Isaya 13:6 - KITAWO MALEŊ

⁶ Ywak win, kole ndelo pa Rwoth cegin, labino paka rerok wok bongi Jameni je!

KITAWO MALEŊ Catholic

⁶ Ywak win, kole ndelo pa Rwoth cegin, labino paka rerok wok bongi Jameni je!

Isaya 13:6 ပူးပေါင်းရင်းမြစ်များ

Yobu 31:23

Kole oyido alworo teko ma Were nyalo kelo, aka d'akinyalo ciro meni pere.

Isaya 10:25

Kole i hongo macek won, gir'acula paran riwin latundo i gike, aka nge paran lacomere gi jo.

Isaya 10:3

Winotim aŋo i ndelo ma gir'acula, gi rerok ma labino wok bor? Winoŋwec bongi ŋa rango kony? Aka winowey lim mewin kune?

Isaya 13:9

Neni, ndelo pa Rwoth bino, mager, gi keme kodi nge ma kelo lworo, loko piny abar, reyo woko joreco wok'iye.

Isaya 14:23

Alaloko kabedo pa kinapupu, gi kidiwin ma pi, aka alayweyo gi ywec ma rerok, Rwoth pa lwak jolweny waco.”

Isaya 14:31

Goy ndur, awi waŋkac, ywak, awi tindi madwoŋ, leny i lworo, awi Filistia, wijoje! Kole yiro wok yumalo, aka ongoye jalweny ma labedo kende i dwoŋ pere.

Isaya 2:12

Kole Rwoth pa lwak jolweny nigi ndelo, kwoŋ jodelok je gi jopakirok, gi kwoŋ kisi dhano ma janoro, aka iladwoko go piny.

Isaya 23:1

Me mikwenda ma mako kwoŋ Tire. Ywak, Awi mel ma Tarsis, kole orey woko Tire kicutho, m'ongoye ot kosa kadonjo. Jobino wok i lowo ma Saipras munyo onyuthi jo.

Isaya 34:2

Rwoth omako nge gi piny je, gi jolweny pajo je. Othumo rijo banja ma rerok.

Isaya 34:8

Kole Rwoth nigi ndelo ri Zayon, ma culo kwor kwoŋ jokwor pere.

Isaya 47:11

To gimarac lapodho kwoŋin, m'ikonyal kwanyo woko. Teko lapodho kwoŋin, m'ikila nyalo ciro, rerok lapodho kwoŋin abwap, m'ikiŋeyo.

Isaya 52:5

Onyo riameno atimo aŋo ka, Rwoth waco, ŋiyo k'itero ji paran ma bu cul? Jotel mewin jocur gi litho, aka kisi ndelo jomedo cayo nyingan.

Isaya 61:2

Go ooran tito oro ma Rwoth nyutho ji pere wor, gi ndelo ma culo kwor pa Were mawan, kodi yomo cuny ji je ma joywak.

Isaya 63:4

Kole ndelo ma culo kwor oyido nitie iy'adundo paran, aka oro paran ma both otieko bino.

Isaya 65:14

Ŋecin paran jolawero ri kisangala ma cuny jo, to wilaywak ro arama cuny, aka wilaywak gi cuny win m'otur.

Yeremia 25:34

Ywak win, win jokwath pa ji, aka wigoy ndur; ŋindere win i buru, win rwodhe pa mwendi. Kole ndelo ma neko win otundo kodi kedhirok mewin, aka wilagore piny paka atawo maŋon.

Yeremia 49:3

Ywak, awi Hesibon, kole Ay orere woko! Ywak win, awi ji ma Raba! Ruki win kutiya, ywak win, aka wicwadere g'adasa! Kole were mewin Molek lakadho i twec, kanyacel gi jocway ri were i wi migam pere kodi jotic pere.

Yeremia 51:8

Babilon opodho abwap aka oŋinyere woko, ywak win rigo, keli win mo ri adhola pere, poyi go nyalo cango.

Ezekiel 13:5

Wikikadho malo i hoŋere, kosa yiko kor ot ri ot pa Isiraili, ŋey wonyali cungo i lweny i ndelo pa Rwoth.

Ezekiel 21:12

Ywak, aka uja, wod dhano, abor me oyiki ri ji paran, kodi jodhum ma Isiraili je. Abor kidho neko jo, kanyacel gi ji paran. Awi, pay emin.

Daniel 5:26

Me dwoŋ mere: MENE nyutho ni Were otieko kwano ker perin, aka okelo i gike.

Daniel 5:9

Kenyo Kere Belsazar obwok swa to cal ma waŋe lokere matar, aka jodhum pere jodhier.

Yowel 1:11

Bedi win giwickwot, win jofur, goy win lelo, win jolwer yen vini, kwoŋ ŋano kodi bale; rupiri ranyak ma ndelo osika woko.

Yowel 1:13

Twere win wiywak, awi jocway ri Were i wi migam; goy win lelo, win jotic ma migam. Biye win, winindi i kutiya, awi jotic pa Were paran! Mic ma cemo manyinge kodi mic ma medho, kikel i Ot pa Were perin.

Yowel 1:15

Kidamba ri ndelo no! Kole ndelo pa Rwoth orikere, aka bino paka rerok ma wok bongi Jameni Je.

Yowel 1:5

Cew win, awi jomero, aka wibiy pigi waŋ win; aka goy win ndur, win je ma wimadho vini, ro vini mamit, kole otiek kwanyo woko i dhok win.

Yowel 2:1

Kudhi win gwara i Zayon; koki win gi derino wi got ma leŋo paran! Weyi ji je ma jobedo i Yuda jowokirin, kole ndelo pa Rwoth cegin tundo, orikere.

Yowel 2:11

Rwoth miyo dwonde winjere, ruwaŋ jolweny pere. Lwak pere dwoŋ swa, ŋata timo wac pere dwoŋ. Adieri ndelo pa Rwoth dwoŋ, kelo lworo aka ŋa m'ocir ŋa.

Yowel 2:31

Waŋceŋ lalokere mudho, aka dwe lalokere remo, mafodi ndelo pa Rwoth madwoŋ ma kiwacere k'obino.

Amos 5:18

Kidamba riwin ma wikuro ndelo pa Rwoth. Raŋo ma wikuro ndelo pa Rwoth? Riwin bino bedo ndelo ma mudho makiweno lero.

Zefania 1:14

Ndelo madwoŋ pa Rwoth orikere, cegin aka bino mayot, derino ma ndelo pa Rwoth kec, kiri jolweny ma jomiseni loyo joywak m'ongoye geno.

Zefania 1:7

Bedi liŋ ruwaŋ Rwoth Were! Kole ndelo pa Rwoth orikere, Rwoth otieko yiko cowirok, go otieko loko wendo pere maleŋ.

Zekaria 14:1

Neni, ndelo pa Rwoth bino, ma gim'onyaga wok bongin ilapoko i dier win.

Malaki 4:5

Neni, abino dhiro riwin Elia jatuci wac Were, mafodi ndelo pa Rwoth madwoŋ ma teko k'obino.

Yakobo 5:1

Aka wijoŋaŋo, winji win! Bedi win gi rem aka wiywak ro litho ma labino riwin!

Menyirok ri Yohana 18:10

Jobino cungo gi bor swa, kareno jolworo candirok pere, to jowaco ni: “Awi candi, awi candi otundo rin, tindi madwoŋ ma Babilon ma dimeni! Rerok perin obino nyaka i hongo ma sawa acel won!”