 Petero 5:4

Aka ka Jakwath Madwoŋ onenere, wibino limo sangaria ma didwoŋ ma kilawiro cal to rumo.

Menyirok ri Yohana 7:17

Ato Nyathi rombo manitie i dier kom ma dhum, bino bedo jakwath pajo, bino leko jo to tero jo ruwaŋ pi ma kwo, aka Were bino yweyo woko pigi waŋ jo kicutho.”