Isaya 32:6 - KITAWO MALEŊ

⁶ Kole jamiŋo joluwo miŋo, timo kidakana i cunye; timo gima bu Were, luwo twodo kwoŋ Rwoth, weyo kec neko ji, aka thwono joma riyo neko gir'amadha.

KITAWO MALEŊ Catholic

⁶ Kole jamiŋo joluwo miŋo, timo kidakana i cunye; timo gima bu Were, luwo twodo kwoŋ Rwoth, weyo kec neko ji, aka thwono joma riyo neko gir'amadha.

Isaya 32:6 ပူးပေါင်းရင်းမြစ်များ

Zabuli 141:4

Ikir'iwir cunyan timo reco moro je, gi oro kwo paran timo gikidakana, i kitipa pa ji ma jotimo reco, aka ikir'iyey acem i kalima pajo.

Agecin 19:3

Miŋo pa dhano won reyo woko go, kucel cunye mako nge gi Rwoth.

Agecin 24:7

Jomamiŋ jokiniaŋ rieko, ongoye gima jonyalo yawo dhok jo luwo i kapido.

Isaya 10:2

ma wiro thumo banja pa jocandi, gi mayo jocandi tiro, ŋey jowonyaga mon tho, aka jowokwal nyithindho kic.

Isaya 10:6

Aoro Asiria monjo piny ma bu Were, amiyo go or kwoŋ ji ma jomiyan nge, kinyaga gi kwalo, gi nyono jo piny paka cwodho ma royo.

Isaya 26:10

K'onyuthi jokidakana wor, jokilafonjere timo gim'otire. I lowo pa joma timo gim'otire, go timo komo, aka kinen meni pa Rwoth ma dhum.

Isaya 3:15

Winyutho aŋo ka wiŋinyo ji paran, ka wirego nyim jocandi? Rwoth pa lwak jolweny waco.

Isaya 31:2

Kucel Rwoth bende riek aka kelo teko, go kidwoki wac m'oluwo; to, laay malo kwoŋ ot pa joreco, gi jono ma jokonyo joma timo gimarac.

Isaya 59:13

Wagwenyere to wakwedere kwoŋ Rwoth, aka wakwero luwo Were mawan. Waluwo wac mar'adica gi ma gwenyirok, waere gi wac ma twodo aka watuco jo wok iy'adundin mawan.

Isaya 59:7

Tiendi jo yot timo gimarac, aka joredo oyo remo pa ji ma bubanja; paro pajo obedo paro mareco, joreyo ji aka joweyo gundin i ngudin pajo madongo.

Isaya 9:17

Am'omiyo Rwoth kisangala gi nyithindho pajo, kosa maki wor gi nyithindho kic gi mon tho. Ato kisi dhano oyido bu Were aka jotimi gimarac, aka kisi dhok dhano luwo miŋo. Kucel nge pa Rwoth fodi k'orumo, aka go fodi orieyo cinge miyo gir'acula.

Yeremia 13:23

Jaethopiya nyalo wiro rangi ma cal pere kosa kwac nyalo wiro rangi mere m'othon othon? Ka jonyalo, onyo win m'ongoye gima witimo ma wiŋiyo timo reco, winyalo fonjere timo gimaber.

Ezekiel 34:18

Obedo gimathin riwin ma pidhirok gi lum maber, winyono piny gi tiendi win kiri lum mewin man ma wikicam. Ka wimadho pi m'olony, ripo widuw megi gi tiendi win?

Daniel 12:10

Jomathoth jolacido woko reco pajo, jolaloko kwo pajo macil, ilalonyo jo, to jokidakana jolamedere timo kidakana. Ongoye jakidakana ma laniaŋ, to jono ma joriek jolaniaŋ.”

Amos 8:6

Wanyal kitana ŋano ma bukony i welo ma malo. Wabino nwaŋo jacandi ma kinyal culo banja pere, kosa culo welo pa ŋato to wanyewo go paka ŋeca.

Matayo 15:19

Ato i adundo ama wok'iye paro mareco ma rwako go i nek, timo cot, kodi kidakana, kwo, roro, gi nyeko nyingi joman.

Matayo 23:13

Kidamba otundi riwin, jondiko kodi Jofarisayo, jorendirok! Wicego ri ji dhiot ma donjo i Ker ma polo, aka wiwegi wikidonj'iye, odoko wikiyey joma mito donjo jowodonji.

Yakobo 1:27

Yeyo ma Were Bawan tero paka yeyo m'otire m'ongoye rendirok a me: Kuro nyithindho kic kodi mon ma cwogi jo otho i candirok pajo, gi kurok kwoŋ reco ma piny.

1 Samwiri 24:13

Iŋeyo ageca ma waco ni, ‘Tim marac wok bongi jomarac.’ Riameno akibino timo rin gimarac.