Isaya 17:10 - KITAWO MALEŊ

¹⁰ Kole wiy win owil gi Were ma both mewin, aka wikipoyo Tele ma pondo mewin; riameno makada nende winofur ndelin, ma lamo were makicar,

KITAWO MALEŊ Catholic

¹⁰ Kole wiy win owil gi Were ma both mewin, aka wikipoyo Tele ma pondo mewin; riameno makada nende winofur ndelin, ma lamo were makicar,

Isaya 17:10 ပူးပေါင်းရင်းမြစ်များ

1 Kigana kwoŋ Kerin 16:35

Waci rigo ni, “Both wan, awi Were jaboth mawan, aka dwoki wan wok i dier nonin ŋey wafoyin aka wapaki nyingin maleŋ.”

Zabuli 106:13

To wi gin owil piyo gi gim'otimo, aka jotimo gigipiny ma jok'okuro mic rieko pere.

Zabuli 106:21

Wi gin owil gi Were, Jaboth pajo, m'oyido otimo gigipiny madongo i Misir.

Zabuli 18:2

Rwoth obedo tele paran, kapondo paran aka jaboth paran. Were paran obedo tele paran, i go a kapondo paran. Kwot paran, aka meni paran ma both, kapondo paran.

Zabuli 31:2

Winjan, ibothan pama! Bedi ran tele ma pondo, kwot paran ma bothan.

Zabuli 65:5

Gi tim ma kelo lworo idwoko wan, t'ibotho wan, Awi Were jaboth mawan. Ibedo geno pa gike je ma piny, gi thoko nam ma jonitie bor loyo.

Zabuli 79:9

Kony wan, Awi Were ma jaboth mawan, ro dwoŋ ma nyingin; gony wan aka icwaki reco mawan, ro dwoŋ ma nyingin.

Zabuli 85:4

Dwoki wan kendo, Awi Were jaboth mawan, aka weyi winjo marac gi wan!

Zabuli 9:17

Jokidakana je joripo tho, kiri gi nonin je ma jokwero Were.

Isaya 12:2

Neni, Were obedo both paran, alageno go, aka akilabwok; kole Rwoth obedo meni paran gi wer paran, go otieko bedo both paran.

Isaya 17:9

I ndelo no tindin madongo ma pondo pere lacale paka kabedo m'ojwangi i lul, gi wilwindi yath, ma joweyo ro Joisiraili, aka lakisika woko.

Isaya 18:5

Kole mafodi keco, ka thiwo orumo, aka mawuwa lokere nyingi vini m'ocek, Were lanyaro woko withi jo gi musalauyo ma kikolesa, to jako woko jange je.

Isaya 25:4

Kole itieko bedo kapondo ri jocandi, kapondo ri ŋata bu gimoro i teko pere, kabwok kwoŋ koth gi tipo kwoŋ lietho; ka derino pa jomaker cal asur ma cwir.

Isaya 26:4

Kethi geno i Rwoth cil gi cil, kole Rwoth Were, obedo tele ma cil gi cil.

Isaya 30:29

Wilawero paka witimo wor ma kalima maleŋ, aka cuny win lakisangala paka ŋata wotho gi milowe ka kadho wi got pa Rwoth, Tele pa Isiraili.

Isaya 33:2

Awi Rwoth, maki gi wan wor, wakurin. Bedi meni mawan kisi odikin, both mawan i hongo ma teko.

Isaya 44:8

Wikiri wikirin, kosa wibwok, fodi akiwaco riwin wok cene t'awodho kamaler? Wibedo jokony paran! Nitie were man je kwanyowoko an? Ongoye tele man, ongoye m'aŋeyo.”

Isaya 51:13

Wiwin owil gi Rwoth, jacwec mewin, m'oyaro polo, to geto misingi ma piny. Wimedo bedo gi lworo ndelo gipi, ro nge pa jono ma jodiyo win, jono ma joyikere reyo win woko? Nikune keme pa joma jodiyo win?

Isaya 61:10

Alafore tektek i Rwoth, adundo paran gipi layodere i Were paran; kole go otieko rukan gi law ma both, go otieko uman gi kanzu ma tiro, paka jamweha koda wiye sangaria, paka mweha kikere gi thiwino pere.

Isaya 62:11

Neni win, Rwoth otieko tito ri witum ma piny. Waci win ri nyar Zayon ni, “Neni, both perin bino, kemba pere nitie gi go, kodi cul pere ruwaŋe.”

Yeremia 12:13

Jocwoyo ŋano to jokeco kudhin, jotieko olo, to jok'olimo gimoro. Wiy jo lakwot gi ranyak pajo kwoŋbedo nge pa Rwoth maliel.

Yeremia 17:13

Awi geno pa Isiraili! Awi Rwoth! Jono je ma jojwangin ibino ketho jo i wickwot; jono je ma joweyin ilandiko nyingi jo i pendi piny, rupiri jotieko jwango cakirok ma pi ma kwo, in Rwoth.

