Asiria lapodho g'abor, makiweno gi meni pa dhano; abor ma dhano ama k'otimo, laneko go. Asiria laringo kwoŋ abor, aka yac pere ilamiyo jo timo tic arom.
Iweyo jodhum perin joyetan, Rwoth. Aka me a gim'iwaco. Atelo cawilin paran kweth, tundo i ŋawirok ma gote ma Lebanon. Aluthere i lul mere, aka aŋolo piny yen sida mere maber loyo gi yen madongo maboyo ma jo boke kweth.
Paka kere oneno jakur maleŋ oloro piny wok i polo ka waco ama: Toŋ piny yath aka nyek woko, to weyi kasik mere kodi fuc mere i lowo, wotwey gi nyweny kodi ywel, i lum ma samba; aka weyi wodhiekere gi thoyo ma polo, adec pere labedo g'ogwaŋe madudi ma oro abirio.
Me apaka Rwoth waco: Makada nende jocowere aka kendo jokweth, ilareyo jo woko to jorumo. Makada nende atieko miyo win litho, akilamiyo win litho kendo.
Gikenyo aneno malaika man ma jamwamba munyo loro piny wok i polo. Go oyido otwodere gi pondeponde, aka lifudo othoko wiye. Waŋe oyido cale waŋceŋ aka tiende oyido cale kasik mac m'okur.
Gikenyo malaika ma jameni okwanyo tele marom kodi kidi m'irego gine, to bolo i nam munyo waco ni, “Me apaka tindi madwoŋ ma Babilon ibino rwadho piny gi derino, aka kilanenere kendo.