Isaya 32:11 - KITAWO MALEŊ

¹¹ Kirin win, win mon ma wibedo i kwo mayot, win ma wiwegi wicowere, lunyere win kinyoro, aka tweyi win kutiya i pier win.

KITAWO MALEŊ Catholic

¹¹ Kirin win, win mon ma wibedo i kwo mayot, win ma wiwegi wicowere, lunyere win kinyoro, aka tweyi win kutiya i pier win.

Isaya 32:11 ပူးပေါင်းရင်းမြစ်များ

Zabuli 123:4

Joŋaŋo joasa ŋalo wan, aka jodelok jodiyo wan gi cay.

Kitawo mar'ario mapa Musa m'ilwoŋo ni Wok 33:4

Munyo ji jowinjo gime, jocako ywak aka ongoye ŋat'oruko thiwino kendo.

Isaya 15:3

Joruko kutiya, i wi udi gi i royo, kisi dhano ywak gi geregere mathoth.

Isaya 2:19

Ji joladonjo i ŋungu telin, gi i kero piny, ri lworo pa Were, ri dwoŋ ma dhum pere, ka go oay miyo piny kirin.

Isaya 2:21

Ji joladonjo i ŋungu telin, gi i wilwindi riete, kwoŋ lworo pa Rwoth, gi dwoŋ ma dhum pere, ka go oay miyo piny kirin.

Isaya 20:4

Ameno apaka kere ma Asiria latero kinyoro jotwec ma go omaki wok i Misir gi Ethopiya, mathindho gi madongo, jolawoth kinyoro gi par tiendi gin, ma jok'oumo madeko gin, kelo wickwot kwoŋ Misir.

Isaya 22:12

I ndelo no Rwoth Were pa lwak jolweny olwoŋo ndur gi ywak, cido ye wiwin gi ruko kutiya.

Isaya 3:24

I kabedo ma kur maber, labedo ŋwece marac, i kabedo ma kisiwiro, labedo thol, i kabedo ma wi jo m'oyik, pata, i kabedo ma nangin mafoth, kutiya; i kabedo ma ŋono, waŋ.

Isaya 33:14

Joreco i Zayon jobwok, ji ma bu Were jokirin. Jowaco ni, “Ŋa i dier wan manyalo bedo kanyacel gi mac ma reyo jo? Ŋa i dier wan manyalo bedo kanyacel gi mac makitho cil gi cil?”

Isaya 47:8

Onyo riameno winji gime, in m'imaro gigipiny ma del, in m'ibedo kam'okwe, m'iwaco i cunyin ni, “An ago, ongoye ŋata cale kodan, akilabedo paka citho, kosa nyithindho paran jokilatho.”

Yeremia 4:8

Kwoŋbedo gime, ruki win kutiya, ywak win aka wibiy pigi waŋ win, kole nge pa Rwoth mager fodi k'oweyo wan.

Yeremia 49:3

Ywak, awi Hesibon, kole Ay orere woko! Ywak win, awi ji ma Raba! Ruki win kutiya, ywak win, aka wicwadere g'adasa! Kole were mewin Molek lakadho i twec, kanyacel gi jocway ri were i wi migam pere kodi jotic pere.

Yeremia 6:26

Awi ji paran, ruk win kutiya, aka wiŋindere i buru; ywak win paka wiywako nyathi acel g'acel, ywak win gi geregere swa; kole jarey ji labino, abwap kwoŋ wan.

Hoseya 2:3

Kole alalunyo go kinyoro t'athango go paka i ndelo m'onywol'iye go. Alaloko go paka thim, t'adwoko go i lowo m'opalipat, t'aneko go gi riyo.

Yowel 1:8

Goy win lelo paka nyako mambula m'oruko kutiya, ri cwore ma soye pere.

Amos 4:12

Riameno Joisiraili, akidho miyo win gir'acula. Aka rupiri abino timo gime riwin, yikere win romo gi Were mewin, a Isiraili!”

Zefania 2:15

Me tindi madwoŋ m'oyodere, m'obedo i siem, to waco i cunye ni, obedo an, kole an kende, kucel otieko lokere gunda, kaywomirok p'ogwaŋe. Kisi ŋata luwo kabonge, lalwiyo to teŋo cinge.

Kitawo mar'abic mapa Musa m'ilwoŋo ni Cik 28:48

riameno wilatic ri jokwor mewin ma Rwoth ladhiro monjo win, i kec kodi riyo pi, kinyoro kodi awanya. Go laketho bieto ma nyweny i ŋuti win cuka reyo woko win.

Yakobo 5:5

Kwo mewin i piny k'obedo ma noro kodi ma kisangala mewin wiwegi. Wimedo cwe ri ndelo ma tho, pa dhok m'ikidho thumo.