Isaya 4:2 - KITAWO MALEŊ

² I ndelo no jangi yath pa Rwoth labedo maŋon to limo dwoŋ, aka ranyak ma lowo labedo noro gi dwoŋ pa Joisiraili ma joboth.

KITAWO MALEŊ Catholic

² I ndelo no jangi yath pa Rwoth labedo maŋon to limo dwoŋ, aka ranyak ma lowo labedo noro gi dwoŋ pa Joisiraili ma joboth.

Isaya 4:2 ပူးပေါင်းရင်းမြစ်များ

Zabuli 67:6

Lowo otieko nyak cemo mere; Were, Were mawan, otieko miyo wan silwany.

Zabuli 72:16

Weyi cemo womore i ndelin, weyi tendere wopoŋ gi cemo weyi olemo mere wobedi paka Lebanon; aka weyi ji jowopoŋ i tindin madongo paka lum doy.

Kitawo mar'ario mapa Musa m'ilwoŋo ni Wok 28:2

Kwoy ri Aron ruk pa jocway ri Were i wi migam, ri dwoŋ kodi ŋono.

Isaya 11:4

to gi tiro go lathumo banja ri jocandi, to yero gir'atima marom ri jomamwol i piny. Go lamiyo piny gir'acula gi luth ma nyweny ma dhoke, aka laneko jokidakana gi luya ma dhoke.

Isaya 26:1

Ilawero wer me i ndelo no i lowo ma Yuda. Wanigi tindi madwoŋ matek, Were otieko kelo both, paka kor ot ma iye gi kor ot ma woko.

Isaya 27:6

I ndelo ma bino, nyikway Yakobo jolarwako fuc, Isiraili lathiwo to ketho withe, aka lapoŋo piny gibe g'olemo.

Isaya 30:23

Rwoth lamiyo koth ri kodhi ma wicwoyo i lowo, kodi ŋano, aka cemo lanyak m'owega. I ndelo no ogwaŋe mewin jolabedo gi lum kweth.

Isaya 45:8

Awi polo, cwo gim'otire wok malo, aka weyi piny woyawere ŋey both paran wonyali kitula, weyi womiy gim'otire wotula bende, an Rwoth, atieko cweyo.

Isaya 53:2

Ŋeca pa Rwoth odongo paka dudi ma nyaka rwako fuc i lowo m'othwo. Go oyido ongoye gi dwoŋ kosa ŋono, m'omiy waŋiy go, kosa cal moro kwoŋe ma d'oyway cuny wan, kosa ŋono ma d'omiy wawanya go.

Isaya 60:15

Makada nende oyido ajwangin aka adakin, m'oyido ongoye moro je ma luwo kenyo, alalokin madwoŋ aka maŋon cil gi cil, gi kisangala wok i luse tundo i luse.

Isaya 60:21

Ji perin je jolabedo jom'otire, aka jolabedo gi lowo cil gi cil. Jobedo kolo m'apidho, tic ma cingan, ŋey anyal limo dwoŋ.

Isaya 61:11

Kole paka lowo miyo kodhi twi to dongo, paka ndelo miyo gim'ocwoy'iye twi, ameno apaka Rwoth Were lamiyo tiro gi pak kitula ruwaŋ nonin je.

Yeremia 23:5

Hongo bino adieri, Rwoth waco, m'abino yer'iye kere ma jatiro nyakwar Daudi. Go bino dhumo gi rieko to timo gir'adieri kodi tiro i piny gipi.

Yeremia 33:15

I ndir no kodi i hongo no, alayero kere m'otire ma nyakwar Daudi. Kere no latimo gir'adieri kodi gim'otire i piny.

Yeremia 44:14

Ongoye ji ma jodoŋ i Yuda ma jobino bedo i piny Misir ma jolakwale kosa both kosa dok i piny Yuda. Makada nende jomito swa dok bedo koro, jokiladok, kwanyowoko ma joringo manok.

Yeremia 44:28

Jono ma joboth abor joladok wok i piny Misir kidho i piny Yuda, manok i welo, aka ji ma jodoŋ i Yuda ma jobino bedo i piny Misir jolaŋeyo nike wac pa ŋa maloyo, aparan kosa apajo!

Ezekiel 34:29

Alamiyo jo kafur maber ŋey kec wokiri woneki jo i piny, aka jokiri jocandere kendo yet pa nonin.

Ezekiel 36:8

To win, awi gote ma Isiraili, wilaloth jangi win, to winyak olemo ri ji paran Isiraili; rupiri jocegin dwoko peco.

Ezekiel 7:16

Ka jom'oboth joringi, jolanwaŋere wi gote, paka akurin ma milelo, joje jolaywak kisi dhano ro reco pere.

Yowel 2:32

Nyaka kisi ŋat'olwoŋ nyingi Rwoth bino both; kole wi Got Zayon kodi i Yerusalem, labedo gonyirok, paka Rwoth otieko waco, aka kwoŋ joma joboth, labedo jono ma Rwoth lwoŋo jo.

Yowel 3:18

I ndelo no, gote jolathono vini mamit, tendere jolamol gi cak, aka jwombe je ma Yuda jolamol gi pi; pi ma mol lakitula wok i Ot pa Rwoth to dhieko milelo ma Sitim.

Obadia 1:17

To wi got Zayon jomegi jobino kwale, aka bino bedo Kabedo Maleŋ. Ji pa Yakobo jobino bedo gi lim pajo wegi gi lowo pajo wegi.

Zekaria 3:8

Mondo winji, Awi Yesuwa, in kodi wadin ma jobedo ruwaŋin, jobedo cwo ma gir'aura; kole neni, acegin kelo ri ŋeca paran jange.

Zekaria 6:12

Iwaci rigo ni, Rwoth pa lwak jolweny waco ni, ‘Neni, jal ma nyinge obedo Jangi yath; kole go ladongo i kabedo pere to geto Ot pa Rwoth.’

Zekaria 9:17

Bero mere ocale nedi! Ŋono mere ocale nedi! Ŋano kodi vini lamiyo yac kodi nyir dongo matek.

Malaki 3:17

Rwoth pa lwak jolweny owaco ni, “Jobino bedo ji paran won, i ndelo m'anotimi gimoro, aka abino koyo jo paka ba nyathi nyutho wor ri wode ma tiyo rigo.

Matayo 24:22

Aka bedi Were k'otieko kimoja ye woko ndelo no, onwaŋo ongoye dhano ma d'oboth; to ri bero pa jom'oyer, Were bino kimoja ye woko ndelo no.

Luka 21:36

Kendo kure win aka wikway noknok nike wibedi gi meni ma ciro gigipiny ma bino timere me je to wicungo i nyim Wod Dhano.”

Yohana 1:14

Wac olokere Dhano, aka obedo gi wan, to waneno dwoŋ pere paka Wod Were acel kende, m'owok bongi Were Bawan, m'opoŋ gi nema kodi adieri.

2 Jokorintho 4:6

Kole Were m'owaco ni, “Lero woliel wok i mudho.” Am'omiyo lero pere liel i cuny wan, ma kelo riwan niaŋ kwoŋ dwoŋ pa Were, ma nenere i waŋ Kristo.

2 Petero 1:16

Wakicungo kwoŋ kigana acwoga munyo watito riwin bino pa Rwoth Yesu Kristo gi meni, to waneno dwoŋ pere gi waŋ wan.