Isaya 20:2 - KITAWO MALEŊ

² i hongo no Rwoth oluwo gi Isaya wod Amoz, ka waco ni, “Kadhi, aka iluny woko kutiya gi war perin wok i tiendin.” Isaya otimo ameno aka owotho kinyoro gi par tiende.

KITAWO MALEŊ Catholic

² i hongo no Rwoth oluwo gi Isaya wod Amoz, ka waco ni, “Kadhi, aka iluny woko kutiya gi war perin wok i tiendin.” Isaya otimo ameno aka owotho kinyoro gi par tiende.

Isaya 20:2 ပူးပေါင်းရင်းမြစ်များ

2 Samwiri 15:30

Daudi oidho wi got Oliv munyo ywak, gi par tiende, aka oyido oumo wiye ma nyutho rem. Ji je m'oyido joluwo go bende joumo wiy gin aka bende joywak.

2 Samwiri 6:20

Rumacen munyo Daudi odok peco motho jopeco pere, Mikal owok to bino romo gine aka oŋalo go ni, “Kere ma Isiraili konon olimo dwoŋ. Onyuthere pa jamiŋo ruwaŋ ŋecin pere ma jobedo mon pa jotel pere.”

2 Kerin 1:8

Jodwoko ni, “Oruko law ma pien ogwaŋ to tweyo piere gi del ma pien diel.” Kere odwoko ni, “Meno Elia!”

Zabuli 30:11

Iwiro kumo paran i miel ma siemirok, ikwanyo woko rem paran, t'ithokan gi kisangala.

Kitawo mar'ario mapa Musa m'ilwoŋo ni Wok 3:5

Kenyo Were owaco ni, “Ikir'icore cegin, luny war perin wok i tiendin, kole kabedo m'icung'iye leŋ.

Isaya 1:1

Menyirok pa Isaya wod Amoz ma go oneno ma mako kwoŋ Yuda gi Yerusalem i hongo pa Uziya, Yotham, Ahaz gi Hezekia, kerin ma Yuda.

Isaya 13:1

Mikwenda ma teko ma mako kwoŋ Babilon ma Isaya wod Amoz oneno.

Isaya 37:2

Ooro Eliakim m'oyido obedo jadwoŋ ma muluwir, Sebina jandiko ma kapido, gi jatuci wac Were m'otegino, to joruko kutiya, bongi Isaya wod pa Amoz.

Yeremia 48:37

Joje jotieko lielo ye wi jo kodi ye tik jo. Joje jogwero cingi jo to jotweyo kutiya i pier jo.

Ezekiel 24:17

Uja nyaliŋliŋ; Ikir'iywak jom'otho. Boy wiyin, aka iruki war perin i tiendin; ikiripi umo yer dhokin ma malo kosa icami cemo ma joywak jocamo.

Ezekiel 24:23

Wiripo boyo wiy win to wiruko war mewin; wikiripi ywak kosa biyo pigi waŋ win, to wiripo bolo gicen reco mewin, to widwanyere gi litho ri wadi win.”

Ezekiel 4:1

Rwoth owaco ni, “Onyo in, wod dhano kwany matafal indik'iye ni tindi madwoŋ Yerusalem.

Ezekiel 4:5

Atieko ketho kwoŋin oro mareco pajo, luwo kwoŋ kwan ma ndelo, ndelo 390; aka ilatiŋo reco ma ot pa Isiraili.

Mika 1:11

Kadhi win wibedi jowiloka, win ji ma Safir, kinyoro aka giwickwot. Win ji ma Zana wikiri wiwok i tindi madwoŋ mewin, kole kiuja ma Bethezel miyo win ŋeyo nike kapondo ongoy'iye.

Mika 1:8

Ro gime abino ywak, t'auja aka ma nyutho rembo paran abino wotho gi par tiendan aka kinyoro. Abino jero paka ogwaŋe madudi, t'auja paka maya.

Zekaria 13:4

I ndelo no kisi jatuci wac Were labedo giwickwot ro menyirok pere ka tuco wac Were. Jolaruko law ma yer ŋey jowotwodi.

Matayo 16:24

Gikenyo Yesu owaco ri jofonjirok pere ni, “Ka moro mito luwan, go won kutho ripo kwerere kende, wotiŋ musalaba pere, aka woluwan.

Matayo 3:4

Ruk pa Yohana oyido otim ma yer ŋamia, aka go oyido tweyo piere gi del ma pien, aka cemo pere oyido obedo bonyo kodi mo kic.

Yohana 21:7

Jafonjirok ma Yesu omaro owaco ni, “manago Rwoth!” Munyo Simon Petero owinjo ni manago Rwoth, otweyere gi nanga pere ma woko (rupiri oyido olunyo woko nangin pere), to por i pi.

Tim pa Jomoor 19:16

Ŋat'oyido nitie gi cuny m'ocido no orodho jo to loyo jo gi meni. Joje jowok i ot pere gi ŋwec kinyoro g'adholin kwoŋ jo.

Tim pa Jomoor 21:11

Go obino bongi wan to kwanyo del pa Paulo to won tweyo gine tiende gi cinge, to waco ni, “Me a gima Cuny Maleŋ waco, ‘Joyuda jobino tweyo won del me ama i Yerusalem to jobolo go i cingi Jopath.’ ”

Yosuwa 5:15

Jamituka pa jolweny pa Rwoth owaco ri Yosuwa ni, “Luny woko war ma par tiendin, kole kabedo m'icung'iye leŋ.” To Yosuwa timo ameno.

Menyirok ri Yohana 11:3

Aka abino miyo jomikwenda paran ario, meni ma tuco mikwenda paran i hongo ma ndelo gana acel miya ario gi piero aucel, kareno joruko kutiyin.”

1 Samwiri 19:24

Saulo olunyo nangin pere, aka omielo konyo koko ruwaŋ Samwiri. Go obedo kinyoro ndelo no gi wor gipi. Me am'omiyo iwaco ni, “Kiri Saulo je olokere jatuci wac Were!”