Isaya 13:11 - KITAWO MALEŊ

¹¹ Alamiyo piny gir'acula ro reco pere, gi jokidakana ro reco pajo; alamwolo noro pa jogero, t'adwoko piny kwoto pa jomaker.

KITAWO MALEŊ Catholic

¹¹ Alamiyo piny gir'acula ro reco pere, gi jokidakana ro reco pajo; alamwolo noro pa jogero, t'adwoko piny kwoto pa jomaker.

Isaya 13:11 ပူးပေါင်းရင်းမြစ်များ

Yobu 40:12

Ŋiy kisi janoro aka isew jo, nyon jokidakana kama jocung'iye.

Agecin 11:31

K'imiyo jom'otire kemba i piny ka, adieri ocul jokidakana gi joreco didi!

Agecin 8:13

Lworo Rwoth obedo kwero gimarac. Noro, gero, tim marac, gi wac twodo adaki.

Isaya 11:4

to gi tiro go lathumo banja ri jocandi, to yero gir'atima marom ri jomamwol i piny. Go lamiyo piny gir'acula gi luth ma nyweny ma dhoke, aka laneko jokidakana gi luya ma dhoke.

Isaya 14:21

Yikere win thumo wot kere, ro reco pa kwarere pajo, ŋey jokiri jowoay, kosa dhumo piny, to joumo piny gi tindin madongo.

Isaya 14:5

Rwoth oturo luth pa jokidakana, luth ma dhum pa jodhum,

Isaya 2:11

Waŋ ji ma pakirok iladwoko piny, aka delok pa kisi dhano ilamwolo aka Rwoth kende am'ila tiŋo malo i ndelo no.

Isaya 2:12

Kole Rwoth pa lwak jolweny nigi ndelo, kwoŋ jodelok je gi jopakirok, gi kwoŋ kisi dhano ma janoro, aka iladwoko go piny.

Isaya 2:17

Pakirok pa ji ilamwolo, aka delok pa kisi dhano iladwoko piny aka Rwoth kende am'ila tiŋo malo i ndelo no.

Isaya 22:14

Rwoth pa lwak jolweny oluwo m'awinjo gi ithan. Adieri reco me k'ocwaki riwin, cuka winotho, Rwoth pa lwak jolweny waco.

Isaya 23:9

Obedo atoŋa pa Rwoth pa lwak jolweny, nyeko kwoto ma ŋono je, kelo cay kwoŋ jom'iworo je i piny.

Isaya 24:21

I ndelo no Rwoth lamiyo gir'acula, lwak ma polo, i polo, gi kerin ma piny, i piny.

Isaya 25:3

Riameno ji matek jolamiyin dwoŋ; tindin madongo pa piny mager jolalworin.

Isaya 25:5

Paka lietho kam'othwo. Ikweyo koko pa jokwor mawan, paka pondeponde kweyo ndelo malieth, imiyo wer pa jomaker liŋ.

Isaya 26:21

Kole Rwoth bino wok i kabedo pere, miyo ji ma piny gir'acula ro reco pajo, piny laŋulo remo m'ooy i iye, aka kilaumo kendo jom'onek jo.

Isaya 29:20

Kole jogero gi jodhaw jolarwenyo kicutho; aka ilareyo woko jono je ma jokuro timo reco,

Isaya 29:5

To lwak jokwor perin jolacale paka fukefuke mathindho thindho, lwak jogero jolakadho, abwap ma k'oniaŋere.

Isaya 3:11

Kidamba ri jakidakana, kole tim marac ma cinge am'ila timo rigo.

Isaya 5:15

Ji jokule piny, kisi dhano idwoko piny, aka ilamwolo jodelok.

Isaya 65:7

Reco pajo gi reco pa kwarere pajo. Rwoth waco. Jowaŋo buban ri cal makicar wi gote, joluwo marac kwoŋan, ameno alamiyo jo, gir'acula je ri tim pajo.

Yeremia 48:29

Watieko winjo kwoŋ delok pa Mowab, go jakwoto swa. Watieko winjo kwoŋ telok pere, delok kodi gero pere, kodi kwoŋ kwoto ma cunye.

Daniel 4:34

Munyo oro abirio no orumo, An Nebukadineza, atiŋo waŋan i polo, aka paro paran odwoko bongan. Apako Jamalo Swa, apako t'amiyo go dwoŋ go makwo cil gi cil; kole dhum pere obedo dhum ma cil gi cil, aka ker pere yindira wok i luse tundo i luse.

Habakuk 2:4

Kole janoro, kitim gim'otire, to joma timo gim'otire, jolakwo gi yeyo pajo.