Isaya 26:3 - KITAWO MALEŊ

³ Rwoth, ikuro go i siem ma gibe, ri ŋata ketho paro i in, kwoŋbedo oketho geno pere i in.

KITAWO MALEŊ Catholic

³ Rwoth, ikuro go i siem ma gibe, ri ŋata ketho paro i in, kwoŋbedo oketho geno pere i in.

Isaya 26:3 ပူးပေါင်းရင်းမြစ်များ

1 Kigana kwoŋ Kerin 5:20

Joketho geno pajo i Were aka jokwayo go kony, to Were dwoko kwayo pajo aka omiyo jo loyo kwoŋ jo Hagra kodi jokony pajo.

2 Kigana kwoŋ Kerin 13:18

Ameno onyali woko Joisiraili i hongo no aka ji ma Yuda jokengila jo, rupiri jokanya Rwoth, Were pa kwarere pajo.

2 Kigana kwoŋ Kerin 16:8

Ikipoy gim'otimere ri Joethopiya kodi Jolibia, gi cawilin pajo kodi cwo ma jogweyo kayinin? I hongo no, igoŋere kwoŋ Rwoth, to Rwoth ketho jo i cingin.

Zabuli 119:165

Jono ma jomaro cik perin jonitie gi siem madwoŋ, ongoye gima miyo jo cer.

Zabuli 125:1

Joma joketho geno i Rwoth jocale got Zayon, ma kiyengere, to ridhere cil gi cil.

Zabuli 9:10

Jono ma joŋeyin, Rwoth, joketho geno pajo i in, kole ikijwangi ŋata bino bongin.

Isaya 12:2

Neni, Were obedo both paran, alageno go, aka akilabwok; kole Rwoth obedo meni paran gi wer paran, go otieko bedo both paran.

Isaya 26:12

Awi Rwoth, ilamiyo wan siem, kole bende, itieko timo riwan tic mawan je.

Isaya 27:5

Kosa jowocwire kwoŋan, akwonga jo, weyi jowotimi siem kodan, weyi jowotimi siem kodan.

Isaya 31:1

Kidamba ri jono ma jokadho i Misir rango kony, jogoŋere kwoŋ kayinin, joketho geno i cawilin kwoŋbedo jokweth, kodi jogwey kayinin kwoŋbedo jotek. To jokiŋiy Were Maleŋ pa Isiraili kosa rango Rwoth!

Isaya 32:17

Timo gim'otire lakelo siem, lawok kudirok gi kwe piny cil gi cil.

Isaya 32:18

Ji paran jolabedo i pecin ma siem, kam'okwe kodi i kabedo m'oliŋ.

Isaya 42:19

Ŋa ma waŋ'otho kwanyo woko ŋeca paran, kosa ma ithe otho paka jamikwenda paran m'adhiro? Ŋa ma waŋ'otho paka ŋat'atimo gine cikirok, kosa ma waŋ'otho paka ŋeca pa Rwoth?

Isaya 42:6

An Rwoth, atieko lwoŋin i tiro, atieko kwanyin gi cingan t'akurin, atieko miyin paka cikirok ri ji, gi lero ri nonin.

Isaya 48:2

Wilwoŋere ni wibedo i tindi madwoŋ maleŋ, aka wigoŋere kwoŋ Were pa Isiraili, m'ilwoŋo ni Rwoth pa lwak jolweny.

Isaya 49:8

Me apaka Rwoth waco, “I hongo ma ŋono atieko dwokin, itieko ndelo ma both akonyin, atieko kurin t'amiyin, paka cikirok ri ji, ma cako piny, ma poko lim m'ojwangere.

Isaya 50:1

Me apaka Rwoth waco, Wiparo ni ariemo woko ji paran, paka jacwo ma riemo woko cege? Nikune, ere papila ma turo nywomirok? Wiparo ni atana win i twec, paka jacwo tana nyithindho pere paka ŋecin? Neni, wikadho bedo i twec ro reco mewin; aka ro kibenga mewin oriem min win.

Isaya 50:10

Ŋa kwoŋ win ma lworo Rwoth, aka winjo dwondi ŋeca pere, ma wotho i mudho, aka ongoye gi lero, kucel ketho geno i nyingi Rwoth, aka goŋere kwoŋ Were?

Isaya 66:12

Kole me apaka Rwoth waco, Alacoro ri Yerusalem silwany paka malawa, gi lim ma piny man paka jwom ma mol. Zayon lapido win, larendo win i tiende.

Yeremia 39:18

Kole alabothin adieri, aka ikilatho g'abor. To kwo perin laboth paka cul ri lweny, kwoŋbedo itieko ketho geno perin i an.” Rwoth waco.

Daniel 3:17

K'inen Were ma walamo nyalo botho wan kwoŋ mac m'okur kodi wok i cingin, awi kere, weyi go wobothi wan.

Daniel 3:28

Nebukadineza owaco ni, “Were pa Sadirak, Misaki kodi Abedinego wopak, m'ooro malaika pere botho ŋecin pere ma jogeno i go. Jokwero luwo or pa kere to jojwango delkwoŋ jo makiweno lamo were man je kwanyo woko Were pajo won.”

Daniel 6:23

Kere osangala swa ri Daniel, aka omiyo or nike wofudhi Daniel wok i od simbwore. Ameno ofudhi Daniel aka ongoye adhola m'onwaŋ kwoŋe, kwoŋbedo Were obotho go.

Mika 5:5

Go bino kelo siem. Ka Joasiria jobin to jomonjo piny mawan, to joturo cel mawan, wabino oro jotel mawan ma jotek loyo lweny gi jo.

Yohana 14:27

“Siem am'onyo aweyo riwin; amiyo win siem paran; aka akimiy win paka piny miyo. Wikiri wirembi i cuny win; odoko wikiri wibedi gi lworo.

Yohana 16:33

Atieko waco riwin gime ŋey wibedi i siem i riwirok kodan. Piny bino miyo wicandere. To bedi win miseni! Atieko loyo candirok ma piny!”

Joroma 5:1

Paka onyo okethi wan i tiro gi Were cungo kwoŋ yeyo, onyo wanitie i siem gi Were kwoŋ Rwodhiwan Yesu Kristo.

Jofilipi 4:7

Aka siem pa Were ma kalo kama dhano oŋey'iye je, bino kuro paro mewin gi cuny win maber, i Kristo Yesu.