Isaya 2:2 - KITAWO MALEŊ

² Aka latundo i kare i ndelo ma rumacen, got ma Ot pa Rwoth, ilaketho wi gote, ilatiŋo malo kalo tendere je. Nonin je jolamol'iye.

KITAWO MALEŊ Catholic

² Aka latundo i kare i ndelo ma rumacen, got ma Ot pa Rwoth, ilaketho wi gote, ilatiŋo malo kalo tendere je. Nonin je jolamol'iye.

Isaya 2:2 ပူးပေါင်းရင်းမြစ်များ

Cakirok 49:1

Kenyo Yakobo olwoŋo wote aka owaco ni, “Cokere win kanyacel ŋey awaci riwin gima lapodho kwoŋ win i hongo ma yuwiye.”

Yobu 19:25

Kole aŋeyo ni Jaboth paran kwo, aka ni rumacen go lacungo ran i piny.

Zabuli 102:23

Rwoth oturo meni paran ma fodi athin, aka oloko kwo paran macek.

Zabuli 2:8

Kwayan, aka abino miyin lunjo piny je, kisi thengi piny bino bedo aperin.

Zabuli 22:27

Nonin je jobino poyo Rwoth. Woki i kisi thenge ma piny jobino wire bonge, to jolamo go.

Zabuli 22:28

Kole Rwoth obedo kere aka dhumo nonin je.

Zabuli 48:2

Zayon, oŋawere maŋon, obedo kisangala pa piny gibe, tindi madwoŋ pa kere madwoŋ.

Zabuli 68:17

Gi cawila ma meni, ma gana apar dirio, gana gi gana, Rwoth obino wok Sinai i Kabedo Maleŋ.

Zabuli 72:8

Weyi kere wodhum wok i nam tundo i nam, gi wok i malawa tundo i tum ma piny.

Zabuli 86:9

Nonin je m'icweyo, jolabino to jokule piny ruwaŋin Awi Rwoth, jobino miyo nyingin dwoŋ.

Zabuli 87:1

Rwoth ogeto tindi pere madwoŋ wi got maleŋ;

Zabuli 87:2

Rwoth omaro waŋkace ma Zayon, loyo kabedo pa Yakobo je.

Isaya 11:10

I ndelo no kolo pa Yese lacungo paka ranyuth ri Nonin. Nonin joladwaro go, aka kabedo pere labedo ma didwoŋ.

Isaya 25:6

Rwoth pa lwak jolweny latimo kalima ri nonin je wi got me, kalima ma cemo maleny, kalima ma vini ma loŋo, cemo maleny m'opoŋ'iye more, vini ma loŋo, m'okenera.

Isaya 27:13

I ndelo no, ilakudho gwara madwoŋ, aka jono m'oyido jorwenyo i lowo ma Asiria kodi jono m'oyido oriem jo woko i lowo ma Misir jolabino lamo Rwoth wi got maleŋ i Yerusalem.

Isaya 30:29

Wilawero paka witimo wor ma kalima maleŋ, aka cuny win lakisangala paka ŋata wotho gi milowe ka kadho wi got pa Rwoth, Tele pa Isiraili.

Isaya 49:6

Rwoth waco ran ni, “Obedo gima sew ni iripo bedo ŋeca paran, tiŋo malo nonin pa Yakobo, gi dwoko Joisiraili ma joboth. Alamiyo in paka lero ri nonin, ŋey both paran wotundi i tielo je ma piny.”

Isaya 56:5

alamiyo wopoy nyingi jo i ot paran, gi i dier ji paran, loyo k'oyido jonitie gi nyithindho mayac gi manyir. Alamiyo nyingi jo wopoy kicutho, ma kilarere woko.

Isaya 56:7

Alakelo jo wi got paran maleŋ, t'amiyo jo kisangala i ot paran ma kwayo. Alajolo mic awaŋa pajo gi cowirok pajo i wi migam paran. Kole ot paran ilalwoŋo ni ot ma kwayo ri ji je.

Isaya 60:3

Nonin jolabino i lero perin, aka kerin jolabino i lero ma ŋamba perin.

