Isaya 27:6 - KITAWO MALEŊ

⁶ I ndelo ma bino, nyikway Yakobo jolarwako fuc, Isiraili lathiwo to ketho withe, aka lapoŋo piny gibe g'olemo.

KITAWO MALEŊ Catholic

⁶ I ndelo ma bino, nyikway Yakobo jolarwako fuc, Isiraili lathiwo to ketho withe, aka lapoŋo piny gibe g'olemo.

Isaya 27:6 ပူးပေါင်းရင်းမြစ်များ

Yobu 37:12

Jowire thoko kisi thenge, timo kisi gima Were wodho or rijo kwoŋe, kisi kamoro i piny.

Isaya 35:1

Thim gi lowo m'othwo jolakisangala, thim lafore to jolikalika; paka mawuwa.

Isaya 35:2

Thim lawero to koko ri kisangala, labedo maŋon paka gote ma Lebanon; ma nyak cemo paka ndelin ma Kamel gi Saron. Kisi dhano laneno dwoŋ pa Rwoth, gi meni pa Were mawan.

Isaya 37:31

Aka ji ma joboth i Yuda jobino pidhirok pa yen ma jorwako fuc piny i lowo aka jonyak ranyak.

Isaya 4:2

I ndelo no jangi yath pa Rwoth labedo maŋon to limo dwoŋ, aka ranyak ma lowo labedo noro gi dwoŋ pa Joisiraili ma joboth.

Isaya 6:13

Makada nende acel kwoŋ ji apar odoŋ, ilawaŋo go kendo, paka olwa m'otoŋ, to conge doŋ m'ocungo, rijo, conge obedo kodhi maleŋ.”

Isaya 60:22

Ma sisiri kwoŋ jo, lalokere nono, aka mathin loyo lalokere madwoŋ paka piny matek, An abedo Rwoth, i hongo mere, alamiyo gime wotimere piyo.

Yeremia 30:19

Ji ma jobedo kenyo jolawero pak; jolakoko ri kisangala. Alaloko jo mathoth, aka jokilabedo manok, alamiyo wowor jo, aka k'ocay jo.

Ezekiel 36:10

Alamedo welo mewin, ot je ma Isiraili, joje; ji jolabedo i tindin, t'igeto gundin.

Ezekiel 36:8

To win, awi gote ma Isiraili, wilaloth jangi win, to winyak olemo ri ji paran Isiraili; rupiri jocegin dwoko peco.

Hoseya 2:23

Alamiyo go wocungi matek ri an won i piny. Alamako wor gi Loruhama, alawaco ri Loami ni, “Wibedo ji paran.” Aka jolawaco ni, “Ibedo Were mawan.”

Zekaria 2:11

Nonin kweth jolariwere gi Rwoth i ndelo no, aka jolabedo ji paran, aka alabedo i dier in, aka ilaŋeyo nike Rwoth pa lwak jolweny ooran bongin.

Jogalasia 3:29

Ka wibedo apa Kristo, kole meno wibedo nyikway Abraham, aka wibedo musikin ma jobino lunjo lim ma Were ociko.

Jofilipi 3:3

Kole wan ayino ama watieko limo thumirok mar'adieri, wan ma walamo Were gi meni pa Cuny Maleŋ, aka wayumere i Kristo Yesu. Odoko wakikethi geno moro kwoŋ thumirok ma del,

Menyirok ri Yohana 11:15

Gikenyo malaika mar'abirio okudho gwara pere, to dwondi nyatoro ma koko malo wok i polo, ka waco ni, “Meni Ma dhumo piny pama obedo apa Rwoth kodi Kristo pere, aka go bino dhumo cil gi cil!”