Isaya 1:5 - KITAWO MALEŊ

⁵ Raŋo wirango goco man? Raŋo wimedere gwenyirok? Wiy win gipi two, aka cuny win gipi podho.

KITAWO MALEŊ Catholic

⁵ Raŋo wirango goco man? Raŋo wimedere gwenyirok? Wiy win gipi two, aka cuny win gipi podho.

Isaya 1:5 ပူးပေါင်းရင်းမြစ်များ

2 Kerin 1:13

Kere kendo ooro jatel pa jolweny kodi cwo piero abic. Jatel pa jolweny no oidho malo to guro conge ruwaŋ Elia aka oywakere ri Elia ni, “A jacwo pa Were, mondo akwayin maki wor kodan kodi cwo paran. Both kwo mawan!

2 Kigana kwoŋ Kerin 28:22

I hongo ma kidamba pere, Ahaz otimo reco kweth kwoŋ Rwoth maloyo m'oyido otimo con.

Nehemia 9:34

Kwarere mawan, kerin mawan, jotel, gi jocway ri Were i wi migam, jok'okuro Cik perin. Jok'owinjo or perin gi fonji perin.

Isaya 1:23

Jodhum perin jobedo jodudi, aka merin pa jokwo. Kisi dhano omaro cami nyew aka joredo jolo mic. Jokithiel nyithindho kic, aka jokiwinji banja pa citho.

Isaya 31:6

Wire win bongi ŋata wicamo rigo sereko, awi Joisiraili.

Isaya 33:24

Ongoye ŋata bedo i lowo mawan ma latwo kendo, ji ma jobedo kenyo je ilacwako ri joreco pajo.

Isaya 9:13

Ji jok'ogik bongi go m'ogoyo jo, kosa jok'orango Rwoth pa lwak jolweny.

Isaya 9:21

Manase omonjo Efrayim aka Efrayim omonjo Manase, aka kanyacel jomonjo Yuda. Kucel nge pa Rwoth fodi k'orumo; aka go fodi orieyo cinge miyo gir'acula.

Yeremia 13:23

Jaethopiya nyalo wiro rangi ma cal pere kosa kwac nyalo wiro rangi mere m'othon othon? Ka jonyalo, onyo win m'ongoye gima witimo ma wiŋiyo timo reco, winyalo fonjere timo gimaber.

Yeremia 17:9

Ŋa manyalo niaŋ cuny dhano? Ongoye giman ma jatwodo, go two swa ma kinyal botho.

Yeremia 2:30

Atieko rwadho nyithindho mewin piny; jokwero winjo fonji. Abor mewin wegi ocamo woko jotuci wac were mewin paka simbwor ma reyo woko jo.

Yeremia 44:15

Kenyo cwo je m'oyido joŋeyo ni mon pajo oyido jomiyo cowirok ri werin man, kodi mon je m'oyido jocungo cegin, lwak madwoŋ, ji je m'oyido jobedo i Pathiros i piny Misir, jodwoko Yeremia ni,

Yeremia 5:3

Awi Rwoth, waŋin kinen adieri? Itieko rwadho piny jo, to jok'owinjo litho; itieko neko jo, to jok'owinjo fonji. Jotieko loko waŋ jo matek loyo tele; jokwero ŋuto.

Yeremia 5:31

Jotuci wac Were jotuco wac ma twodo, aka jocway ri Were i wi migam joluwo gima jotuci wac Were jowaco rijo. Ji paran jomito wobedi ameno, to winotim nedi ka gike otundo?”

Yeremia 5:5

Weyi akidhi ri jomadongo aka aluw gi jo; adieri joŋeyo royo pa Rwoth, cik pa Were pajo.” To jo bende oyido jotieko turo majogi, oyido jotieko yeco woko gima riwo wan.

Yeremia 9:3

Jodolo lew gin paka asere; jotieko dongo matek i piny ma twodo, makiweno adieri; kole jomedere wok i gimarac tundo i gimarac, aka jokuya an, Rwoth waco.

Ywakirok 5:17

Cuny wan ramere kwoŋbedo gime, waŋ wan onyo nimnim kwoŋbedo gigipiny me.

Ezekiel 24:13

Kucel munyo alonyin i koco perin ma kidakana, ikilokere m'olony i kidakana perin; aka ik'olony kendo cuka anoculi kwoŋin nge paran je.

Ezekiel 34:16

Aladwaro ma jorwenyo, t'adwoko ma jolera, aka alatweyo wonga ri ma jotur, t'adwoko meni ri ma meni oloyo jo, to alareyo woko ma jocwe kodi ma jotek. Alakwayo jo gi tiro.

Ezekiel 34:4

Wikimedo meni ri ma meni oloyo jo, wikibotho ma jotwo, wikitweyo wonga ri ma jotur, wikidwoko ma joweyo yo, wikidwaro ma jorwenyo, to gi mbaka kodi gwayo witieko dhumo jo.