Isaya 24:1 - KITAWO MALEŊ

¹ Onyo Rwoth cegin nyeko piny to weyo nono, aka lawiyo cal mere to kedho woko ji ma jobed'iye.

KITAWO MALEŊ Catholic

¹ Onyo Rwoth cegin nyeko piny to weyo nono, aka lawiyo cal mere to kedho woko ji ma jobed'iye.

Isaya 24:1 ပူးပေါင်းရင်းမြစ်များ

2 Kerin 21:13

Abino miyo Yerusalem gir'acula paka atimo ri Samaria, paka atimo ri kere Ahab ma Isiraili kodi nyikwaye. Abino lindo ji ma Yerusalem, m'olony paka sen m'olindi t'iriewo piny.

Nehemia 1:8

Poyi wac m'iwaco ri Musa ni, ‘Ka winongoye g'adieri ran, alakedho win i dier nonin man.

Zabuli 146:9

Rwoth kuro jopath, go konyo citho gi nyithindho kic; to yo pa jakidakana go sika woko.

Isaya 13:13

Riameno alamiyo polo kirin, aka piny layengere wok i kabedo pere, i keme pa Rwoth pa lwak jolweny, i ndelo ma nge pere oliel.

Isaya 13:5

Jobino wok i piny mabor, wok i gike ma polo, Rwoth gi gilweny ma nge pere, ma reyo piny gibe.

Isaya 2:19

Ji joladonjo i ŋungu telin, gi i kero piny, ri lworo pa Were, ri dwoŋ ma dhum pere, ka go oay miyo piny kirin.

Isaya 24:19

Piny otur kicutho adieri, piny obare to pokere mathindho thindho adieri, piny oyengere swa adieri.

Isaya 24:20

Piny tangatanga paka jamero, yengere paka simba, reco mere pek kwoŋe, aka podho ma koay malo kendo.

Isaya 27:10

Tindi madwoŋ m'othok gi cel odoŋ gunda, aka ojwangi paka thim; nyathi dhiaŋ cemo kenyo, nindo piny, aka jako jange mere.

Isaya 29:16

Wiwiro gigipiny nyatarotaro, jacwec dak orom gi dak? Cwec bende owaci ri jacwec mere ni, iŋat'ikicweyan? Kosa gim'oŋin bende waco ri ŋat'oŋino ni, ongoye gi niaŋ?

Isaya 29:2

Kucel alamiyin Ariel litho, aka labedo ywak gi kiuja, go labedo ran paka Ariel.

Isaya 30:32

Kisi ka Rwoth sigila jo gi luth m'oyik, mor paka sasi gi tongol. Go lawito cinge lweny gi jo.

Isaya 32:12

Goy win thundho mewin, ri ndelo mabeyo gi ndelin vini.

Isaya 33:9

Lowo thwo woko aka lacere, Lule ma Lebanon thwo woko, Saron cal thim, aka i Basan kodi Got Kamel boke oy woko.

Isaya 34:10

Kilatho wor g'odieceŋ, yiro mere laduny malo cil gi cil. Wok i luse tundo i luse ladoŋ gunda, aka ongoye ŋata laluw'iye kendo.

Isaya 34:2

Rwoth omako nge gi piny je, gi jolweny pajo je. Othumo rijo banja ma rerok.

Isaya 42:15

Alareyo gote gi tendere, t'athwo woko lum gi yen, alawiro malawin jowolokere kigodin ma pi, t'athwo woko kidiwin.

Isaya 5:6

Alaweyo wodongi gi doy, akilakikolesa kosa doyo, alaweyo okure gi kudhin jowodong'iye, alageŋo kiri pondeponde cwe koth i iye.

Yeremia 4:7

Simbwor otieko wok i kapondo pere, jarey nonin otieko wok woko; otieko wok woko wok i kabedo pere ma reyo woko piny; tindin mewin madongo ma Yuda joladoŋ gundin m'ongoye ŋat'obed'iye.

Yeremia 40:15

Kenyo Yohana wod pa Kareya oluwo gi Gedalia i Mizipa manyaliŋliŋ ka waco ni, “Mondo weyi akadhi aneki Isimayil wod pa Nethania, aka ongoye ŋata laŋeyo. Raŋo go mito nekin, ŋey Joyuda ma jocokere thokin jowokedhere, aka ji ma jodoŋ i Yuda joworere?”