Isaya 65:11

To win, ma wijwango Rwoth, ma wiy win wil gi got paran maleŋ, aka wijengo meza ri Gad gi Meni, werin ma silwany gi lifol, to wipoŋo kikopere ma vini m'oruw.

Isaya 66:20

Jolakelo wade perin je wok i piny man paka mic ri Rwoth, i wi kayinin gi cawilin, i ywel kodi i nyithindhi kayina, i wi ŋamia, to jotero wi got paran i Yerusalem, paka Joisiraili jokelo mic ma cemo manyinge iy'atawo m'olony i Ot pa Rwoth.

Isaya 66:23

I kisi kalima ma dwe manyen, gi kisi ndelo ma Sabato, ji ma kisi piny, jolabino lamo ruwaŋan ka i Yerusalem, Rwoth waco.

Yeremia 16:19

Awi Rwoth, meni paran gi cel paran, kapondo paran i hongo ma teko, nonin je jolabino bongin wok i tielo gi tielo ma piny to jowaco ni: Kwarere mawan jok'olunjo gimoro kwanyowoko twodo, gigipiny masisiri m'ongoye iye magowa.

Yeremia 23:20

Nge pa Rwoth k'owire aŋey cuka ocow to ketho i kare atoŋa ma paro pere. I hongo ma rumacen wilaniaŋ gino maber.”

Yeremia 26:18

Munyo Hezekia oyido obedo Kere ma Yuda, jatuci wac Were Mika m'owok Moras owaco ri ji je ma Yuda ni Rwoth pa lwak jolweny waco ama: Ilafuro Zayon paka ndelo; Yerusalem lalokere kidhur gunda, aka tendere ma Ot pa Rwoth lalokere lul.

Yeremia 3:17

I hongo no ilalwoŋo Yerusalem ni kom pa Rwoth, aka nonin je jolacokere iye, i nyingi Rwoth i Yerusalem, aka gi wictek pajo jok'otimi kendo gimarac ma wegi joyero.

Yeremia 30:24

Nge pa Rwoth malieth kilagik cuka go otiek timo to cowo atoŋa ma paro pere. I hongo ma yuwaŋe, wilaniaŋ gime.

Yeremia 31:12

Jolabino to jowero wi got Zayon, aka jolakisangala ri gigipiny maber pa Rwoth, ri ŋano kodi vini kodi mo, kodi mwendi kodi dhok. Kwo pajo labedo paka ndelo m'ikonjo iye pi, aka jokilanyapere kendo.

Yeremia 48:47

Kucel aladwoko lim ma Mowab, i ndelo ma bino, Rwoth waco. Me apaka athumo ri Mowab banja.

Yeremia 49:39

To i ndelo ma rumacen, aladwoko lim pa Elam kendo, Rwoth waco.

Yeremia 51:44

Alamiyo Bel gir'acula, were pa Jobabilon, t'amiyo go weyere kodi gigipiny pere, m'okwal. Nonin jok'olam go kendo; kor udi ma Babilon jotieko podho.

Ezekiel 38:16

Ilabino lweny gi ji paran Isiraili, paka pondeponde ma umo piny. I hongo ma yuwaŋe, alakelin i cingan ŋey nonin jonyal ŋeyan, kareno joluwo kwoŋin, awi Gog, alanyutho leŋo ruwaŋ jo.

Ezekiel 40:2

Go okelan i menyirok pa Were, i piny ma Isiraili, to jengan piny wi got mabor swa, m'oyido nitie iye gim'otim ma cal tindi madwoŋ yuthenge ma yupiny.

Daniel 10:14

Abino miyin niaŋ gima latimere ri ji perin i ndelo ma rumacen. Kucel menyirok latero ndelo kweth.”