Yeremia 2:32

Wiy nyako nyalo wil gi pogo pere, kosa wiy mweha wil gi ruk pere? Kucel wiy ji paran owil kodan, ma hongo malac.

Yeremia 3:21

Dwondi winjere i wi tendere ma ninono, ywak kodi pido pa nyithindho ma Isiraili, rupiri jotieko rwenyo royo pajo; wiy jo owil gi Rwoth Were pajo.

Ezekiel 22:12

Megi kwoŋ ji mewin inyewo jo neki. Megi joketho magowa kwoŋ pesa ma jokopa Joisiraili wadi jo aka joŋaŋ gi diyo jo. Wiwin owil kodan, Rwoth Were waco.

Ezekiel 23:35

Riameno Rwoth Were waco ama: Rupiri wiy win owil kodan aka wiwitan yuŋey win, onyo biel win gim'owok i kinyoro mewin gi malaya mewin.

Hoseya 4:6

Ireyo woko ji paran ro ngoye gi ŋeyo, kwoŋbedo wikwero ŋeyo, akwero win bedo ran jacway ri Were i wi migam. Aka paka wiyin owil gi cik pa Were perin, wiyan bende lawil gi nyithindho perin.

Hoseya 8:14

Aka Isiraili wiye otieko wil gi Jacwec pere, aka go otieko geto cel pa kerin; aka Yuda otieko nyayo tindin madongo m'otinda; to aladhiro mac i tindin pere madongo no, to reyo woko kam'oridhere m'ocungo matek pere.

Yowel 1:17

Kodhi otop woko i pendi lowo, udi makan jodoŋ nono; okedhi woko dere, kwoŋbedo ŋano othwo woko.

Jolevi 26:16

An yuthenge paran alatimo gime riwin: Alakelo kidamba kwoŋ win two makicangi gi musuja ma neko waŋ jo t'anyeko kwo. Wilanyeko hongo cwoyo, rupiri jokwor mewin ama jolacamo.

Jolevi 26:20

Wilaoro meni mewin nono: Piny mewin k'onyak cemo mere, aka yen ma lowo k'onyak olemo mere.”

Amos 5:11

Widiyo jocandi, aka winyaga ŋano pajo. Riameno wikibino nindo i udi mewin m'ogeti gi telin mafoth, kosa madho vini wok i ndelo vini mewin ma wi pidho.

Habakuk 3:18

Kucel alafore i Rwoth; alakisangala i Were, jaboth paran.

Zefania 1:13

Ilakinyaga woko lim pajo, aka udi pajo ladoŋ gunda. Jolageto udi, to jok'onind'iye, jolapidho ndelo vini, to jok'omadhi vini mere.

Kitawo mar'abic mapa Musa m'ilwoŋo ni Cik 28:30

Ilayiko nywomirok gi dhako, to jacwo man ama lanindo gi go. Ilageto ot, t'ikila nind'iye. Ilapidho ndelo vini, t'ikila camo olemo mere.

Kitawo mar'abic mapa Musa m'ilwoŋo ni Cik 32:15

Yesurun meno nyingi Yakobo man, opoŋ aka ogwenyere, okelo del aka cwe, ojwango Were m'ocweyo go, aka oŋalo Tele ma both pere.

Kitawo mar'abic mapa Musa m'ilwoŋo ni Cik 32:18

Wikiparo kwoŋ Tele m'onywolo win, wiy win owil gi Were m'onywolo win.

Kitawo mar'abic mapa Musa m'ilwoŋo ni Cik 32:31

Adieri tele pajo kicale Tele mawan, aka jokwor mawan wegi joŋeyo.

Kitawo mar'abic mapa Musa m'ilwoŋo ni Cik 32:4

Go tele, tic pere nitie i kare, yo pere je otire. Were ma timo adieri, m'ongoye gi banirok, go jatiro aka timo gim'otire.

Kitawo mar'abic mapa Musa m'ilwoŋo ni Cik 6:12

gwokere win wicwil okir omaki win gi Rwoth, m'owodho win wok i lowo ma Misir, wok i ot ma twec.

Kitawo mar'abic mapa Musa m'ilwoŋo ni Cik 8:11

Kure win wiwin okir wowili gi Rwoth Were mewin, ka wiweyo mako or pere, fonji kodi cik, m'amiyo win konon.

Kitawo mar'abic mapa Musa m'ilwoŋo ni Cik 8:14

wikiri wipakere, to wicwil mako win gi Rwoth Were mewin, m'owodho win wok i lowo ma Misir, wok i ot ma twec.

Kitawo mar'abic mapa Musa m'ilwoŋo ni Cik 8:19

Ka wicwil omaki win gi Rwoth Were mewin to wiluwo werin man, tiyo kodi lamo jo, apiro win konon nike wilarere adieri.