Isaya 26:8 - KITAWO MALEŊ

⁸ Watieko kuro yo ma thumo banja perin, wakurin, Awi Rwoth, poyo nyingin, a mito ma cuny wan.

KITAWO MALEŊ Catholic

⁸ Watieko kuro yo ma thumo banja perin, wakurin, Awi Rwoth, poyo nyingin, a mito ma cuny wan.

Isaya 26:8 ပူးပေါင်းရင်းမြစ်များ

2 Samwiri 23:5

Aka ameno apaka Were bino miyo nyikwayan silwany, rupiri go otimo kodan cikirok ma cil gi cil, cikirok ma kilatur, cikirok ma kilawire. Meno a gim'amito, meno bino bedo loyo paran, aka Were bino ketho i kare.

Zabuli 106:3

Jokisangala a jono ma jotimo tiro, ma jotimo gim'otire noknok.

Zabuli 130:5

Akuro Rwoth, adundo paran kuro Rwoth, aka ageno wac pere.

Zabuli 18:23

Oyido angoye g'apuse ruwaŋe, aka angoye gi komo.

Zabuli 42:2

Adundo paran nitie gi riyo ri Were, ri Were makwo. Anobin keraŋo lamo ruwaŋin Rwoth?

Zabuli 65:6

In ma gi meni perin icweyo gote, ma nyutho meni perin madwoŋ.

Zabuli 73:25

Ŋa ma nitie gine i polo kwanyo woko in? Aka ongoye gim'agomba i piny kwanyo woko in.

Zabuli 84:2

Amito swa bedo kenyo. Ayenyo swa bedo i Ot pa Rwoth. Cunyan gi delkwoŋan wero gi kisangala ri Were makwo.

Kitawo mar'ario mapa Musa m'ilwoŋo ni Wok 3:15

Were owaco ri Musa kendo ni, “Waci gime ri Joisiraili ni, ‘Rwoth pa kwarere mewin, Were pa Abraham, Isaka, kodi Yakobo ooran bongi win.’ Me nyingan cil gi cil, me apaka luse ma yuwaŋe je jolalwoŋan.

Wer pa Solomon 5:8

Cikan win, nyir ma Yerusalem, ni ka winorom gi jamitirok paran, wilawaco rigo ni atho gi mitirok.

Isaya 12:4

Wilawaco i ndelo no, miy win Rwoth foyo, lwoŋ win nyingi go, miy win tim pere woŋeyere i dier nonin, tuci win ni nyingi go dwoŋ.

Isaya 24:15

Riameno ji ma yuwok ceŋ miy win Rwoth dwoŋ, ji ma jobedo i thengi nam, pak win nyingi Rwoth, Were pa Isiraili.

Isaya 25:1

Awi Rwoth, ibedo Were paran, alatiŋin malo, alapako nyingin; kole itieko timo gigipiny ma gir'aura, can m'itimo cene, mar'adieri aka m'otire.

Isaya 25:9

Ilawaco i ndelo no ni, “Neni, me Were mawan, watieko kuro go ŋey wobothi wan. Me Rwoth ma watieko kuro; weyi wasangala aka wafore i both pere.”

Isaya 26:13

Awi Rwoth Were mawan, rwodhe man bende jotieko dhumo wan paka in, to, nyingin kende ama walwoŋo.

Isaya 30:18

Riameno Rwoth kuro nyutho win wor; go laay malo nyutho win wor. Kole Rwoth obedo Were ma timo tiro, josilwany a jono je ma jokuro go.

Isaya 33:2

Awi Rwoth, maki gi wan wor, wakurin. Bedi meni mawan kisi odikin, both mawan i hongo ma teko.

Isaya 49:23

Kerin gi nyamicalin jolabedo jonywol rin, jolakule piny rin miyin dwoŋ, jolamwole nyutho wor pajo rin, to jonaŋo fukefuke ma tiendin. Kenyo ilaŋeyo ni Abedo Rwoth, aka jono ma jokuro kony paran jok'obedi i wickwot.

Isaya 51:4

Winjan win, ji paran, winji win gim'awaco, nono paran. Amiyo piny fonji paran, aka tiro paran kelo lero ri ji.

Isaya 56:1

Me apaka Rwoth waco: Kur win tiro, aka witim gim'otire, kole both paran cegin bino, aka gony paran lanyuthere.

Mika 4:5

Kisi ji jowotho, i nyingi were pajo, to wan, wabino wotho i nyingi Rwoth Were mawan, cil gi cil.

Mika 7:7

To ri an, abino ŋiyo bongi Rwoth, abino kuro Were ma bino bothan; Were paran bino winjan.

Malaki 4:4

Poyi win cik pa ŋeca paran Musa, cik gi Or m'amiyo go wi got Sinai ri ji paran Isiraili ni jowoluwi.

Kwan 36:13

Me or kodi cik ma Rwoth owodho or luwo bongi Musa ri Joisiraili i kam'obipere ma Mowab i thengi malawa Yordan i Yeriko.

Luka 1:6

Joje oyido ji mabeyo ruwaŋ Were, ma jokuro Cik je gi Or je mapa Rwoth m'ongoye apuse.

Tim pa Jomoor 1:4

aka go omiyo jo or munyo nitie dhower gi jo ni, “Wikiri wieye Yerusalem; to kuri win gikenyo mic ma Were Baba ociko ma witieko winjo.

Joroma 8:25

To ka wageno gima wakinen, meno aka wakuro ginago ma wadiyo cuny wan.

2 Jothesalonika 3:5

Weyi Rwoth womiy wibedi gi mar pa Were i cuny win kodi ciro teko paka Kristo ociro.