Isaya 21:2 - KITAWO MALEŊ

² Onyuthan menyirok, ma gigipiny ma kiwacere, jamisegey, segeya, aka janyeki nyeko. Kadhi malo, Awi Elam, thoki ma mako, Awi Mediya, Rwoth otieko ciko kelo i gike, candirok pere.

KITAWO MALEŊ Catholic

² Onyuthan menyirok, ma gigipiny ma kiwacere, jamisegey, segeya, aka janyeki nyeko. Kadhi malo, Awi Elam, thoki ma mako, Awi Mediya, Rwoth otieko ciko kelo i gike, candirok pere.

Isaya 21:2 ပူးပေါင်းရင်းမြစ်များ

Cakirok 10:22

Wot Semu oyido; Elam, Asur, Aripakisadi, Lud, kodi Aram.

2 Kerin 17:6

I oro mar'abuŋwen ma dhum pa Hoseya, kere ma Asiria omako Samaria, aka otero Joisiraili i Asiria paka jotwec lweny. Oketho jo bedo i tindi madwoŋ Hala, megi cegin gi malawa Habor iy'adec ma Gozan, aka megi i tindin madongo ma Madiya.

Zabuli 119:158

K'aŋiyo jocam sereko, cunyan ŋedhere, kwoŋbedo jokikur or perin.

Zabuli 12:5

To Rwoth waco ni, “Kwoŋbedo idiyo jocandi, aka ji m'icando jodwanyere i litho, onyo abino ay, t'akwonga jo.”

Zabuli 25:3

Ikir'iwey jono ma joketho geno pajo i in wi jo okwoti, to weyi jono ma jogwenyere kwoŋin ama jowobedi gi wickwot.

Zabuli 60:3

Itieko miyo ji perin candirok madwoŋ; itieko miyo wan madho vini m'omiyo watangatanga paka jomero.

Zabuli 79:11

Weyi ywak pa ji ma jonitie i twec wotundi bongin. Gi meni perin madwoŋ gony jono, m'otiek thumo rijo banja ma tho.

Agecin 13:15

Rieko miyin ilimo dwoŋ, to tim pa jotwodo obedo rerok pajo.

Isaya 11:11

I ndelo no Rwoth lacoro cinge kendo madirio dwoko peco ji pere ma joboth, wok i Asiria gi Misir, wok i Pathiros, wok i Ethopiya, wok i Elam, wok i Babilon, wok i Hamath, gi wok i kigoda ma nam.

Isaya 14:4

jolaoro ageca me ma ŋalo kere ma Babilon: Jadic orumo nedi! Mbaka oloyo jagero nedi!

Isaya 14:7

Piny gibe oywomere aka oliŋ, jomwoc gi wer.

Isaya 22:6

Elam otiŋo malo kakano gilweny pere, gi cawilin gi jogwey kayinin, aka Kiri oyawo kwot.

Isaya 24:16

Wok i gike ma piny wawinjo wer ma pak, madwoŋ ri Ŋat'otire. T'awaco ni, arumo woko, arumo woko, kidamba ran! Kole jor'akaka jotimo akaka, jor'akaka jotimo akaka swa.

Isaya 33:1

Kidamba rin ijarey jo, in m'ongoye fodi ŋat'oreyin, in ijar'akor, m'ongoye fodi ŋat'otimo rin akor! Tekin icowo reyo woko, in bende ilareyin woko, tekin icowo timo akor, in bende ilatimo rin akor.

Isaya 35:10

Aka jono ma Rwoth otieko botho joladok, to jobino i Zayon gi wer, kisangala ma cil gi cil labedo i wi jo; jolanwaŋo siem gi kisangala, kumo gi rem larumo woko.

Isaya 47:6

Oyido amako nge gi ji paran, t'akoco alunja paran, aketho jo i cingin, aka ikinyutho jo ŋono, kiri jom'oti je iketho kwoŋ jo okol mapek ma kiwacere.

Yeremia 25:25

kerin je ma Zimiri, kerin je ma Elam, kodi kerin je ma Mediya;

Yeremia 31:20

Efrayim obedo wodan ma kacunyan? Go obedo nyathi ma fore gine? Paka aluwo kwoŋ go noknok, fodi apoyo go. Riameno cunyan rembo rigo, alanyutho go ŋono adieri. Rwoth waco.

Yeremia 31:25

Alayeŋo jom'oloc, t'apidho joma kec neko.

Yeremia 45:3

Iwaco ni, “Kidamba ran! Rwoth otieko medo rem i wi litho paran, anyocere gi ywak paran, aka angoye gi ywomirok.”

Yeremia 49:34

Wac pa Rwoth obino ri jatuci wac Yeremia ma mako kwoŋ Elam, i cakirok ma dhum pa kere Zedekia ma Yuda.

Yeremia 49:35

Rwoth pa lwak jolweny waco ama: Akidho turo woko gibayo asere pa Elam je ma miyo go meni.

Yeremia 50:14

Ter win kabedo mewin thoko Babilon, win je ma wicelo asere, celi win go, wikiri wiwey asere moro je, kole Babilon otieko timo reco kwoŋ Rwoth.

Yeremia 50:34

To jaboth pajo tek, nyingi go obedo Rwoth Jameni Je. Go won ama lakiosa rijo, ŋey wokel siem i piny, to kelo teko ri ji ma Babilon.

Yeremia 51:11

Pak win aserin, yik win kwote mewin! Rwoth otieko guro cuny kerin ma Medes, kwoŋbedo atoŋa pere ri Babilon obedo ma reyo woko. Ameno apaka go laculo kwor ma reyo woko Ot pa Were.

Yeremia 51:44

Alamiyo Bel gir'acula, were pa Jobabilon, t'amiyo go weyere kodi gigipiny pere, m'okwal. Nonin jok'olam go kendo; kor udi ma Babilon jotieko podho.

Yeremia 51:53

Kada Babilon oidhi pondeponde to geto cel matek kenyo, fodi alanyalo dhiro ji ma turo woko, Rwoth waco.”

Ywakirok 1:22

Weyi kidakana pajo onenere ruwaŋin, aka tim rijo paka itieko timo ran, kwoŋbedo kibenga paran oasere, kodi ywak paran, cunyan raman.

Daniel 5:28

PERES nyutho ni ker perin otiakere aka omiy Jomedes kodi Jopasia.”

Daniel 5:9

Kenyo Kere Belsazar obwok swa to cal ma waŋe lokere matar, aka jodhum pere jodhier.

Daniel 8:2

Aneno i menyirok; aka munyo aneno, oyido anitie i Susa tindi madwoŋ, manitie iy'adec ma Elam, aka aneno i menyirok oyido anitie i thengi malawa Ulay.

Daniel 8:20

“Wod rombo m'ineno nitie gi tunge ario, obedo kerin ario ma Medes kodi Pasia.

Menyirok ri Yohana 13:10

Ka nyatoro yenyere womaki, ibino mako go t'itweyo; ka nyatoro yenyere woneki kodi abor, iripo neko go kodi abor. Me nyutho ni ji maleŋ pa Were joripo ciro teko kodi genirok.

1 Samwiri 24:13

Iŋeyo ageca ma waco ni, ‘Tim marac wok bongi jomarac.’ Riameno akibino timo rin gimarac.