Yeremia 50:17

Rwoth waco, “Joisiraili jocale rombo ma simbwor oriemo to jokedhere. Marapena Asiria oreyo go, aka onyo i cowe Kere Nebukadineza ma Babilon ŋinyo woko cokin pere.

Yeremia 51:34

Kere Nebukadineza ma Babilon otieko cuto woko Yerusalem, otieko ŋinyo woko Yerusalem. Go oweyo tindi madwoŋ m'ongoye gimoro paka jagi, go omwonyo Yerusalem paka ogwaŋ madwoŋ ma nam. Go otieko poŋo iye gi gigipiny ma Yerusalem mabeyo, to bolo megi woko.

Yeremia 9:16

Alakedho jo i dier nonin ma jo kosa kwarere pajo fodi jokuya; aka aladhiro abor to luwo jo, cuka anorey jo kicutho.”

Ezekiel 12:20

Tindin madongo ladoŋ gundin, aka lowo ladoŋ nono, kenyo wilaŋeyo ni An Abedo Rwoth.”

Ezekiel 24:11

Jengi go nono i wi cuk mac ŋey wonyali lokirok malieth, nyweny mere woleny i iye to nyal mere ngoye.

Ezekiel 35:14

Rwoth Were waco ama: Paka piny gipi fore, alajwango win.

Ezekiel 5:14

Alaloko win gunda kodi giwickwot i dier nonin ma jothoko win, i waŋ jono je ma joluw.

Ezekiel 5:2

Ilakwanyo adec acel t'iwaŋo gi mac i dier tindi madwoŋ, tekin ndelo ma thoko ma mako rumo, adec acel ilanyaro g'abor thoko tindi madwoŋ, aka adec acel ilaywoyo i koyo, to nyaka acelo abor yuŋey jo.

Ezekiel 6:14

Alarieyo cingan kwoŋ jo, t'amiyo lowo bedo gunda kodi abar loyo thim ma Ribila i kabedo pajo je; aka jolaŋeyo ni An Abedo Rwoth.

Ezekiel 6:6

I kabedo mewin je, tindin madongo mewin labedo gundin, aka ilareyo woko udi ajwoka mewin to josika. Migame mewin ilaŋinyo woko aka calin mewin jolangoye, ilatoŋo piny migame mewin ma waŋo buban, t'iyweyo woko tic mewin.

Ezekiel 7:12

Hongo obino, aka ndelo otundo, janyew wokiri wosangala, aka jamitan wokiri woywaki, kole keme nitie kwoŋ lwak pajo je.

Ezekiel 7:14

Jotieko kudho gwara, joyiko kisi gimoro, to ongoye ŋata kadho i lweny, kwoŋbedo keme paran nitie kwoŋ lwak je.

Nahum 1:5

Gote joyengere ruwaŋe, aka tendere jokirin; piny oay malo ruwaŋe, piny gibe kodi jono je ma jobed'iye.

Nahum 2:10

Odoŋ nono, odoŋ nono, aka orere woko! Cuny podho gi lworo aka congi kirin, meni ongoye, ji jokirin, nyim jo ojowo bondo.

Luka 21:24

Ibino neko jo g'abor, t'itero jo paka ŋecin i piny moro je, aka Jopath jobino wotho wi Yerusalem cuka ndir ma dhum pajo orum kicutho.”

Tim pa Jomoor 17:6

To munyo jok'onwaŋo jo, joyware gi Yason kodi jom'oyeyo moro kiri bongi jodhum ma tindi kareno jokoko ni, “Jome jokelo ruwirok kisi kamoro! Aka onyo bende jobino i tindi mawan ka, aka

Kitawo mar'abic mapa Musa m'ilwoŋo ni Cik 28:64

Rwoth lakedho win i dier nonin je, wok i gike ma piny acel tundo i meca, aka koro ama wilatic ri werin man, ma mbawin kodi telin, ma win kosa kwarere mewin fodi wikuya.

Kitawo mar'abic mapa Musa m'ilwoŋo ni Cik 32:26

Awaco ni, alatoŋo jo mathindho thindho, aka alareyo woko jo i paro pa ji.

Kitawo mar'abic mapa Musa m'ilwoŋo ni Cik 4:27

Rwoth lakedho win i dier nonin, aka manok kwoŋ win ama jolaboth i dier nonin kama Rwoth oter win'iye.

Yakobo 1:1

Balwa m'owok bongi Yakobo, jatic pa Were kodi apa Rwoth Yesu Kristo. Ri nonin apar g'ario, ma jotiakere i piny gipi: Amotho win!