Isaya 13:18 - KITAWO MALEŊ

¹⁸ Atum bor pajo lathumo cwo, jo kilamako wor gi nyithindho maŋic, aka jolangoye gi wor ri nyithindho.

KITAWO MALEŊ Catholic

¹⁸ Atum bor pajo lathumo cwo, jo kilamako wor gi nyithindho maŋic, aka jolangoye gi wor ri nyithindho.

Isaya 13:18 ပူးပေါင်းရင်းမြစ်များ

2 Kerin 8:12

Hazael openjo go ni, “Jadwoŋ, raŋo iywaki?” Elisa odwoko ni, “Kwoŋbedo aŋeyo raco m'ibino timo ri Joisiraili. Ibino waŋo cel pajo, ibino yaŋo cwo pajo ma nyaka joay, ibino thumo nyithindho pajo mathindho thindho, t'ibaro iy mon pajo ma joyac.”

2 Kigana kwoŋ Kerin 36:17

Riameno Rwoth miyo kere ma Babilon monjo jo, to neko soye pajo g'aserin i Ot pa Were ma k'omako wor gi dhano moro je, nyathi kosa jadwoŋ, ma two kosa maber. Were omiyo joje i cingi kere ma Babilon.

Zabuli 127:3

Nyithindho jobedo mic ma wok bongi Rwoth, jobedo silwany ma ici mar'adieri.

Isaya 13:16

Nyithindho pajo ilaŋinyo mathindho thindho ruwaŋ jo wegi; udi pajo ilakinyaga t'inindo gi mon pajo.

Isaya 47:9

To gigipiny ario me lapodho kwoŋin, i hongo macek, i ndelo acel, nyithindho perin jolatho, aka ilabedo citho m'ongoye keŋ, makada nende inoor meni ma thieth gi meni mathoth ma yido perin.

Isaya 5:28

Aserin pajo bith, atum bor pajo ogondere, tiendi kayina pajo tek paka tele ma cot mac, tiendi cawilin pajo wire paka asur.

Yeremia 18:21

Riameno weyi kec woneki nyithindho pajo; konji woko jo ri tho. Weyi mon pajo jowongoye gi nyithindho aka jowolokere mon tho. Weyi cwogi jo jowotho tho two nundu, soye pajo woneki jo g'abor kama lweny ogunj'iye.

Yeremia 5:16

Mikoro pajo cale kaliel m'oŋamere, joje jocale jolweny apondi ma jomeni.

Yeremia 50:30

Riameno ilaneko yac pere i royin pere, aka ilareyo woko jolweny pere i ndelo no, Rwoth waco.

Yeremia 50:42

Jomako asere kodi abor, aka joger m'ongoye nyutho wor. Derino pajo winjere paka mor pa nam, aka jogweyo kayinin. Joyikere lweny, kwoŋ win, awi ji ma Babilon.

Yeremia 51:22

ma ŋinyo woko cwo gi mon; ma neko jom'oti kodi yac; ma neko yac gi nyir,

Yeremia 6:23

Jomidho asere kodi toŋ, joger aka jongoye gi wor, derino pajo cal kodi nam ma mor; jogweyo kayinin. Joyikere paka jolweny apondi ri kama lweny ogunj'iye; lweny kodin, awi Yerusalem!”

Ezekiel 9:10

Paka ri an, akilaŋiyo jo gi waŋan ma wor, kosa nyutho wor to alaculo kwor i wi jo ro tim pajo.”

Daniel 7:5

Ogwaŋ man, mar'ario owok, ma cal gi amudhe, aka otiŋere i thenge acel, oyido nitie gi kediŋete adek i dhoke, i dier lake; t'iwaco rigo ni, “Ay malo icami riŋo kweth.”

Hoseya 13:16

Samaria labielo banja pere, kwoŋbedo go otieko gwenyere kwoŋ Were pere; abor laneko jo, nyithindho pajo ilaŋidho piny mathindho thindho, aka ilabaro iy mon pajo ma joyac.

Nahum 2:1

Jamonji otieko ay ruwaŋin, gwoki cel; kur royo; ridhi pierin; coki meni perin je.

Nahum 3:10

Kucel go bende okidho i piny man, okidho i katwec; kiri nyithindho pere mafodi jodhoth ocadhi jo mathindho thindho, i wi royin je madongo. Obol kwir ri mere m'iworo, jodongo mere je otwey jo gi pingo.