Isaya 25:4 - KITAWO MALEŊ

⁴ Kole itieko bedo kapondo ri jocandi, kapondo ri ŋata bu gimoro i teko pere, kabwok kwoŋ koth gi tipo kwoŋ lietho; ka derino pa jomaker cal asur ma cwir.

KITAWO MALEŊ Catholic

⁴ Kole itieko bedo kapondo ri jocandi, kapondo ri ŋata bu gimoro i teko pere, kabwok kwoŋ koth gi tipo kwoŋ lietho; ka derino pa jomaker cal asur ma cwir.

Isaya 25:4 ပူးပေါင်းရင်းမြစ်များ

Zabuli 107:41

To go botho ŋata bu gimoro wok i kidamba, to miyo pecin pajo nyay paka mwendi.

Zabuli 119:31

Atieko luwo fonji perin, Awi Rwoth, ikir'iwey wosewan.

Zabuli 12:5

To Rwoth waco ni, “Kwoŋbedo idiyo jocandi, aka ji m'icando jodwanyere i litho, onyo abino ay, t'akwonga jo.”

Zabuli 121:5

Rwoth obedo jakur perin; go nitie i ŋetin kikwonga in.

Zabuli 35:10

Abino waco ri Rwoth gi cunyan je, “Ongoye ŋata cale in. Ikwonga ji ma jongoye gi nyalo kwoŋ jomatek, gi jocandi kwoŋ joma diyo jo.”

Zabuli 55:8

Dinyo aredo nwaŋo kabwok paran kwoŋ koyo mager g'asur pi.

Zabuli 72:13

Go mako wor gi ŋata nyap gi jacandi, aka botho kwo pa ŋata bu gimoro.

Zabuli 72:4

Weyi kere wothum banja ri jocandi, wobothi ji ma bukony, to ŋinyo woko jadic.

Zabuli 9:10

Jono ma joŋeyin, Rwoth, joketho geno pajo i in, kole ikijwangi ŋata bino bongin.

Zabuli 91:1

Ŋata bwok bongi Jamalo swa, ŋata nindo i bwombi Jameni je,

Isaya 11:4

to gi tiro go lathumo banja ri jocandi, to yero gir'atima marom ri jomamwol i piny. Go lamiyo piny gir'acula gi luth ma nyweny ma dhoke, aka laneko jokidakana gi luya ma dhoke.

Isaya 14:32

Aŋo ma dhano odwoki jomikwenda ma piny? Rwoth otieko nwaŋo Zayon, aka i go ji pere ma jodamba, jolanwaŋo kapondo.

Isaya 16:3

“Miy rieko, miy tiro, tim tipo perin paka wor odieceŋ par, pan ŋat'odamba, ikir'icam sereko ri ŋat'oriem.

Isaya 17:10

Kole wiy win owil gi Were ma both mewin, aka wikipoyo Tele ma pondo mewin; riameno makada nende winofur ndelin, ma lamo were makicar,

Isaya 27:5

Kosa jowocwire kwoŋan, akwonga jo, weyi jowotimi siem kodan, weyi jowotimi siem kodan.

Isaya 28:6

kodi cuny ma tiro, ri jathum banja, gi meni ri jono ma joriemo lweny i waŋkac.

Isaya 29:19

Jomamwol jolanwaŋo kisangala i Rwoth, aka jocandi jolafore i Ŋataleŋ pa Isiraili.

Isaya 29:20

Kole jogero gi jodhaw jolarwenyo kicutho; aka ilareyo woko jono je ma jokuro timo reco,

Isaya 29:5

To lwak jokwor perin jolacale paka fukefuke mathindho thindho, lwak jogero jolakadho, abwap ma k'oniaŋere.

Isaya 32:2

Kisi acel kwoŋ jolabedo paka kapondo kwoŋ koyo, gi kabwok kwoŋ asur, paka waŋ pi kam'othwo, paka tipo tele madwoŋ i piny m'oloc.

Isaya 33:16

Jolabedo i kabedo ma malo, aka jolapondo i tele, jolabedo gi cemo kodi pi ma romo.

Isaya 33:2

Awi Rwoth, maki gi wan wor, wakurin. Bedi meni mawan kisi odikin, both mawan i hongo ma teko.

Isaya 37:36

Aka wor no won malaika pa Rwoth okidho i kambi pa Joasiria to neko jolweny 185,000 aka munyo ji jocewi odikin joneno mulambin.

Isaya 49:25

To me apaka Rwoth waco ama: Kiri jotwec pa siragama ilamako woko, aka ilamayo ŋatatek aka kiri gima go onyaga. Alalweny gi ŋata lwenyo kodin, aka alabotho nyithindho perin.

Isaya 57:13

Ka winogoy koko, weyi cal makicar mewin ma wicoko jowobothi win! Koyo latiŋo woko, luya won lakudho jo. To ŋata pondo i an, lalimo lowo, to lunjo got paran maleŋ.

Isaya 66:2

An, aŋat'acweyo gigipiny me gi cingan, aka je jobedo aparan, Rwoth waco. To me a ŋat'aladwaro, ŋata mwole aka bwonere i cuny ma kirin i wac paran.

Isaya 8:14

Go lalokere Kabedo Maleŋ, tele ma thumo banja, gi tele ma ceri ri kerin ario ma Isiraili, bwo gi mitego ri ji ma jobedo i Yerusalem.

Yeremia 16:19

Awi Rwoth, meni paran gi cel paran, kapondo paran i hongo ma teko, nonin je jolabino bongin wok i tielo gi tielo ma piny to jowaco ni: Kwarere mawan jok'olunjo gimoro kwanyowoko twodo, gigipiny masisiri m'ongoye iye magowa.

Ezekiel 38:9

Wilamedere woth, wilabino pa koyo madwoŋ; wilabedo pa pondeponde ma umo piny, win kodi jolweny mewin je, kodi ji kweth ma jonitie gi win.

Zefania 3:12

Kole alaweyo i dier win, ji ma jomwol aka jobwonere. Jolarango kapondo i nyingi Rwoth;

Yakobo 2:5

Winji win wutmera! Wiparo ni Were k'oyero jocandi ma piny ka bedo jom'oŋaŋ i yeyo, gi lunjo Ker ma go ociko jom'omaro go?