Isaya 27:12 - KITAWO MALEŊ

¹² I ndelo no, Rwoth layeko win wok i Yufrete tundo i kew ma Misir, aka ilacoko win kanyacel acel acele, awi Joisiraili.

KITAWO MALEŊ Catholic

¹² I ndelo no, Rwoth layeko win wok i Yufrete tundo i kew ma Misir, aka ilacoko win kanyacel acel acele, awi Joisiraili.

Isaya 27:12 ပူးပေါင်းရင်းမြစ်များ

Cakirok 15:18

I ndelo no Rwoth otimo cikirok gi Abram ka waco ama: Ri nyikwayin abino miyo lowo me, wok i malawa ma Misir tundo i malawa madwoŋ, Yufrete,

1 Kerin 8:65

Ameno Solomon kodi Joisiraili je jotimo kalima ma ndelo abirio. Oyido nitie lwak ji wok i ger ma Hamath tundo yumalo kodi kew gi Misir yupiny.

Nehemia 1:9

To ka winowire bongan timo paka or paran waco, aladwoko win i kabedo m'ayero ni wolaman'iye, makada nende obedi ni wikedhere kiri i gike piny.’ ”

Zabuli 68:22

Rwoth owaco ni, “Aladwoko jo wok Basan, aladwoko jo wok i pendi nam,

Zabuli 72:8

Weyi kere wodhum wok i nam tundo i nam, gi wok i malawa tundo i tum ma piny.

Isaya 17:6

Ilakeco abudha abudha, paka k'igoyo yath oliv, nyinge ario kosa adek, aŋwen kosa abic, i jange ma wilwindi, kosa i jangi yath olemo. Rwoth Were pa Isiraili waco.

Isaya 49:5

Onyo pama, Rwoth waco, go m'ocweyan i ici bedo ŋeca pere, ma dwoko Yakobo bonge, aka ni wonyali coko rigo Isiraili. Kole anwaŋo dwoŋ ruwaŋ Rwoth, aka Were paran otieko lokere meni paran.

Isaya 56:8

Me apaka Rwoth Were waco ama: Go ma coko kanyacel Joisiraili ma jonitie woko. Alamedo coko joman rijo, medo kwoŋ jono m'atieko coko.

Yeremia 3:14

Dwoki win, awi nyithindho ma jobanirok. Rwoth waco. Rupiri abedo jadwoŋ mewin. Alakwanyo win, acel wok i tindi madwoŋ kodi ario wok i nono, aka alakelo win i Zayon.

Yeremia 44:28

Jono ma joboth abor joladok wok i piny Misir kidho i piny Yuda, manok i welo, aka ji ma jodoŋ i Yuda ma jobino bedo i piny Misir jolaŋeyo nike wac pa ŋa maloyo, aparan kosa apajo!

Ezekiel 20:34

Alawodho win wok i dier nonin t'acoko win wok i piny kama wikedher'iye, gi cingan matek kodi meni paran, kodi i keme paran.

Ezekiel 20:41

Alayeyo win paka ŋwece kur ma sangala an, k'anowodhi win wok i dier nonin, aka alacoko win wok i piny kama wikedher'iye. Alanyutho leŋo paran i dier win ruwaŋ nonin.

Ezekiel 39:25

Riameno Rwoth Were waco ama: Pama onyo aladwoko silwany pa Yakobo, t'atimo ŋono ri Joisiraili gibe; aka alabedo gi nyeko ri nyingan maleŋ.

Ezekiel 47:19

Kew ma yupiny lawok i Tamar tundo kiri i pi ma Meriba Kades, aka wok kenyo i thengi kew ma Misir tundo kiri i Nam Madwoŋ. Me labedo thenge ma yupiny.

Amos 9:9

Abino miyo cik t'acunga Joisiraili, paka ŋano manitie i kicungwo. Abino kicunga jo kwoŋ piny je, t'ayeko woko ji ma bukony.

Zekaria 8:7

Rwoth pa lwak jolweny waco ama: Neni, acegin botho ji paran wok i piny ma yuwok ceŋ kodi wok i piny ma yupodho ceŋ;

Luka 15:4

“Ŋa kwoŋ win ma ka nitie gi rombo miya acel, aka acel rwenyi, kiwey piero abuŋwen g'abuŋwen i sa to kidho rango m'orwenyo ca cuka onwaŋ?

Yohana 10:16

An gi rombo man ma jongoye i sidwol me. Aripo kelo jo bende; jobino winjo dwondan, aka jobino lokere sidwol acel kodi jakwath acel.”

Yohana 6:37

Moro je ma Baba miyan bino bongan. Ak'oriem woko nyatoro je m'obin bongan.

Yosuwa 15:4

yu Azimon, to wok kodi i pi ma mol ma Misir, aka tundo i gike mere i nam. Me labedo kew mewin ma yupiny.