Isaya 10:6 - KITAWO MALEŊ

⁶ Aoro Asiria monjo piny ma bu Were, amiyo go or kwoŋ ji ma jomiyan nge, kinyaga gi kwalo, gi nyono jo piny paka cwodho ma royo.

KITAWO MALEŊ Catholic

⁶ Aoro Asiria monjo piny ma bu Were, amiyo go or kwoŋ ji ma jomiyan nge, kinyaga gi kwalo, gi nyono jo piny paka cwodho ma royo.

Isaya 10:6 ပူးပေါင်းရင်းမြစ်များ

2 Samwiri 22:43

Aŋinyo jo pa fukefuke ma lowo; anyono jo pa cwodho i yo.

2 Kerin 18:25

Kole Rwoth won ama okonyan monjo piny mewin. Rwoth won ama owaco ran nike amonji aka irey woko.”

Isaya 19:17

Lowo ma Yuda lalokere lworo madwoŋ ri ji ma Misir, kisi ŋat'otuc rigo nyingi Yuda labedo gi lworo r'atoŋa pa Rwoth pa lwak jolweny kwoŋ Misir.

Isaya 22:5

Kole Rwoth pa lwak jolweny nigi ndelo, ma teko, nyono piny gi nywowirok, i milelo ma menyirok, guro piny kor udi, gi koko ri wi gote.

Isaya 24:5

Piny oduwere, i cingi ji ma jobed'iye, joturo cik, jok'oluwo fonji, joturo cikirok m'oyido ripo bedo cil gi cil.

Isaya 29:13

Rwoth owaco ni: “Kwoŋbedo ji me jocore cegin adhok, joworan gi wac nono, kucel cuny jo nibor kodan, aka lworo pajo ran obedo or pa ji ma jopoyo.

Isaya 32:6

Kole jamiŋo joluwo miŋo, timo kidakana i cunye; timo gima bu Were, luwo twodo kwoŋ Rwoth, weyo kec neko ji, aka thwono joma riyo neko gir'amadha.

Isaya 33:1

Kidamba rin ijarey jo, in m'ongoye fodi ŋat'oreyin, in ijar'akor, m'ongoye fodi ŋat'otimo rin akor! Tekin icowo reyo woko, in bende ilareyin woko, tekin icowo timo akor, in bende ilatimo rin akor.

Isaya 33:14

Joreco i Zayon jobwok, ji ma bu Were jokirin. Jowaco ni, “Ŋa i dier wan manyalo bedo kanyacel gi mac ma reyo jo? Ŋa i dier wan manyalo bedo kanyacel gi mac makitho cil gi cil?”

Isaya 41:25

Atieko kitugila ŋatimoro wok yumalo, aka otieko bino, olwoŋi go wok yuwok ceŋ, go lalwoŋo nyingan. Go lanyono kerin paŋini pany, paka jacwey degi nyono lowo nyamasiga.

Isaya 49:17

Joma getin jokengila joma joreyin, aka jono ma jothangin jolakadho bor kwoŋin.

Isaya 49:25

To me apaka Rwoth waco ama: Kiri jotwec pa siragama ilamako woko, aka ilamayo ŋatatek aka kiri gima go onyaga. Alalweny gi ŋata lwenyo kodin, aka alabotho nyithindho perin.

Isaya 5:25

Riameno nge pa Rwoth oliel kwoŋ ji pere, aka orieyo cinge kwoŋ jo to rwadho jo, gote joyengere, delkwoŋ jom'otho odoŋ i royo paka yuk. Kucel kiri gi gime je, Rwoth fodi nigi nge, aka fodi orieyo cinge ma miyo gir'acula.

Isaya 5:29

Joŋur paka simbwor, joŋur paka nyithindhi simbwor; joŋur aka jomako cemo pajo, jotiŋo woko, to ngoye ŋat'onyali botho.

Isaya 5:5

Aka onyo pama alawaco rin, gim'alatimo ri ndelo vini paran. Alakwanyo woko cel mere, aka ilanyeko; alaturo woko tielo mere, aka ilanyono piny.

Isaya 63:3

“Atieko nyono piny nonin paka nyingi vini, aka ongoye ŋat'obino konyan. Apor kwoŋ jo i nge paran, aka anyono jo i keme paran, remo pajo okire i nangin paran, aka ocido kanzin paran.

