Isaya 12:1 - KITAWO MALEŊ

¹ Wilawero i ndelo no ni: Alamiyin foyo, Awi Rwoth, kole kad'oyido imako nge kodan, nge perin owire woko, aka iyomo cunyan.

KITAWO MALEŊ Catholic

¹ Wilawero i ndelo no ni: Alamiyin foyo, Awi Rwoth, kole kad'oyido imako nge kodan, nge perin owire woko, aka iyomo cunyan.

Isaya 12:1 ပူးပေါင်းရင်းမြစ်များ

Nehemia 8:10

Nehemia owaco ri ji ni, “Kadhi win yo mewin, cami win cemo aka wimadhi vini to wipoko ji ma jongoye gine. Konon me obedo ndelo maleŋ ri Rwoth Were mawan, aka wikiri wikumi. Kole kisangala pa Rwoth obedo meni mewin.”

Yobu 11:16

Wiyin lawil gi teko perin, aka ik'opoy paka pi m'otieko mol.

Yobu 13:16

Me labedo both paran, paka ongoye dhano ma bu Were manyalo bino ruwaŋ go.

Zabuli 30:5

Nge pere cek, to bero pere bedo i hongo je. Ywak yware wor gipi, to kisangala bino odikin.

Zabuli 71:21

Iŋat'ila medo dwoŋ paran; t'iyomo cunyan kendo.

Zabuli 85:4

Dwoki wan kendo, Awi Were jaboth mawan, aka weyi winjo marac gi wan!

Zabuli 86:17

Nyuthan ranyuth ma ŋono perin, ŋey jono ma jodakan jowoneni to jobedo giwickwot, ka joneni ni Rwoth okweyo cunyan to konyan.

Zabuli 9:1

Alafoyin Rwoth, gi cunyan je. Alawaco gir'aura je m'itieko timo.

Isaya 10:25

Kole i hongo macek won, gir'acula paran riwin latundo i gike, aka nge paran lacomere gi jo.

Isaya 10:4

Ongoye gima doŋ, to guŋo i dier jotwec, kosa podho i dier jom'onek. Kole nge fodi omako Rwoth, go fodi orieyo cinge miyo gir'acula.

Isaya 11:16

Ameno royo layawere wok i Asiria, ri ji pere ma joboth, paka obedo ri Isiraili, i ndelo ma jowok'iye i piny ma Misir.

Isaya 14:3

Ka Rwoth otiek miyo Joisiraili ywomirok kwoŋ litho gi candirok, gi tic matek m'oyido iromo jo timo,

Isaya 2:11

Waŋ ji ma pakirok iladwoko piny, aka delok pa kisi dhano ilamwolo aka Rwoth kende am'ila tiŋo malo i ndelo no.

Isaya 25:1

Awi Rwoth, ibedo Were paran, alatiŋin malo, alapako nyingin; kole itieko timo gigipiny ma gir'aura, can m'itimo cene, mar'adieri aka m'otire.

Isaya 25:9

Ilawaco i ndelo no ni, “Neni, me Were mawan, watieko kuro go ŋey wobothi wan. Me Rwoth ma watieko kuro; weyi wasangala aka wafore i both pere.”

Isaya 26:1

Ilawero wer me i ndelo no i lowo ma Yuda. Wanigi tindi madwoŋ matek, Were otieko kelo both, paka kor ot ma iye gi kor ot ma woko.

Isaya 35:10

Aka jono ma Rwoth otieko botho joladok, to jobino i Zayon gi wer, kisangala ma cil gi cil labedo i wi jo; jolanwaŋo siem gi kisangala, kumo gi rem larumo woko.

Isaya 49:13

Wer, Awi polo! Koki ro kisangala, Awi piny! Weyi gote jowomwoci gi wer, kole Rwoth otieko yomo cuny ji pere, aka lamako wor gi ji pere ma jocandere.

Isaya 51:3

Kole Rwoth layomo cuny Zayon; gi jono je ma jobedo i gundin mere. Go laloko thim mere paka Eden, aka opalipat mere paka ndelo pa Rwoth. Forok gi kisangala lanwaŋere i go, foyo kodi dwondi ma wer.

