Isaya 4:3 - KITAWO MALEŊ

³ Ŋat'owey i Zayon to doŋ i Yerusalem ilalwoŋo ni ŋataleŋ, kisi ŋat'ondiki ri kwo i Yerusalem,

KITAWO MALEŊ Catholic

³ Ŋat'owey i Zayon to doŋ i Yerusalem ilalwoŋo ni ŋataleŋ, kisi ŋat'ondiki ri kwo i Yerusalem,

Isaya 4:3 ပူးပေါင်းရင်းမြစ်များ

Zabuli 69:28

Weyi nyingi jo worey woko i kitawo pa ji makwo; weyi wokiri wondiki nyingi jo kanyacel gi ji maber.

Zabuli 87:6

Rwoth bino ndiko nyingi nonin, to medo joje paka ji ma Yerusalem.

Isaya 1:27

Zayon laboth gi tiro, aka jono ma jobed'iye ma joŋuti reco, gi timo gim'otire.

Isaya 28:5

I ndelo no, Rwoth pa lwak jolweny labedo sangaria madwoŋ, gi sangaria ma ŋono, ri ji pere ma joboth;

Isaya 35:8

Royo labedo kenyo, aka ilalwoŋo ni Royo Maleŋ. Ongoye jareco ma laluw'iye, jomamiŋ jok'orweny'iye dhano.

Isaya 46:3

Winjan win, awi ot pa Yakobo, ji ma joboth je ma ot pa Isiraili, win m'atieko tiŋo wok i nywolirok, atiŋo win wok i ici.

Isaya 52:1

Cew, cew, bedi matek kendo, Awi Zayon! Ruk nangin perin maŋon, awi Yerusalem, tindi madwoŋ maleŋ. Kole ji ma jok'othumere gi jomakoc jok'obin bongin.

Isaya 6:13

Makada nende acel kwoŋ ji apar odoŋ, ilawaŋo go kendo, paka olwa m'otoŋ, to conge doŋ m'ocungo, rijo, conge obedo kodhi maleŋ.”

Isaya 60:21

Ji perin je jolabedo jom'otire, aka jolabedo gi lowo cil gi cil. Jobedo kolo m'apidho, tic ma cingan, ŋey anyal limo dwoŋ.

Isaya 62:12

Aka ilalwoŋo jo ni ji maleŋ mapa Were, ji ma Rwoth obotho, aka ilalwoŋin ni m'odwar, tindi madwoŋ ma k'ojwangi.

Ezekiel 13:9

Alatiŋo cingan kwoŋ jotuci wac Were ma jotuco wac twodo m'ongoye gima witieko neno. Jokilabedo i dier ji paran ka joromo; aka kilandiko nyingi jo i Isiraili, kosa jokiladok i lowo ma Isiraili. Kenyo wilaŋeyo ni An Abedo Rwoth.”

Ezekiel 43:12

Me cik ma Ot pa Were, adec je ma thoko, wi got obedo maleŋ loyo. Me cik ma Ot pa Were.

Yowel 3:17

Wilaŋeyo nike An, Rwoth Were mewin, abedo i Zayon, got ma leŋo paran. Yerusalem labedo Kabedo Maleŋ, aka jokicar jok'oluw'iye kendo.

Obadia 1:17

To wi got Zayon jomegi jobino kwale, aka bino bedo Kabedo Maleŋ. Ji pa Yakobo jobino bedo gi lim pajo wegi gi lowo pajo wegi.

Zekaria 14:2

Alacoko nonin je i Yerusalem ri lweny, ilamako tindi madwoŋ, ilakinyaga udi, cwo jolapodho kwoŋ mon to jonindo gi jo akar, aka adec ma tindi madwoŋ lakadho i piny man; aka ji ma jodoŋ k'oŋadi jo woko wok kwoŋ tindi madwoŋ.

Malaki 3:16

Kenyo jom'oyido jolworo Rwoth joluwo wegi, aka Rwoth owinjo gima jowaco, aka kitawo pa ji ma jolworo Rwoth aka joworo go ondiki.

Luka 10:20

To wikiri wisangala ni cuny m'ocido jowinjo win; kucel sangala win ni nyingi win ondiki i polo ayino.”

Tim pa Jomoor 13:48

Munyo Jopath jowinjo gime josangala aka jopako fonji pa Rwoth. Aka jom'oyido oyer ri kwo makirum jolokere jom'oyeyo.

Joroma 11:4

Were omiyo go radwok aŋo? Odwoko go ni, “Atieko ketho gicen ji gana abirio ma fodi jok'olamo were Bal.”

Joroma 11:5

Am'omiyo bende kiri gunyo fodi nitie jom'odoŋ, ma Were oyero ro nema pere.

Joefeso 1:4

Con ma piny fodi k'ocwey, go oyero wan bedo apere i Kristo, ni wabedi maleŋ, m'ongoye apuse ruwaŋ go.

Jofilipi 4:3

Aka in bende, jatic nyawotan ma genere, amito ikony mon me; kole jotieko tic matek kodan i nyayo Wac Manyen Maber, kanyacel gi Kelementi kodi jotic jowotan je, ma nyingi jo nitie i kitawo ma kwo.

Jokolosia 3:12

Am'omiyo paka wibedo ji pa Were m'oyer, maleŋ aka ma go omaro, onyo bedi win joma ramere ri wadi win, ma winigi cuny maber, bwonirok, mwolo, kodi diyo cuny.

Joebulaniya 12:14

Tem win paka winyalo bedo i siem gi ji je, gi woth i kwo ma leŋo, rupiri ongoye ŋata bino neno Rwoth ma bu leŋo.

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.

Menyirok ri Yohana 13:8

Ji je ma jobedo i piny jobino lamo ogwaŋ no. Dwoŋ mere ni dhano je ma nyinge k'ondiki i kitawo pa jomakwo m'obedo apa Nyathi rombo m'oneki wok i cwec pa piny.

Menyirok ri Yohana 17:8

Ogwaŋ m'ineno no oyido con kwo, to pama kikwo. Go cegin wok i bur mwombe ma bu gike aka bino tundo kama ilarey'iye go woko. Ji ma piny ma nyingi jo fodi k'ondiki i kitawo ma kwo wok i cakirok pa piny jobino dhier ka joneno ogwaŋ no, rupiri con oyido kwo, t'onyo pama kikwo, aka bino nenirok kendo.

Menyirok ri Yohana 20:15

aka nyatoro je ma k'onwaŋ nyinge i kitawo ma kwo, bende obol i wakawaka ma mac no.

Menyirok ri Yohana 21:27

To ongoye gimakoc ma bino donj'iye, kosa ŋata timo giwickwot kosa twodo, kende ji ma nyingi jo ondiki i kitawo ma kwo mapa Nyathi rombo kende ama jobino donjo i tindi no.

Menyirok ri Yohana 3:5

Ŋata loyo karatem bino rukere i ruk matar ameno, aka ak'orey woko nyinge i kitawo ma kwo aka abino tuco nyinge ruwaŋ Baba kodi jomalaika pere.