Isaya 13:14 - KITAWO MALEŊ

¹⁴ Paka amudhe m'idwaro, kosa paka rombo ma jongoye gi ŋat'olek jo, kisi dhano lagik bongi ji pere, aka kisi dhano laringo i piny pere.

KITAWO MALEŊ Catholic

¹⁴ Paka amudhe m'idwaro, kosa paka rombo ma jongoye gi ŋat'olek jo, kisi dhano lagik bongi ji pere, aka kisi dhano laringo i piny pere.

Isaya 13:14 ပူးပေါင်းရင်းမြစ်များ

1 Kerin 22:17

Mikaya odwoko ni, “Aneno Joisiraili joywore wi gote paka rombo ma jongoye gi jakwath rombo. Aka Rwoth owaco ni, ‘cwo me jongoye gi jatel weyi jowodoki peco i siem.’ ”

1 Kerin 22:36

Aka munyo waŋceŋ cegin podho, jolweny jomiyo or nike kisi jacwo wodoki i piny pere kodi i tindi madwoŋ pere.

Isaya 17:13

Nonin johola paka pi kweth, to Were ladwoko jo, to joringo bor, ilariemo jo paka cuŋ ma koyo kwadho wi gote, kodi rudino mar'asur ruwaŋ koth ma cwe gi koyo madwoŋ.

Isaya 21:15

Kole joringo kwoŋ abor, abor m'icelo, kwoŋ atum bor m'okom, gi kwoŋ teko ma lweny.

Isaya 47:15

Meno a nger jono m'itieko oyo kwok gi jo, m'itimo gi jo mitan wok i soye perin. Jolera kicar, kisi dhano i yo pere, aka ongoye ŋat'obothi win.

Yeremia 25:12

Kenyo ka oro piero ario otieko rumo, alamiyo gir'acula ri kere ma Babilon kodi nono no, piny ma Babilon, ro reco pajo, Rwoth waco, k'aloko piny no gunda ma cil gi cil.

Yeremia 50:16

Neki win jocwoyo i Babilon, kodi ja ringa i hongo ma keco, kole ro abor ma reyo woko, joje jolagik bongi ji pajo, aka joje jolaringo i piny pajo wegi.”

Yeremia 51:9

Watemo cango Babilon, to go k'onyalo cango. Jwangi win go, aka weyi kisi dhano kwoŋ wan, wodoki i piny pere won. Kole Were ma i polo am'omiyo go gir'acula, aka rerok pere owinjere bor.

Nahum 3:18

Jokwath rombo perin jonur, awi kere ma Asiria; jodhum perin jonindo. Ji perin jokedhere wi gote aka ongoye ŋat'ocok jo.

Matayo 9:36

Munyo go oneno lwak ji, wor opoŋ i cunye rijo, rupiri oyido jonitie i rembo aka kony ongoye pa rombo ma bu jakwath.

Mariko 6:34

Munyo Yesu otundo loka, oneno lwak ji to mako wor gi jo, kwoŋbedo oyido jocale rombo ma bu jakwath, am'omiyo ocako fonjo jo gigipiny m'omore.

1 Petero 2:25

Ato oyido wicalo rombo m'orwenyo; t'onyo pama widwoko bongi Jakwath kendo Jakur ma cuny win.