Isaya 30:18 - KITAWO MALEŊ

¹⁸ Riameno Rwoth kuro nyutho win wor; go laay malo nyutho win wor. Kole Rwoth obedo Were ma timo tiro, josilwany a jono je ma jokuro go.

KITAWO MALEŊ Catholic

¹⁸ Riameno Rwoth kuro nyutho win wor; go laay malo nyutho win wor. Kole Rwoth obedo Were ma timo tiro, josilwany a jono je ma jokuro go.

Isaya 30:18 ပူးပေါင်းရင်းမြစ်များ

Yobu 35:14

Adieri ilawaco ni Were kinen, to kur moth, kiosa perin nitie ruwaŋ go.

Zabuli 2:12

aka kule win piny gi bwonirok rigo. Kakameno winyalo kwinyo nge pere piyo, to witho abwap. 2 Kole nge pere gaga piyo. Josilwany a jono ma jopondo i go.

Zabuli 27:14

Kuri Rwoth, bedi matek, aka weyi cunyin wobedi matek, ey kuri Rwoth.

Zabuli 34:8

Apa tem neno nger ma Rwoth ber'iye. Josilwany a jono ma jopondo bonge.

Zabuli 84:12

Awi Rwoth pa lwak jolweny, josilwany a jono ma jogeno i in!

Zabuli 99:4

Kere Majameni, aka omaro tiro, itieko kelo tiro i Isiraili, ikelo timo gim'otire gi timo adieri.

Kitawo mar'ario mapa Musa m'ilwoŋo ni Wok 34:6

Kenyo Rwoth oluwo ruwaŋ Musa aka olwoŋo, “An Rwoth, Abedo Were m'opoŋ gi wor kodi kisa, ma kimaki nge piyo aka nyutho mar makiwire kodi adieri.

Agecin 16:20

Jono ma jociko ithi jo i gimoro jolanwaŋo bero, aka josilwany a jono ma jogeno i Rwoth.

Isaya 18:4

Kole Rwoth owaco ran ni, “Alaŋiyo liŋ gi kabedo paran, paka ceŋ liel i lietho m'odieceŋ, paka pondeponde ma thoyo i lietho ma keco.”

Isaya 2:11

Waŋ ji ma pakirok iladwoko piny, aka delok pa kisi dhano ilamwolo aka Rwoth kende am'ila tiŋo malo i ndelo no.

Isaya 2:17

Pakirok pa ji ilamwolo, aka delok pa kisi dhano iladwoko piny aka Rwoth kende am'ila tiŋo malo i ndelo no.

Isaya 25:9

Ilawaco i ndelo no ni, “Neni, me Were mawan, watieko kuro go ŋey wobothi wan. Me Rwoth ma watieko kuro; weyi wasangala aka wafore i both pere.”

Isaya 28:17

Alaketho tiro paka bol ma kipima, timo gim'otire paka gi bipo, pe layweyo woko kapondo ma twodo, aka pi lapoŋ i kabwok.

Isaya 33:2

Awi Rwoth, maki gi wan wor, wakurin. Bedi meni mawan kisi odikin, both mawan i hongo ma teko.

Isaya 33:5

Rwoth oŋawere, go bedo malo; go opoŋo Zayon gi tiro kodi timo gim'otire.

Isaya 40:31

To jono ma jokuro Rwoth, meni pajo lalokere manyen, jolaay gi bwombin gin paka aŋo, jolaŋwec to jok'olacere, jolawoth to jok'ool.

Isaya 42:14

Ma hongo malac, atieko bedo liŋ, atieko bedo liŋ t'atwenyere, onyo pama alaywak paka dhako ma ŋedi ramo, alacole to ŋetan geŋ.

Isaya 42:16

Alatelo ji ma waŋ jo otho, gi royo ma jokuya, g'iger ma fodi jokuya, alatelo jo. Alawiro mudho ma ruwaŋ jo wobedi lero, kabedo m'onyany onyany wobedi lowo m'obipere. Me a gigipiny m'alatimo, aka ak'ojwangi jo.

Isaya 48:9

Ro nyingan, adhumo nge paran, ro pak paran adwoko cen ro win, ŋey akir'awey win woko.

Isaya 5:16

To Rwoth pa lwak jolweny, nyutho dwoŋ pere gi timo gim'otire, aka Were Maleŋ nyutho leŋo pere gi tiro.

Isaya 55:8

Kole paro paran k'obedo paro mewin, aka yo paran opokere kwoŋ mewin, Rwoth waco.

Isaya 57:16

Kole akilamedo kisegeya ji paran, kosa mako nge noknok. Kole bongan ama cuny wok'iye, aka atieko timo luya ma kwo.

