Isaya 12:4 - KITAWO MALEŊ

⁴ Wilawaco i ndelo no, miy win Rwoth foyo, lwoŋ win nyingi go, miy win tim pere woŋeyere i dier nonin, tuci win ni nyingi go dwoŋ.

KITAWO MALEŊ Catholic

⁴ Wilawaco i ndelo no, miy win Rwoth foyo, lwoŋ win nyingi go, miy win tim pere woŋeyere i dier nonin, tuci win ni nyingi go dwoŋ.

Isaya 12:4 ပူးပေါင်းရင်းမြစ်များ

1 Kigana kwoŋ Kerin 16:8

Miy foyo ri Rwoth, tuci dwoŋ pere, wac ri nonin gima go otieko timo.

1 Kigana kwoŋ Kerin 29:11

Aperin, awi Rwoth, obedo dwoŋo, meni, dwoŋ, loyo kodi dhum; kole gigipiny ma i polo kodi ma i piny obedo aperin; ibedo Kere, awi Rwoth, aka jadhum madwoŋ loyo kwoŋ gigipiny je.

Nehemia 9:5

Kenyo Jolevi, Yesuwa, Kadmiel, Bani, Hasabineya, Serebia, Hodia, Sebania, gi Pethahia jowaco ni, “Ay win malo wipak Rwoth Were mewin, pak win go cil gi cil. Weyi kisi dhano wopak nyingi go madwoŋ, makada nende go dwoŋ loyo pak pa dhano.”

Zabuli 105:1

Foy Rwoth, tuci dwoŋ pere, wac ri nonin gima go otieko otimo.

Zabuli 107:22

Joripo foyo go gi cowirok to jotuco tim pere gi wer ma kisangala.

Zabuli 113:5

Ŋa ma cale Rwoth Were mawan, m'abedo malo i polo,

Zabuli 148:13

Weyi jowopaki nyingi Rwoth, kole nyingi go kende ama otiŋ malo loyo; dwoŋ pere yombo polo gi piny.

Zabuli 18:46

Rwoth kwo! Kwot paran wopak! Tuci dwoŋ pa Were matek ma bothan!

Zabuli 21:13

Wapakin Rwoth, ro meni perin madwoŋ! Wabino wero ka wapako meni perin.

Zabuli 22:31

Ibino waco ri ji ma fodi k'onywol ni, “Rwoth obotho ji pere.”

Zabuli 34:3

Langa kanyacel kodan dwoŋ pa Rwoth, weyi wapaki nyinge kanyacel!

Zabuli 40:5

Itieko timo gigipiny madit riwan, Awi Rwoth Were mawan, ongoye ŋata pimere kodin. Itimo riwan can ma gir'aura kweth, kabedi oyido atuci jo, welo pajo thoth ma kikwanere!

Zabuli 46:10

Go waco ni, “Liŋ, aka iŋey ni abedo Were, adwoŋ i dier nonin, adwoŋ i piny gibe.”

Zabuli 57:5

Nyuthi dwoŋ perin i pondeponde, Awi Were, weyi dwoŋ perin wobedi i piny paka rom.

Zabuli 68:5

Were, ma bedo i ot pere maleŋ, kwonga nyithindho kic aka kuro mon tho.

Zabuli 73:28

To ri an ber bedo cegin gi Were; atieko loko Rwoth Were kapondo paran, ŋey anyal luwo kwoŋ tic perin je.

Zabuli 9:11

Wer win wer ma pak ri Rwoth, ma dhumo i Zayon! Waci ri kisi piny gima go timo!

Zabuli 96:3

Tuci dwoŋ pere ri nonin, gi tim pere ma meni ri ji je.

Zabuli 97:9

Kole in Rwoth ma jameni je, idhumo piny, idwoŋ loyo werin je.

Kitawo mar'ario mapa Musa m'ilwoŋo ni Wok 15:2

Rwoth a meni paran aka wer paran, go ama obothan Me Were paran, aka abino pako go, go Were pa baba, aka abino wero dwoŋ pere.

Kitawo mar'ario mapa Musa m'ilwoŋo ni Wok 33:19

Rwoth odwoko ni, “Alamiyo dwoŋ paran luwo ruwaŋin, aka ruwaŋin abino tuco nyingan maleŋ. An abedo Rwoth, aka anyutho wor gi kisa ri jono m'ayero.

Isaya 12:1

Wilawero i ndelo no ni: Alamiyin foyo, Awi Rwoth, kole kad'oyido imako nge kodan, nge perin owire woko, aka iyomo cunyan.

Isaya 2:11

Waŋ ji ma pakirok iladwoko piny, aka delok pa kisi dhano ilamwolo aka Rwoth kende am'ila tiŋo malo i ndelo no.

Isaya 2:17

Pakirok pa ji ilamwolo, aka delok pa kisi dhano iladwoko piny aka Rwoth kende am'ila tiŋo malo i ndelo no.

Isaya 24:15

Riameno ji ma yuwok ceŋ miy win Rwoth dwoŋ, ji ma jobedo i thengi nam, pak win nyingi Rwoth, Were pa Isiraili.

Isaya 25:1

Awi Rwoth, ibedo Were paran, alatiŋin malo, alapako nyingin; kole itieko timo gigipiny ma gir'aura, can m'itimo cene, mar'adieri aka m'otire.

Isaya 26:8

Watieko kuro yo ma thumo banja perin, wakurin, Awi Rwoth, poyo nyingin, a mito ma cuny wan.

Isaya 33:5

Rwoth oŋawere, go bedo malo; go opoŋo Zayon gi tiro kodi timo gim'otire.

Isaya 42:12

Weyi jowomiy Rwoth dwoŋ, to jowodho kamaler pak pere i piny ma yuthengi nam.

Isaya 48:20

Wok win i Babilon, ngoye win kwoŋ Jokaldin! Koki win gi wac ma kisangala, tuci win, dhiri win wac kiri witum ma piny, wac win ni, “Rwoth otieko botho Yakobo ŋeca pere!”

Isaya 66:19

Alaketho ranyuth i dier jo. Wok kwoŋ jo alaoro ji ma joboth i piny kweth, Tarsis, Libia, gi Lidia ma jo oro asere gi kwote, Tubal, Javan gi piny ma yuthengi nam, mafodi jok'owinjo ŋeyirok kosa neno dwoŋ paran; aka jolatuco kamaler dwoŋ paran i dier nonin.

Yeremia 50:2

Tuci i dier nonin aka iwaci, tiŋi bendera aka ilanga, ikir'imuŋ, to wac ni, Otiek mako Babilon, werin pere Bel wickwot omako, aka Mariduk odoŋ dhier. Calin pa Babilon jodhier, aka wickwot omako jo.

Malaki 1:11

Ji wok i thenge ma piny tundo i gike jomiyo nyingan dwoŋ. Kisi kamoro jowaŋo ran buban aka jomiyan cowirok t'ajolo. Joje jomiyo nyingan dwoŋ, Rwoth pa lwak jolweny waco.

Yohana 17:26

Atieko miyo jo ŋeyin aka abino medo timo ameno, ŋey mar perin m'initie gine ran wobedi i jo, aka awon bende abedi i jo.”