Isaya 24:14 - KITAWO MALEŊ

¹⁴ Ji jotiŋo dwondi gin malo aka jowero ri kisangala, jokoko malo ri dwoŋ pa Rwoth yupodho ceŋ.

KITAWO MALEŊ Catholic

¹⁴ Ji jotiŋo dwondi gin malo aka jowero ri kisangala, jokoko malo ri dwoŋ pa Rwoth yupodho ceŋ.

Isaya 24:14 ပူးပေါင်းရင်းမြစ်များ

Isaya 25:1

Awi Rwoth, ibedo Were paran, alatiŋin malo, alapako nyingin; kole itieko timo gigipiny ma gir'aura, can m'itimo cene, mar'adieri aka m'otire.

Isaya 26:1

Ilawero wer me i ndelo no i lowo ma Yuda. Wanigi tindi madwoŋ matek, Were otieko kelo both, paka kor ot ma iye gi kor ot ma woko.

Isaya 27:2

I ndelo no, wer win kwoŋ ndelo vini ma kisangala!

Isaya 35:10

Aka jono ma Rwoth otieko botho joladok, to jobino i Zayon gi wer, kisangala ma cil gi cil labedo i wi jo; jolanwaŋo siem gi kisangala, kumo gi rem larumo woko.

Isaya 35:2

Thim lawero to koko ri kisangala, labedo maŋon paka gote ma Lebanon; ma nyak cemo paka ndelin ma Kamel gi Saron. Kisi dhano laneno dwoŋ pa Rwoth, gi meni pa Were mawan.

Isaya 40:9

Yerusalem, idhi wi got mabor, jamikwenda ma wac maber ri Zayon tiŋi dwondin malo gi meni. Awi Yerusalem, jamikwenda ma wac maber, tiŋi dwondin malo, ikir'ilwor; wac ri tindin madongo ma Yuda ni, “Were mewin ee!”

Isaya 44:23

Wer, awi polo, kole Rwoth otieko timo, koki awi thutho ma piny; bar dwondin gi wer, awi gote, awi lul, gi kisi yath ma iye! Kole Rwoth otieko botho Yakobo, aka go lalimo dwoŋ i Isiraili.

Isaya 48:20

Wok win i Babilon, ngoye win kwoŋ Jokaldin! Koki win gi wac ma kisangala, tuci win, dhiri win wac kiri witum ma piny, wac win ni, “Rwoth otieko botho Yakobo ŋeca pere!”

Isaya 51:11

Ameno ji ma Rwoth obotho joladwoko, to jobino i Zayon gi wer, forok ma bu gike bino bedo rijo. Jobino nwaŋo forok gi kisangala, aka kumo gi hamo bino ngoye woko.

Isaya 54:1

Wer, Awi dhako ma k'onywol; mwoc gi wer aka iywaki malo, in ma ŋedi k'oramin! Onyo pama ilabedo gi nyithindho kweth, loyo dhako m'otieko nywomirok, Rwoth waco.

Isaya 60:5

Kenyo ilaneno t'ipoŋ gi kisangala, cunyin lapoŋ mo to fore, rupiri lim ma nam je ladwoko bongin, lim pa nonin je ladwoko bongin.

Yeremia 30:19

Ji ma jobedo kenyo jolawero pak; jolakoko ri kisangala. Alaloko jo mathoth, aka jokilabedo manok, alamiyo wowor jo, aka k'ocay jo.

Yeremia 31:12

Jolabino to jowero wi got Zayon, aka jolakisangala ri gigipiny maber pa Rwoth, ri ŋano kodi vini kodi mo, kodi mwendi kodi dhok. Kwo pajo labedo paka ndelo m'ikonjo iye pi, aka jokilanyapere kendo.

Yeremia 33:11

dwondi jo ma kisangala kodi forok. Lawinjere dwondi jamweha kodi mweha kodi dwondi ji ma jowero, ka jokelo foyo i Ot pa Rwoth ka jowaco ni, “Miy win Rwoth pa lwak jolweny foyo, kole Rwoth ber, aka mar pere makiwire bedo cil gi cil!” Kole aladwoko lim ma lowo paka marapena, Rwoth waco.

Yeremia 51:10

Rwoth otieko miyo wan loyo, biye win watuci i Zayon, tic pa Rwoth Were mawan.

Zekaria 2:10

Koki ri kisangala aka fore, Awi nyar Zayon, kole neni, ee acegin bino aka alabedo i dier in, Rwoth waco.