Isaya 11:11 - KITAWO MALEŊ

¹¹ I ndelo no Rwoth lacoro cinge kendo madirio dwoko peco ji pere ma joboth, wok i Asiria gi Misir, wok i Pathiros, wok i Ethopiya, wok i Elam, wok i Babilon, wok i Hamath, gi wok i kigoda ma nam.

KITAWO MALEŊ Catholic

¹¹ I ndelo no Rwoth lacoro cinge kendo madirio dwoko peco ji pere ma joboth, wok i Asiria gi Misir, wok i Pathiros, wok i Ethopiya, wok i Elam, wok i Babilon, wok i Hamath, gi wok i kigoda ma nam.

Isaya 11:11 ပူးပေါင်းရင်းမြစ်များ

Cakirok 10:10

Cakirok ma ker pere oyido obedo Babel, Erek, kodi Akad, joje i lowo ma Sinar (Babilon).

Cakirok 10:22

Wot Semu oyido; Elam, Asur, Aripakisadi, Lud, kodi Aram.

Cakirok 11:2

Aka paka jotuk wok yuwok ceŋ, jonwaŋo kama k'obedo tendere i lowo ma Sinar aka jobedo kenyo.

Cakirok 14:1

Kerin aŋwen, Amirafel ma Babilon, Ariok kere ma Elasar, Kedorilaomer ma Elam, kodi Tidal ma Goyim

Cakirok 2:13

Mar'ario ilwoŋo ni, Gihon; aka mol thoko piny Ethopiya.

2 Kerin 17:24

Kere ma Asiria okelo ji wok i tindin madongo, Babilon, Kuth, Iva, Hamath, kodi Sefavayim to joloko tindin madongo i Samaria apajo makiweno Joisiraili.

Esita 10:1

To kere ketho misolo ri ji je ma ker pere kodi ji je m'oyido jonitie i lowo pere kodi ma jonitie i kigoda ma nam.

Zabuli 68:22

Rwoth owaco ni, “Aladwoko jo wok Basan, aladwoko jo wok i pendi nam,

Isaya 1:9

Bedi Rwoth pa lwak jolweny k'oweyo riwan ji mogo, oyido wacal Sodom, oyido wacal Gomora.

Isaya 10:20

I ndelo no Joisiraili gi Joyuda ma joboth kendo jokilagoŋere kwoŋ piny m'otemo reyo jo woko, to jolagoŋere kwoŋ Rwoth Maleŋ pa Isiraili, iy'adieri.

Isaya 10:9

Amako Kalino gi Karkemis, Hamath kiri gi Aripad. Samaria kiri gi Damasiko.

Isaya 11:16

Ameno royo layawere wok i Asiria, ri ji pere ma joboth, paka obedo ri Isiraili, i ndelo ma jowok'iye i piny ma Misir.

Isaya 19:21

Rwoth lanyuthere to ŋeyere ri Jomisir, aka Jomisir jolaŋeyo Rwoth i ndelo no. Jolalamo go gi cowirok gi mic awaŋa, aka jolatimo cikirok ri Rwoth to joculo.

Isaya 19:22

Rwoth lamiyo Misir gir'acula, to rumacen cango jo. Jolagik bongi Rwoth, aka go lawinjo kwayo pajo to cango jo.

Isaya 21:2

Onyuthan menyirok, ma gigipiny ma kiwacere, jamisegey, segeya, aka janyeki nyeko. Kadhi malo, Awi Elam, thoki ma mako, Awi Mediya, Rwoth otieko ciko kelo i gike, candirok pere.

Isaya 22:6

Elam otiŋo malo kakano gilweny pere, gi cawilin gi jogwey kayinin, aka Kiri oyawo kwot.

Isaya 24:15

Riameno ji ma yuwok ceŋ miy win Rwoth dwoŋ, ji ma jobedo i thengi nam, pak win nyingi Rwoth, Were pa Isiraili.

Isaya 37:31

Aka ji ma joboth i Yuda jobino pidhirok pa yen ma jorwako fuc piny i lowo aka jonyak ranyak.

Isaya 42:10

Wer ri Rwoth wer manyen, pak pere wok i tum ma i piny! Weyi nam womor, kodi gima kwo i iye je, piny ma yuthengi nam gi ji ma jobed'iye je.

Isaya 42:12

Weyi jowomiy Rwoth dwoŋ, to jowodho kamaler pak pere i piny ma yuthengi nam.

Isaya 42:4

Go k'ojok kosa k'odwokere cen, cuka okeli tiro i piny, aka piny ma yuthengi nam kuro cik pere.

Isaya 45:14

Rwoth waco ri Isiraili ni Lim ma Misir gi Ethopiya labedo mewin, aka cwo maboyo ma Seba jolabedo ŋecin mewin, jolaluwo win i lijegere, to jokule riwin piny ka jotuco ni, Were nigi win, aka ongoye man, ongoye were man kendo.

Isaya 49:12

Neni, ji paran jolawok bor swa, aka neni, jolawok yumalo gi yupodho ceŋ, gi wok i lowo ma Siyene yupiny.”

Isaya 66:19

Alaketho ranyuth i dier jo. Wok kwoŋ jo alaoro ji ma joboth i piny kweth, Tarsis, Libia, gi Lidia ma jo oro asere gi kwote, Tubal, Javan gi piny ma yuthengi nam, mafodi jok'owinjo ŋeyirok kosa neno dwoŋ paran; aka jolatuco kamaler dwoŋ paran i dier nonin.