Isaya 61:8

Kole an Rwoth, amaro tiro, adaki kwo gi timo gi komo; alamiyo ji paran kemba iy'adieri, aka alatimo gi jo cikirok ma cil gi cil.

Isaya 64:4

Wok cene ongoye ŋat'otieko winjo, kosa m'otieko niaŋ gi ithe, ongoye waŋ m'otieko neno Were man kwanyowoko in, ma timo nger tim no ri jono ma jokuro go.

Isaya 8:17

Alakuro Rwoth, go ma pano waŋe kwoŋ ot pa Yakobo, aka alaketho geno paran i go.

Yeremia 17:7

Jasilwany a ŋata geno Rwoth, ma geno pere nitie i Rwoth.

Yeremia 42:7

Rumacen ma ndelo apar wac pa Rwoth obino ri Yeremia.

Daniel 12:12

Josilwany a joma jotim adieri i ndelo 1,335 orum.”

Hoseya 1:7

To alamako wor gi ot pa Yuda, aka alabotho jo gi an Rwoth Were pajo; ak'obothi jo g'atum abor, kosa abor, kosa lweny, kosa gi kayinin, kosa gi cwo ma jogweyo kayinin.”

Hoseya 2:14

Riameno, aladwoŋo go, t'akelo go i thim, t'aluwo gine gi mwolo.

Hoseya 5:15

Alagik kendo i kabedo paran, cuka joyey banja pajo to jodwaran. I rembo pajo jolakwayo nema paran.

Malaki 2:17

Wiolo Rwoth gi wac mewin. Kucel wipenjo ni, “Waolo go nedi?” Gi waco ni, “Kisi ŋata timo reco ber ruwaŋ Rwoth, aka omaro jo.” Kosa gi penjo ni, “Nikune Were ma jatiro?”

Luka 15:20

Gikenyo go oay mayot to cako woth ma dok bongi bamere.” “To munyo fodi go nitie bor ye gi peco, bamere oneno go; wor opoŋ i cunye to ringo, to podho i kor wode to cwiyo lembe.

Luka 2:25

I Yerusalem kenyo onwaŋo nitie jal moro ma nyinge Simeo. Go oyido obedo dhano maber m'olworo Were, aka onwaŋo kiyo neno both pa Isiraili, kendo Cuny Maleŋ onwaŋo nigi go.

Tim pa Jomoor 5:31

Were ocerino go aka oketho go yuracuc pere paka Jadhum kodi Jaboth, womiy Isiraili hongo ma ŋuto gi limo cwaki mareco pajo.

Joroma 5:20

Munyo Cik obino, kibenga manyaturo Cik omedere; to kama reco meder'iye, nema pa Were bende medere loyo.

Joroma 9:22

Iŋeyo nedi, kole ka Were otimo ameno ma mito nyutho keme pere gi miyo meni pere woŋeyere! Am'omiyo go odiyo cunye swa munyo ciro joma keme pere d'otiyo kwoŋ jo, m'oyido ikidho reyo woko jo.

Joefeso 1:6

Meno aka wopak dwoŋ ma nema pere, mic pere riwan, ma go omiyo wan ma nono i Wode ma migos.

Joefeso 1:8

ma go okonjo riwan. Gi rieko je kodi niaŋ,

Kitawo mar'abic mapa Musa m'ilwoŋo ni Cik 32:4

Go tele, tic pere nitie i kare, yo pere je otire. Were ma timo adieri, m'ongoye gi banirok, go jatiro aka timo gim'otire.

Yakobo 5:11

Ato wiŋeyo ni watero joma jotieko ciro gimoro paka josilwany. Witieko winjo paka Yobu onyalo ciro candirok, aka wiŋeyo paka Rwoth oparo kwoŋe rumacen. Kole Rwoth oasere gi wor aka winjo malith gi teko pa dhano.

2 Petero 3:15

Ŋey win ni kudirok pa Rwodhiwan, nyutho ni omiyo win hongo ma both, paka omin wan Paulo m'amaro ondiko riwin gi rieko ma Were omiyo go.

2 Petero 3:9

Rwoth kigal gi timo gima go otieko ciko paka jomegi joparo. Kucel, go diyo cunye kodi win, rupiri go kimiti nyatoro woreyere woko, to mito dhano je wonyali ŋuto reco pere.

1 Samwiri 2:3

Bol win kwoto gi delok mewin gicen; wikiri wiluw gi gero. Kole Rwoth obedo Were ma jaŋeyo, aka go thumo banja ri kisi nyatoro wok i tim.