Isaya 2:3 - KITAWO MALEŊ

³ Nonin kweth jolabino to jowaco ni, “Biye, weyi wakadhi win malo wi got pa Rwoth, i Ot pa Were pa Yakobo; ŋey go wofonji wan royo pere aka ŋey wawothi i yo pere. Kole fonji pa Rwoth wok i Zayon aka wac pa Rwoth wok i Yerusalem.”

KITAWO MALEŊ Catholic

³ Nonin kweth jolabino to jowaco ni, “Biye, weyi wakadhi win malo wi got pa Rwoth, i Ot pa Were pa Yakobo; ŋey go wofonji wan royo pere aka ŋey wawothi i yo pere. Kole fonji pa Rwoth wok i Zayon aka wac pa Rwoth wok i Yerusalem.”

Isaya 2:3 ပူးပေါင်းရင်းမြစ်များ

Esita 9:27

Joyuda joyere aka joridho tim me i kwo pajo gi nyikway jo kodi jono je ma jowire to jolokere Joyuda. Jowaco paka jok'owey ma jok'opoyo ndelo ario me i hongo m'otire kisi oro paka Modekay ondiko i balwa pere.

Zabuli 102:23

Rwoth oturo meni paran ma fodi athin, aka oloko kwo paran macek.

Zabuli 110:2

Rwoth dhiro wok i Zayon, luth perin matek. Dhumo i dier jokwor perin!

Zabuli 119:171

Alapakin noknok kwoŋbedo ifonjan cik perin.

Zabuli 122:1

Awinjo gi kisangala munyo owaci ran ni, “Weyi wakadhi i Ot pa Rwoth!”

Zabuli 48:1

Rwoth dwoŋ aka iripo pako go malo swa, i tindi madwoŋ pa Were, got pere maleŋ.

Isaya 1:26

Aladwoko riwin jothum banja paka marapena, jomic rieko paka i cakirok. Rumacen ilalwoŋo win ni tindi madwoŋ ma timo tiro, tindi madwoŋ ma timo adieri.”

Isaya 11:10

I ndelo no kolo pa Yese lacungo paka ranyuth ri Nonin. Nonin joladwaro go, aka kabedo pere labedo ma didwoŋ.

Isaya 19:23

I ndelo no labedo royo madwoŋ wok i Misir tundo i Asiria, aka Joasiria jolabino i Misir, Jomisir bende jolakidho i Asiria, aka Jomisir jolalamo kanyacel gi Joasiria.

Isaya 28:9

Ŋa ma go ofonji ŋeyo, kosa ŋa ma go otiti rigo mikwenda? Kono nyithindho ma nyaka ocieri jo dhoth, ma joweyo thundho.

Isaya 44:5

Me lawaco ni, “Abedo apa Rwoth.” Man lalwoŋere gi nyingi Yakobo, aka man landiko i cinge ni, “Apa Rwoth.” Go lalwoŋere gi nyingi Isiraili.

Isaya 56:5

alamiyo wopoy nyingi jo i ot paran, gi i dier ji paran, loyo k'oyido jonitie gi nyithindho mayac gi manyir. Alamiyo nyingi jo wopoy kicutho, ma kilarere woko.

Isaya 56:7

Alakelo jo wi got paran maleŋ, t'amiyo jo kisangala i ot paran ma kwayo. Alajolo mic awaŋa pajo gi cowirok pajo i wi migam paran. Kole ot paran ilalwoŋo ni ot ma kwayo ri ji je.

Isaya 60:3

Nonin jolabino i lero perin, aka kerin jolabino i lero ma ŋamba perin.

Isaya 65:11

To win, ma wijwango Rwoth, ma wiy win wil gi got paran maleŋ, aka wijengo meza ri Gad gi Meni, werin ma silwany gi lifol, to wipoŋo kikopere ma vini m'oruw.

Isaya 66:20

Jolakelo wade perin je wok i piny man paka mic ri Rwoth, i wi kayinin gi cawilin, i ywel kodi i nyithindhi kayina, i wi ŋamia, to jotero wi got paran i Yerusalem, paka Joisiraili jokelo mic ma cemo manyinge iy'atawo m'olony i Ot pa Rwoth.