Yeremia 25:25

kerin je ma Zimiri, kerin je ma Elam, kodi kerin je ma Mediya;

Yeremia 31:10

Winji win wac pa Rwoth, awi nonin, aka tuci win bor i kigodin. Waci win ni, “Ŋat'okedho Isiraili lacoko go, aka lakuro go paka jakwath rombo kuro mwendi.”

Yeremia 44:1

Me wac pa Rwoth m'obino ri Yeremia kwoŋ Joyuda je m'oyido jobedo i piny Misir, i Migdol, Tapanihes, Memfis kodi i lowo ma Pathiros.

Yeremia 49:23

Me wac ma mako kwoŋ Damasiko. Ji ma Hamath kodi ji ma Aripad jorembo, kwoŋbedo jowinjo wac marac. Joleny i lworo, jouco paka nam, ma kinyal kwe.

Ezekiel 27:6

Wok kwoŋ olwace ma Basan jotimo alith kwon ma cewo ye perin; jotimo pendi ye perin, gi mbawo ma yath payin m'owok i kigodin ma pi ma Sipro, t'iloko maŋon gi lak liec.

Ezekiel 29:14

Aladwoko lim pa Misir, t'adwoko jo i lowo ma Pathiros, kama jowok'iye, aka jolabedo ker mamwol.

Ezekiel 30:14

Alareyo woko Pathiros, aka alacwinyo mac i Zowan, t'athumo banja ri tindi madwoŋ Thebes.

Ezekiel 32:24

Elam nitie kenyo, kodi Lwak pere je thoko kaliele mere; oneki joje, jopodho g'abor, jo ma jokidho piny ma jok'othumere i pendi piny, jo ma jokelo lworo i piny pa jomakwo. Jobielo wickwot pajo gi jono ma jokidho piny i bur.

Ezekiel 38:8

Ka hongo okadho m'oromo ilalwoŋo win; i oro ma rumacen, wilakidho monjo piny kama ji oyido jodwok'iye wok i nonin kweth aka jotieko bedo ma jokilwor lweny wi gote ma Isiraili, m'oyido otiek jwango oro kweth; to pama onyo ji jobed'iye m'ongoye teko.

Daniel 1:2

Rwoth omiyo Yehoyakim kere ma Yuda i cingi Nebukadineza, kanyacel gi gigipiny ma Ot pa Were. Nebukadineza otero jo i lowo ma Sinar, to ketho i kakan ma ot pa werin pere.

Daniel 11:18

Aka rumacen go lawiro waŋe yuthengi nam, aka lakwanyo mathoth kwoŋ jo; to jamituka laketho i gike kwoto pere; adieri go ladwoko kwoto pere rigo.

Daniel 8:2

Aneno i menyirok; aka munyo aneno, oyido anitie i Susa tindi madwoŋ, manitie iy'adec ma Elam, aka aneno i menyirok oyido anitie i thengi malawa Ulay.

Hoseya 1:11

Ji ma Yuda kodi Joisiraili jolacokere kanyacel, to joyero rijo wegi jatel acel; to jotero lowo, kole ndelo pa Yezirel labedo madwoŋ.

Hoseya 11:10

Jolaluwo Rwoth, ma uja paka simbwor; ka go ouja, nyithindho pere jolabino ka jokirin wok yupodho ceŋ.

Hoseya 11:11

Jolabino ka jokirin paka winyin ma wok Misir, kodi paka akurin ma wok i piny Asiria; aka alamiyo jo bedo i udi pajo, Rwoth waco.

Mika 7:12

I ndelo no ji mewin jobino dwoko bongi win, wok Asiria yuwok ceŋ, wok Misir yupiny, wok iy'adec ma malawa Yufrete, wok i nam tundo i nam, kodi wok i got tundo i got.

Zefania 2:11

Rwoth lakelo lworo kwoŋ jo. Go lasewo werin je ma piny kisi nono lalamo go, kisi acel i piny pere won.

Zekaria 5:11

Go odwokan ni, “Ma geto rigo ot i lowo ma Sinar, aka ilayiko, t'ijengo kenyo i kabedo mere.”

Zekaria 8:7

Rwoth pa lwak jolweny waco ama: Neni, acegin botho ji paran wok i piny ma yuwok ceŋ kodi wok i piny ma yupodho ceŋ;

Zekaria 9:2

Hamath bende, ma gerere gi Tire, kodi Sidon makada nende riek swa.

Joroma 11:15

K'inen munyo obol jo woko, odwoki piny gipi i tiyirok gi Were, onyo aŋo man m'obedi ka ojol jo, loyo nwaŋo kwo wok i tho!

Joroma 11:26

Aka me apaka Isiraili gipi bino limo both, paka ondiki ni, “Jaboth bino wok Zayon, Go bino kwanyo woko reco pa nyikway Yakobo je.

2 Jokorintho 3:16

To ka dhano owire bongi Rwoth aka nyaka nanga no ware woko.

Kitawo mar'abic mapa Musa m'ilwoŋo ni Cik 9:29

Jobedo ji perin, alunja perin won, m'iwodho gi meni perin madwoŋ kodi cingin m'oyare.”