Isaya 37:4 - KITAWO MALEŊ

⁴ Kere ma Asiria ooro jadhum pere madwoŋ yeto Were makwo. Weyi Rwoth Were perin wowinji yet me, aka womiy joma joluwo gir'acula. Riameno kway ri ji mawan ma jodoŋ.”

KITAWO MALEŊ Catholic

⁴ Kere ma Asiria ooro jadhum pere madwoŋ yeto Were makwo. Weyi Rwoth Were perin wowinji yet me, aka womiy joma joluwo gir'acula. Riameno kway ri ji mawan ma jodoŋ.”

Isaya 37:4 ပူးပေါင်းရင်းမြစ်များ

2 Samwiri 16:12

Kono Rwoth bino neno litho paran, aka Rwoth oculan bero i waŋ lam me.”

2 Kerin 17:18

Riameno Rwoth omako nge gi Isiraili to kwanyo jo woko ruwaŋe aka oweyo keri ma Yuda kende.

2 Kerin 19:4

Kere ma Asiria ooro jadhum pere madwoŋ yeto Were makwo. Weyi Rwoth Were perin wowinji yet me, aka womiy joma joluwo gir'acula. Riameno kway ri ji mawan ma jodoŋ.”

2 Kigana kwoŋ Kerin 28:19

Rupiri kere Ahaz ma Yuda oyido otiyo g'atoŋa m'ongoye tiende gi wiye to kwero winjo Rwoth, to Rwoth kelo teko kwoŋ Yuda.

2 Kigana kwoŋ Kerin 34:21

“Kidhi wipenji ran Rwoth kodi ri jono ma jodoŋ i Isiraili gi Yuda, gima mako wac ma kitawo m'onwaŋ; kole keme pa Rwoth dwoŋ m'okonjere kwoŋ wan, rupiri kwarere mawan jok'okuro wac pa Rwoth, ma timo gimoro je m'ondiki i kitawo me.”

Zabuli 106:23

Riameno owaco ni lareyo ji pere, ma bedi Musa, ŋeca pere m'oyero k'ocungo i dier Were gi ji pere ma geŋo nge pa Were kwoŋ reyo jo.

Zabuli 50:21

Gime itieko timo aka oyido aliŋaliŋa; oyido iparo ni acalo kodin. T'onyo pama apusa in, aka athango rin banja perin.

Isaya 1:8

Ojwangi Yerusalem kakende, paka kayindi i ndelo vini, paka kaywomirok i ndelo biriŋanya nyamizungu m'ilwoŋo ni kakamba, paka tindi madwoŋ m'okar mako.

Isaya 1:9

Bedi Rwoth pa lwak jolweny k'oweyo riwan ji mogo, oyido wacal Sodom, oyido wacal Gomora.

Isaya 10:20

I ndelo no Joisiraili gi Joyuda ma joboth kendo jokilagoŋere kwoŋ piny m'otemo reyo jo woko, to jolagoŋere kwoŋ Rwoth Maleŋ pa Isiraili, iy'adieri.

Isaya 10:22

Kole makada nende Joisiraili oyido jothoth paka kwoyo ma nam, nyaka ma joboth ama joladwoko. Rerok nitie ri ji, aka opoŋ de oy gi tiro.

Isaya 11:11

I ndelo no Rwoth lacoro cinge kendo madirio dwoko peco ji pere ma joboth, wok i Asiria gi Misir, wok i Pathiros, wok i Ethopiya, wok i Elam, wok i Babilon, wok i Hamath, gi wok i kigoda ma nam.

Isaya 36:13

Kenyo go oay malo aka okoko i dhoebulaniya ni, “Winji win gima kere madwoŋ, kere ma Asiria waco riwin!

Isaya 36:18

Wikiri wiyey Hezekia womiŋi win gi paro ni Rwoth labotho win. Nitie were ma piny moro je m'otieko botho lowo pere wok i cingi kere ma Asiria?

Isaya 36:20

Keraŋo ma werin ma piny me je jobotho piny pajo wok i cingan, ma Rwoth ripo botho Yerusalem wok i cingan?’”

Isaya 37:17

Onyo Rwoth, winji wan aka neni gima timere riwan. Cik ithin iwinji gima Senakerib waco je ma yetin, Were makwo.

Isaya 37:31

Aka ji ma joboth i Yuda jobino pidhirok pa yen ma jorwako fuc piny i lowo aka jonyak ranyak.

Isaya 37:32

Kole bino bedo ji ma jobino both i Yerusalem gi Got Zayon kwoŋbedo Rwoth omiyere miyo gime timirok.”