Isaya 54:7

I hongo macek ajwangin, to, gi wor madwoŋ alacokin.

Isaya 54:8

I keme paran m'opoŋ de oy ma hongo macek, apano rin waŋan, to alamako kodin wor gi mar makiwire, Rwoth, Jaboth perin waco.

Isaya 54:9

Me cal hongo pa Nowa ran, m'akwoŋere ni pi ma hongo pa Nowa wokiri woum piny, ameno akwoŋere ni akilamako nge kodin kendo, aka akilabwokin kendo.

Isaya 60:10

Rwoth waco ri Yerusalem ni, “Jopath jolageto cel perin kendo, aka kerin pajo jolatic rin. Amiyo win gir'acula i keme paran, to i mar paran, atieko timo gi win ŋono.

Isaya 61:10

Alafore tektek i Rwoth, adundo paran gipi layodere i Were paran; kole go otieko rukan gi law ma both, go otieko uman gi kanzu ma tiro, paka jamweha koda wiye sangaria, paka mweha kikere gi thiwino pere.

Isaya 64:5

Ikonyo jono ma jotimo gim'otire gi kisangala, jono ma jopoyin i yo perin je. Neni, nge oyido omakin, to watimo reco; watieko timo reco ma hongo malac, aka wanobothi?

Isaya 65:18

To sangala win aka fore win cil gi cil, i gim'acweyo; kole neni, acweyo Yerusalem lapoŋ forok, aka ji mere jolabedo kisangala.

Isaya 66:13

Paka yok nyathi yomo cuny nyathi pere, ameno apaka alayomo cuny win i Yerusalem.

Yeremia 30:19

Ji ma jobedo kenyo jolawero pak; jolakoko ri kisangala. Alaloko jo mathoth, aka jokilabedo manok, alamiyo wowor jo, aka k'ocay jo.

Yeremia 31:13

Mon mathindho jolafore i miel, aka yac kodi jodongo jolasiemere. Alaloko ywak pajo kisangala, alayomo cuny jo, t'amiyo jo kisangala i kabedo pa rem.

Hoseya 11:8

Anyalo nedi jwangin, a Efrayim? Anyalo nedi weyin i cingi ŋatiman a Isiraili? Anyalo nedi lokin paka Adima? Anyalo nedi terin paka Zeboyim? Cunyan raman, mar paran rin lokere matek kendo mayom.

Hoseya 6:1

“Biye win, weyi wagiki win bongi Rwoth; kole go am'oyeco wan, aka go lacango wan; otieko rwadho wan piny, aka go latweyo riwan wonga.

Zekaria 1:16

Riameno Rwoth pa lwak jolweny waco, atieko dwoko i Yerusalem gi wor m'oasere, ot paran ilaget'iye, Rwoth pa lwak jolweny waco, aka ilacero bol ma kipima i Yerusalem.

Zekaria 14:20

I ndelo no ilandiko iy'olaŋere ma kayinin ni, “Leŋo ri Rwoth.” Degi ma Ot pa Rwoth lacale paka acerin ma ruwaŋ migam.

Zekaria 14:9

Rwoth labedo kere ma piny gibe; i ndelo no Rwoth labedo acel aka nyingi go acel.

Zekaria 8:11

To pama akilatiyo gi joma joboth kwoŋ ji me paka i ndelo macon je, Rwoth pa lwak jolweny waco.

Zekaria 8:19

Rwoth pa lwak jolweny waco ama: Riyo kec ma dwe mar'aŋwen, ma dwe mar'abic, ma dwe mar'abirio kodi ma dwe mar'apar, lalokere ri ot pa Yuda kisangala kodi kalima m'oyik, bero, adieri, siem, kodi mar.

Joroma 11:15

K'inen munyo obol jo woko, odwoki piny gipi i tiyirok gi Were, onyo aŋo man m'obedi ka ojol jo, loyo nwaŋo kwo wok i tho!