Isaya 63:6

Anyono ji piny i nge paran, amero jo i keme paran, aka akonjo remo ma kwo pajo piny.

Isaya 7:17

“Rwoth kidho kelo kwoŋ win, ji mewin, gi kwoŋ ot pa kwarere mewin ndelo mafodi k'otundo wok cuka ker ma Isiraili tiakere woko kwoŋ Yuda, go lakelo kere ma Asiria.”

Isaya 8:4

Kole mafodi nyathi k'oŋeyo ywak ni baba kosa ni mama, ilatiŋo woko lim ma Damasiko gi ma Samaria je ruwaŋ kere ma Asiria.”

Isaya 8:8

Laluwo i wi Yuda paka mikula ma tundo kiri i dwondi win, Awi Manwer, gi bwombin m'oyare umi thutho ma piny perin.”

Isaya 9:17

Am'omiyo Rwoth kisangala gi nyithindho pajo, kosa maki wor gi nyithindho kic gi mon tho. Ato kisi dhano oyido bu Were aka jotimi gimarac, aka kisi dhok dhano luwo miŋo. Kucel nge pa Rwoth fodi k'orumo, aka go fodi orieyo cinge miyo gir'acula.

Isaya 9:19

Gi keme pa Rwoth pa lwak jolweny piny waŋ, ji jocale paka mo ri mac, aka ongoye ŋata botho nyawote.

Yeremia 25:9

akidho dhiro ri nonin je ma yumalo, Rwoth waco, kiri ri Kere Nebukadineza ma Babilon, ŋeca paran, alakelo jo kwoŋ piny me kodi ji ma iye, kodi kwoŋ nonin me thoko; alareyo jo kicutho, t'aloko jo ginyero kodi gidhier, gibwok ma cil gi cil.

Yeremia 3:10

Aka munyo gigipiny me je otieko rumo, Yuda, nyamin Isiraili ma jabanirok, nyaka to rendere ni gik bongan; oyido kitim gir'adieri.” Rwoth waco.

Yeremia 34:22

Alawodho or, Rwoth waco, aka aladwoko jo i tindi madwoŋ me, jolalweny gine, jolamako to jowaŋo gi mac. Alaloko tindin ma Yuda m'ojwangere m'ongoye dhano ma bed'iye.

Yeremia 4:14

Awi Yerusalem, lwoki adundo perin wolony kwoŋ kidakana, ŋey inyal both. Paro ma cunyin marac odoŋ kiri keraŋo?

Ezekiel 29:20

Amiyo go cul pere m'otiyo rigo. Atieko miyo go lowo ma Misir kwoŋbedo jotiyo ran, Rwoth Were waco.

Ezekiel 38:12

Wilamako to winyaga ji ma jobedo kam'oyido cango obedo gundin. Ji m'ocok jo wok i nonin, ma onyo jocako limo dhok gi lim, ma jobedo i dier piny.

Ezekiel 38:13

Seba kodi Dedan kodi jomitan ma Tarsis kodi simbwore mere ma nyaka joay jolapenjo win ni, “Wibino kinyaga? Witieko coko kitipa mewin ma tiŋo gim'onyaga, ma tiŋo feza kodi buban, ma kwanyo woko dhok kodi lim, ma kinyaga lim kweth?”

Mika 7:10

Kenyo jakwor paran bino neno, aka wickwot bino umo ŋat'openjan ni, “Nikune Rwoth Were perin?” Waŋan bino neno jakwor paran, onyo ibino nyono go piny, pa cwodho ma ngudo.

Habakuk 1:12

Ikibedo wok cene, awi Rwoth Were paran, Ŋataleŋ paran? Wakilatho. Awi Rwoth, itieko ketho kwoŋ jo ranyuth ri thumo banja; aka in, awi Tele, itieko ketho jo ri gir'acula.

Zekaria 10:5

Jolabedo paka cwo ma jomeni i lweny, ma jonyono jokwor i royin, jolalweny kwoŋbedo Rwoth nitie gi jo, aka jolasewo wi jogwey kayinin.

Matayo 15:7

Win wijorendirok! Isaya otuco wac ma mako kwoŋ win me m'otire.”