Isaya 37:5

Munyo ŋecin pa kere Hezekia jobino bongi Isaya, Isaya owaco rijo ni,

Isaya 41:14

Rwoth waco ni, “Makada nende ithin aka inyap rin, Isiraili, Ikir'ilwor, alakonyin. An, a Were maleŋ pa Isiraili, aŋat'abothin.

Isaya 46:3

Winjan win, awi ot pa Yakobo, ji ma joboth je ma ot pa Isiraili, win m'atieko tiŋo wok i nywolirok, atiŋo win wok i ici.

Yeremia 26:19

Kere Hezekia kodi ji ma Yuda jok'oneko Mika. Kucel, Hezekia omiyo Rwoth dwoŋ aka otemo mito ni Rwoth wonyuthi go ŋono. Rwoth owiro paro pere kwoŋ rerok m'oyido go ociko kelo kwoŋ jo. Onyo wan ee wacegin kelo rerok madwoŋ kwoŋ wan.

Yeremia 42:2

bongi Yeremia jatuci wac Were aka jowaco rigo ni, “Bedi ŋataber iwinji ywak mawan, ikway Rwoth Were mawan ri ji ma jodoŋ je. Kole wadoŋ nyaka manok kwoŋ kweth m'oyido wanitie, paka in bende ineno gi waŋin.

Daniel 2:18

aka owaco rijo rango wor pa Were ma i polo kwoŋ nyaliŋliŋ me, ŋey Daniel kodi wadi kanyacel gi cwo ma joriek i Babilon jokiri joworere.

Yowel 2:17

I dier karukirok kodi migam, weyi jocway ri Were i wi migam, jotic pa Rwoth, jowobiy pigi waŋ jo. Weyi jowowaci ni, “Tim ŋono gi ji perin, awi Rwoth, aka ikir'iloki alunja perin giwickwot, gir'awaca i dier nonin. Raŋo wowacere i dier ji ni, Nikune Were pajo?”

Amos 5:15

Kwer win raco, aka wimar bero, aka neni win ni tiro nitie i kapido. Kono miti Rwoth, Were pa lwak jolweny, bino mako wor gi ji ma piny me ma fodi jodoŋ makwo.

Amos 7:2

I menyirok no aneno munyo bonyo jocamo woko kisi gima nyaboke pendi i lowo. Kenyo awaco ama: Awi Rwoth Were, cwaki ji perin, akwayin. Jokwo nedi? Jomoki aka joloc!

Joroma 9:27

Aka Isaya luwo kwoŋ Isiraili ni, “Kada nyithindho pa Isiraili jothoth pa kwoyo ma nam, nyaka manok kwoŋ jo am'ibino botho.

Yakobo 5:16

Am'omiyo, tuci win reco mewin ri jowoti win, odoko kway win ri jowoti win, ŋey wilimi both ma del. Kwayo pa ŋat'otire nitie gi meni madwoŋ aka tiyo.

Yosuwa 14:12

Onyo riameno miyan piny matendere me ma Rwoth oluwo kwoŋe ndelo no; kole iwinjo i ndelo no paka Joanakim oyido jonitie kenyo, gi tindin madongo m'otinda: Nyalo bedo ni Rwoth labedo kodan, aka alariemo jo woko paka Rwoth owaco.”

1 Samwiri 12:19

To Joisiraili jowaco ri Samwiri ni, “Kway riwan Rwoth Were perin, ŋey wakiri watho; rupiri wamedo i wi reco mawan raco me, munyo wakwayo kere.”

1 Samwiri 12:23

To ri an, Rwoth ogeŋan timo reco, t'aweyo kwayo riwin; kwanyo woko alafonjo win royo maber m'otire.

1 Samwiri 14:6

Yonathan owaco ri jago m'otiŋo gilweny pere ni, “Biye wakidhi i kambi pa Jofilistia ma jok'othumere me. Nyalo bedo ni Rwoth lakonyo wan; rupiri ongoye gima dhiero Rwoth botho wan kada waj'ario.”

1 Samwiri 17:26

Daudi openjo jolweny m'oyido jocungo dho bonge ni, “Aŋo m'ibino timo ri jacwo m'oneki Jafilistia me to kwanyo woko wickwot me kwoŋ Joisiraili? Rupiri Jafilistia ma k'othumere me paro ni go ŋa manyalo cayo jolweny pa Were makwo!”

1 Samwiri 17:36

Atieko neko simbwore gi arare, aka Jafilistia ma k'othumere me bende bino tho paka ogwaŋe no; rupiri go ocayo jolweny pa Were makwo.

1 Samwiri 7:8

To jowaco ri Samwiri ni, “Ywak m'ikikeŋ ri Rwoth Were mawan riwan, wonyali botho wan wok i cingi Jofilistia.”