Yeremia 12:16

Aka nyaka, ka jofonjere tim pa ji paran, kwoŋirok gi nyingan ni, “Paka Rwoth kwo.” Paka jofonjo ji paran kwoŋirok gi Bal, nyaka jobino getere i dier ji paran.

Yeremia 26:18

Munyo Hezekia oyido obedo Kere ma Yuda, jatuci wac Were Mika m'owok Moras owaco ri ji je ma Yuda ni Rwoth pa lwak jolweny waco ama: Ilafuro Zayon paka ndelo; Yerusalem lalokere kidhur gunda, aka tendere ma Ot pa Rwoth lalokere lul.

Yeremia 31:6

Kole ee, hongo bino ma jokur jolalwoŋo, i piny matendere Efrayim. Ay win, weyi wakadhi malo i Zayon, bongi Rwoth, Were mawan.

Ezekiel 40:2

Go okelan i menyirok pa Were, i piny ma Isiraili, to jengan piny wi got mabor swa, m'oyido nitie iye gim'otim ma cal tindi madwoŋ yuthenge ma yupiny.

Hoseya 3:5

Rumacen Joisiraili jolawire to jodwaro Rwoth Were pajo, kodi Daudi kere pajo. Jolabino gi kirin bongi Rwoth kodi i bero pere i ndelo ma rumacen.

Hoseya 6:3

Weyi waŋey, wakethi kinen ma ŋeyo Rwoth; menyirok pere obedo adieri paka ŋamba; go labino riwan paka koth ma cwe nyiknyik, paka koth cwir ma dhieko piny.”

Mika 4:2

Aka nonin kweth jolabino to jowaco ni, “Biye win, weyi wakadhi wi got pa Rwoth, i Ot pa Were pa Yakobo ŋey go wofonji wan yo pere, aka wawothi i yo pere.” Kole cik wok i Zayon, aka wac pa Rwoth wok i Yerusalem.

Matayo 7:24

Am'omiyo dhano je ma winjo wac paran me aka tiyo gine bino cale gi dhano mariek m'ogeto ot pere i wi tele.

Luka 11:28

Yesu odwoko ni, “Kucel josilwany meno a joma jowinjo wac pa Were to joketho i tim!”

Luka 24:47

aka mikwenda ma ŋuto kodi ma cwako reco wotiti ri nonin je, cako Yerusalem.

Yohana 4:22

Win Josamaria wilamo gima wikuya; to wan Joyuda waŋeyo gima walamo, kwoŋbedo both wok bongi Joyuda.

Yohana 7:17

Ŋata yeyo timo gima Were yenyo bino ŋeyo k'agima afonjo wok bongi Were kosa ka aluwo gi meni paran won.

Tim pa Jomoor 1:8

to wibino nwaŋo meni ka Cuny Maleŋ otieko loro kwoŋ win; aka wibino bedo jokony ma ridho wac paran i Yerusalem kodi i Yuda gipi, i Samaria, kodi i witum je ma piny.

Tim pa Jomoor 10:33

Am'omiyo aoro ji lwoŋin mayot, aka itimo maber bino. Pama onyo wajoje wan ka i nyim Were, wakuro winjo gimoro je ma Rwoth oorin waco.”

Joroma 10:18

To apenjo, obedo adieri ni jok'owinjo mikwenda? Kole jowinjo paka ndiko waco ni, “Derino ma dwondi jo olak i piny gipi, Wac pajo otundo i tum je ma piny.”

Kitawo mar'abic mapa Musa m'ilwoŋo ni Cik 33:19

Jolalwoŋo nonin wi got pajo, koro jolamiyo cowirok m'otire, kole jolacwiyo cwe ma nam, kodi lim m'opanere i kwoyo.

Kitawo mar'abic mapa Musa m'ilwoŋo ni Cik 6:1

Me or, fonji kodi cik ma Rwoth Were mewin omiyan or fonjo win kuro i lowo ma wicegin donjo gi bed'iye.

Yakobo 1:25

To ŋata kaŋasa cik m'otire ma ketho ji i siem, aka medo ketho paro pere kwoŋe, ma kiciki ithe kende to wiye wil, to go ketho wac i tim, ŋato Were bino miyo silwany i gima go timo.