Isaya 24:6 - KITAWO MALEŊ

⁶ Riameno lam oreyo woko piny, aka ji mere jocandere ro reco pajo, ji ma jobedo i piny jowaŋ, aka odoŋ ji manok.

KITAWO MALEŊ Catholic

⁶ Riameno lam oreyo woko piny, aka ji mere jocandere ro reco pajo, ji ma jobedo i piny jowaŋ, aka odoŋ ji manok.

Isaya 24:6 ပူးပေါင်းရင်းမြစ်များ

2 Kerin 24:12

aka kere Yehoyakin, min, wote, jodhum pere, kodi jodhum ma cel pa kere jotiŋo cingi gin ri Jobabilon. I oro mar'aboro ma dhum pa Nebukadineza otero Yehoyakin paka jatwec.

2 Kerin 25:12

To weyo jocandi loyo mogo, m'oyido jongoye gi lim moro tiyo i ndelin vini kodi ndelin.

Isaya 1:31

Jameni lalokere ŋat'iywayo, aka tic pere cuk mac ma cot, jolawaŋ kanyacel gi tic pajo, m'ongoye ŋata nyalo neko.

Isaya 1:9

Bedi Rwoth pa lwak jolweny k'oweyo riwan ji mogo, oyido wacal Sodom, oyido wacal Gomora.

Isaya 34:5

K'abor pa Rwoth otieko timo gima mito i polo, neni, laloro i Edom, kwoŋ ji m'atieko thumo rijo banja ma rerok.

Isaya 43:28

Alakoco jotel ma Kabedo Maleŋ, aka alamiyo Yakobo rerok makicutho, t'aweyo iyeto Isiraili.

Isaya 5:24

Riameno, paka lew mac reyo woko kanja, aka paka lum m'othwo munyere piny i mac maliel, ameno apaka fuc pajo latop, aka thiw joladuny paka fukefuke. Ato jokwero cik pa Rwoth pa lwak jolweny, aka jotieko cayo wac pa Were Maleŋ pa Isiraili.

Isaya 9:19

Gi keme pa Rwoth pa lwak jolweny piny waŋ, ji jocale paka mo ri mac, aka ongoye ŋata botho nyawote.

Yeremia 12:4

Piny oywaki kiri keraŋo, to lum ma kisi ndelo thwo woko? Ro kidakana pa jono ma jobed'iye ogwaŋe kodi winyin iyweyo woko jo, aka kwoŋbedo ji jowaco ni, “Were kinen gima watimo.”

Yeremia 5:14

Riameno Rwoth Were pa lwak jolweny waco ama: Rupiri jotieko luwo wac me, onyo akidho loko wac ma dhokin wocale mac, t'aloko ji me paka yen, aka mac lareyo woko jo.

Ezekiel 5:3

Ikwany yer mogo wok kenyo t'itweyo i rinda ma kanzu perin.

Jolevi 26:22

Alagonyo ogwaŋe mager kwoŋ win, jolaneko nyithindho mewin t'areyo woko mwendi mewin; jolaloko win manok, aka royin mewin lajwangere.”

Malaki 2:2

Ka wik'owinji, ka wik'okethi i cuny win miyo nyingan dwoŋ, kenyo abino kwoŋo win kiri gi nyithindho mewin; adieri atieko kwoŋo jo, rupiri wikikethi i cuny win.

Malaki 3:9

Akwoŋo win rupiri wikwalan, win piny gibe.

Malaki 4:1

Rwoth pa lwak jolweny waco ama: Kole neni, ndelo bino, ma jonoro je gi joreco jobino liel pa kanja. I ndelo no jobino liel woko, aka ongoye gima bino doŋ kwoŋ jo.

Malaki 4:6

Aka go bino riwo nyithindho gi bacere pajo kanyacel doko; kole dinyo abino t'areyo piny mewin.

Matayo 27:25

Lwak ji odwoko ni, “Remo pere wobedi kwoŋ wan gi nyithindho mawan!”

Matayo 7:14

Waŋkac madiny nigi royo matek luwo, to tero jo i kwo, aka ji manok ama jonwaŋo royo no.

Joroma 9:27

Aka Isaya luwo kwoŋ Isiraili ni, “Kada nyithindho pa Isiraili jothoth pa kwoyo ma nam, nyaka manok kwoŋ jo am'ibino botho.

Kitawo mar'abic mapa Musa m'ilwoŋo ni Cik 28:62

Wiladoŋ manok, makada nende oyido withoth paka micalin ma i polo, kwoŋbedo wikiwinjo dwondi Rwoth Were mewin.

Kitawo mar'abic mapa Musa m'ilwoŋo ni Cik 4:27

Rwoth lakedho win i dier nonin, aka manok kwoŋ win ama jolaboth i dier nonin kama Rwoth oter win'iye.

2 Petero 3:10

To Ndelo pa Rwoth bino tundo paka jakwo. I Ndelo no polo bino leny woko gi derino madwoŋ; gigipiny ma polo bino waŋ, to regere woko, aka piny gi gima nitie iye je bino lokere m'oywere pa mbolera.