Daniel 2:28

To nitie Were ma i polo ma nyutho nyaliŋliŋ, aka go otieko nyutho Kere Nebukadineza gima latimere i hongo ma bino. Me a lek kodi menyirok m'ineno munyo inindo i kanindo perin:

Daniel 2:35

Kenyo nyweny, lowo nyamasiga, ywel, feza, kodi zahabu joŋinyere mathindho thindho to jolokere paka cuŋ i kisia ma hongo ma ceŋ. Koyo okudho jo woko ma k'oweyo bathi jo. To tele m'ogoyo cal no olokere got madwoŋ aka opoŋo piny gibe.”

Daniel 2:45

pak'ineno tele ma k'omukere gi cingi dhano oŋinyo nyweny, ywel, lowo nyamasiga, feza, kodi zahabu. Were madwoŋ otieko miyo kere ŋeyo gima latimere i hongo ma bino. Lek no obedo ameno, aka dwoŋ mere otire.”

Hoseya 3:5

Rumacen Joisiraili jolawire to jodwaro Rwoth Were pajo, kodi Daudi kere pajo. Jolabino gi kirin bongi Rwoth kodi i bero pere i ndelo ma rumacen.

Zekaria 14:10

Piny gibe lawire, paka Araba wok i Geba tundo i Rimon yupiny ma Yerusalem. To Yerusalem ladoŋ ay malo i kabedo pere wok i Waŋkac pa Benyamin tundo i waŋkac marapena, kiri i Waŋkac ma Sonda, kodi wok iy'acurcur ma Hananel tundo i kadhiŋo vini pa kere.

Zekaria 14:9

Rwoth labedo kere ma piny gibe; i ndelo no Rwoth labedo acel aka nyingi go acel.

Zekaria 8:22

Ji kweth kodi nonin matek jolabino rango Rwoth pa lwak jolweny i Yerusalem, kodi kwayo ruwaŋ Rwoth.

Zekaria 8:3

Me apaka Rwoth waco: Aladwoko i Zayon, aka alabedo i Yerusalem; Ilalwoŋo Yerusalem ni tindi madwoŋ ma genere, aka got pa Rwoth pa lwak jolweny, ilalwoŋo ni, got maleŋ.

Malaki 3:12

Kenyo ji ma piny je jobino lwoŋo win ni wijosilwany, rupiri piny mewin bino bedo maber kwo i iye.

Kwan 24:14

Onyo pama an adoki bongi ji paran. To weyi kutho amiyin rieko gima ji me jolatimo ri ji perin i hongo ma bino.’ ”

Tim pa Jomoor 2:17

Were waco ni, me a gima bino timere i ndelo macowe: Abino konjo Cuny paran kwoŋ ji je; wot win gi nyigi win jobino tuco wac Were, nyithindho mewin mayac ma soye jobino limo menyirok, aka jom'oti i dier win jobino leko lek.

2 Timothe 3:1

To ŋey gime: Teko bino bedo madit i ndelo ma rumacen.

Joebulaniya 1:2

to i ndir macowe me, go oluwo gi wan gi i dhok Wode m'oyero paka okayo ma lalunjo gigipiny pere je, aka ocweyo polo gi piny luwo kwoŋ Wode no.

2 Petero 3:3

Marapena, wiripo ŋeyo nike i ndelo macowe me, jonyero jobino fudhirok ma joluwo royo mar'awanya pajo mareco gi nyero ma cay.

Menyirok ri Yohana 11:15

Gikenyo malaika mar'abirio okudho gwara pere, to dwondi nyatoro ma koko malo wok i polo, ka waco ni, “Meni Ma dhumo piny pama obedo apa Rwoth kodi Kristo pere, aka go bino dhumo cil gi cil!”

Menyirok ri Yohana 20:4

Rumacen aneno kombere ma dhum, aka jom'obedo kwoŋ jo obedo joma omiy jo thumo banjin. Aka aneno bende joma ndir ca oŋadi woko ŋuti jo ro ridho yeyo pajo kwoŋ Yesu kodi wac pa Were, ma jok'oyeyo lamo ogwaŋ kosa cal pere, aka jok'oyeyo womwon ranyuth pere ruwaŋ jo kosa i cingi jo. Odwoki rijo kendo kwo pajo to jodhumo gi Kristo oro gana acel.