Isaya 26:7 - KITAWO MALEŊ

⁷ Royo pa joma timo gim'otire obipi, iŋat'iloko royo pajo mafoth.

KITAWO MALEŊ Catholic

⁷ Royo pa joma timo gim'otire obipi, iŋat'iloko royo pajo mafoth.

Isaya 26:7 ပူးပေါင်းရင်းမြစ်များ

1 Kigana kwoŋ Kerin 29:17

Aŋeyo, Were paran, nike idwaro cuny dhano, aka iwinjo maber gi ji ma jotimo gim'otire. I tirok ma cunyan amiyo gigipiny me gi miyirok, aka onyo aneno ji perin, ma jonitie ka jomiyin mic gi miyirok kodi kisangala.

Yobu 31:6

weyi Were wopima an i rapim m'otire, aka go laneno ni abu banja.

Zabuli 1:6

Kole Rwoth kwonga, aka telo joma timo gim'otire, to jokidakana joluwo yo ma rerok.

Zabuli 11:4

Rwoth nitie i Ot pere maleŋ, kom pere ma dhum nitie i polo. Go neno ji i iye je, aka ŋeyo gima jotimo.

Zabuli 11:7

Rwoth timo tiro aka omaro tim maber, jono ma jotimo gim'otire jobino neno go.

Zabuli 25:4

Miyan aŋey yo perin, Awi Rwoth, aka fonjan yo perin.

Zabuli 25:5

Telan iy'adieri perin, aka fonjan kole in ibedo Were ma both paran. Kole noknok aketho geno paran i in.

Zabuli 27:11

Fonjan yo perin Awi Rwoth, aka itelan i yo m'otire, kwoŋbedo athothi gi jokwor.

Zabuli 5:9

Kole lew jokwor paran opoŋ twodo, joparo reyo ji iy'adundo pajo, jopelo ji gi wac pajo, m'opoŋ'iye misegey ma tho.

Agecin 11:5

Timo gitiro pa joma bubanja miyo jo bedo maber, to jokidakana jopodho gi kidakana pajo won.

Agecin 20:7

Jono ma jotimo gim'otire jowotho iy'adieri, aka nyithindho ma joluwo jo jobedo josilwany.

Agecin 21:8

Yo pa jabanja oban, to tim pa ŋat'olony otire.

Agecin 3:6

I kisi gimoro je m'itimo, yey go, aka go latiro yo perin.

Agecin 4:18

To yo pa jom'otire obedo lero ma ŋamba, maliel maber tundo odieceŋ.

Isaya 30:18

Riameno Rwoth kuro nyutho win wor; go laay malo nyutho win wor. Kole Rwoth obedo Were ma timo tiro, josilwany a jono je ma jokuro go.

Isaya 35:8

Royo labedo kenyo, aka ilalwoŋo ni Royo Maleŋ. Ongoye jareco ma laluw'iye, jomamiŋ jok'orweny'iye dhano.

Isaya 42:16

Alatelo ji ma waŋ jo otho, gi royo ma jokuya, g'iger ma fodi jokuya, alatelo jo. Alawiro mudho ma ruwaŋ jo wobedi lero, kabedo m'onyany onyany wobedi lowo m'obipere. Me a gigipiny m'alatimo, aka ak'ojwangi jo.

Isaya 52:12

Waŋin me wikilawok i kwakirok; wikilatemo kwalok. Kole Rwoth Were mewin latelo win, aka Were pa Isiraili lagwoko win gi yucen.

Isaya 57:2

Go donjo i siem, joywomere i siem, rupiri jotimo gim'otire.

Yeremia 10:23

Aŋeyo, awi Rwoth, ni ji wegi jokidhum kwo pajo, ni ji ka jowotho wegi jokinyuthere ka luwo.

Hoseya 14:9

Weyi ŋatariek, woniaŋi gigipiny me; weyi jameny gigipiny, woŋey jo. Kole yo pa Rwoth jotire, aka jom'otire jowotho i jo, to jogimareco jotangatanga i jo.

Zefania 3:5

Rwoth timo gim'otire, go kitim gima butiro. Kisi odikin go thumo banja pere, i lero m'ongoye keŋ, to ŋata butiro kuya wickwot.

1 Jokorintho 4:5

Am'omiyo wikiri withum ri nyatoro banja mafodi ndir k'otundo. Kutho kur win bino pa Rwoth, ma bino wodho i lero gimoro je m'opondo i mudho kendo bino thango kamaler atoŋa ma cuny ji. I hongo no ama nyaka dhano je bino lim'iye pak ma ripo gine wok bongi Were.

2 Jokorintho 1:12

Me a gima wapakere gine: Paro ma cuny wan miyo waridho ni i kwo mawan i piny ka, tektek mere i riwirok mawan gi win kanyacel, wawotho i leŋo kodi i adieri pa Were. Aka watimo ameno gi meni ma nema pa Were, makiweno gi rieko pa dhano.

Joefeso 2:10

Wabedo cwec pa Were, aka ocweyo wan i Kristo Yesu, ni wabedi gi tim mabeyo, ma cango go oyiko con ni wabedi gine.

1 Yohana 3:10

Me apaka wanyalo poko maber i dier nyithindho pa Were kodi apa jwogi: Nyatoro je ma kitim gim'otire kosa ma k'omaro omin go, meno k'obedo nyathi pa Were.

1 Yohana 3:7

Nyithindho paran, dhano moro je wokiri wowondi win. Nyatoro je ma timo gim'olony meno ŋat'otire paka Kristo otire.