Isaya 3:12 - KITAWO MALEŊ

¹² Ji paran, nyithindho ama jodiyo jo, aka mon jodhumo jo. Awi ji paran, jotel mewin jorwenyo win, aka jomieno yo maber wiluw.

KITAWO MALEŊ Catholic

¹² Ji paran, nyithindho ama jodiyo jo, aka mon jodhumo jo. Awi ji paran, jotel mewin jorwenyo win, aka jomieno yo maber wiluw.

Isaya 3:12 ပူးပေါင်းရင်းမြစ်များ

2 Kerin 11:1

Onyo munyo Athalia yok Ahazia owinjo nike oneki wode, owodho or nike woneki ji ma peco pa kere je.

Yobu 30:13

Jocego ran royo ma ringo, aka jotemo reyan woko, t'ongoye ŋat'ocieri jo.

Agecin 28:16

Jadhum m'ongoye gi niaŋ obedo jadic mager, to ŋata odak ngoye pa tiro ladhumo ma hongo malac.

Jafonji 10:16

Kidamba rin, awi piny, ma kere perin obedo soye, aka jodhum mewin jocemo odikin!

Isaya 19:14

Rwoth otieko konjo kwoŋ jo, cuny ma nywowirok, aka jomiyo Misir kimudamuda i gima timo je, paka jamero tangatanga i ŋok pere.

Isaya 3:4

Alaketho yac bedo jotel pajo, aka nyithindho joladhumo jo.

Isaya 51:22

Rwoth mewin waco ama, Rwoth, Were mewin ma osa ri mito pa ji pere. Neni, akwanyo woko kikopo ma kitangatanga i cingi win, wik'omedhi kendo, wok i bakul ma keme paran.

Yeremia 5:31

Jotuci wac Were jotuco wac ma twodo, aka jocway ri Were i wi migam joluwo gima jotuci wac Were jowaco rijo. Ji paran jomito wobedi ameno, to winotim nedi ka gike otundo?”

Mika 3:5

Me a gima Rwoth waco ri jotuci wac Were, ma jobano ji paran, aka jociko siem, ri jono ma joculo jo, to lweny ri jono ma jokicul jo.

Nahum 3:13

Eno ji perin, jobedo mon i dier win. Waŋkace ma piny perin, oŋamere ri jokwor perin, mac otieko waŋo nywenye ma waŋkace perin.

Matayo 15:14

Weyi riwin jo! Jobedo jotel ma waŋ gin otho; aka ka jathowaŋ acel ama kodo jathowaŋ man, jario je jopodho i bur.”

Matayo 23:13

Kidamba otundi riwin, jondiko kodi Jofarisayo, jorendirok! Wicego ri ji dhiot ma donjo i Ker ma polo, aka wiwegi wikidonj'iye, odoko wikiyey joma mito donjo jowodonji.