Isaya 1:28 - KITAWO MALEŊ

²⁸ To jogwenyirok gi joreco, ilareyo woko jo kanyacel, aka jono ma jokwero Rwoth jolarere woko.

KITAWO MALEŊ Catholic

²⁸ To jogwenyirok gi joreco, ilareyo woko jo kanyacel, aka jono ma jokwero Rwoth jolarere woko.

Isaya 1:28 ပူးပေါင်းရင်းမြစ်များ

1 Kigana kwoŋ Kerin 28:9

“Aka in, wodan Solomon, yey Were pa benin aka tiyi rigo gi cunyin acel kodi paro perin je; kole Rwoth dwaro kisi nyaŋith, aka niaŋ kisi can kodi paro. K'inorangi go, ilanwaŋo go; to k'inojwangi go, go laweyin kicutho.

2 Kigana kwoŋ Kerin 21:10

Ameno Edom ogwenyere kwoŋ dhum pa Yuda tundo gunyo ni. I hongo no Libina bende ogwenyere kwoŋ dhum pa Yehoram, rupiri go oyido ojwango Rwoth, Were pa kwarere pere.

2 Kigana kwoŋ Kerin 28:23

Omiyo cowirok ri werin pa Joasiria, m'oyido jokengila go. Owaco ni, “Werin pa Josiria jokonyo kerin ma Siria, riameno k'amiyo jo cowirok, bende jolakonyan.” To gime okelo kisika kwoŋ go kodi Isiraili je.

2 Kigana kwoŋ Kerin 28:6

Peka wod pa Remalia oneko ji 120,000 i Yuda i ndelo acel, joje cwo ma jomiseni, rupiri oyido jojwango Rwoth, Were pa kwarere pajo.

Yobu 31:3

Go kelo teko aka sika woko, jono ma jotimo gimarac.

Yobu 34:26

Go miyo jo gir'acula ro kidakana pajo, kareno joman jonenanena.

Yobu 34:27

Kwoŋbedo joweyo luwo go, aka jokwero yo pere je.

Zabuli 1:6

Kole Rwoth kwonga, aka telo joma timo gim'otire, to jokidakana joluwo yo ma rerok.

Zabuli 104:35

Weyi worey joreco wok i piny; aka weyi jokidakana joworweny. Pak Rwoth, adundo paran! Pak Rwoth.

Zabuli 125:5

To miy jokidakana gir'acula, miy gir'acula ri ji ma jojwango yo perin. Siem wobedi gi Isiraili!

Zabuli 37:38

to joreco jorere kicutho, ilaneko woko nyikway jokidakana.

Zabuli 5:6

Ireyo woko jotwodo je, aka idaki jonek gi jomisegey.

Zabuli 73:27

Adieri, jono ma jobor kodin jolakisika; ilareyo woko ji ma jongoye g'adieri rin.

Zabuli 9:5

Ithumo banja ri piny je, aka ireyo jokidakana, ireyo woko nyingi jo kicutho.

Zabuli 92:9

Kole jokwor perin je, Awi Rwoth, jobino tho, aka ibino kikengila jokidakana je.

Agecin 29:1

Ŋat'ipusa, kucel medo wictek, larere abwap ma kilaneno kendo.

Isaya 1:4

Awi, piny m'opoŋ gi reco, ji mareco pajo pek rijo. Kodhi ma jotimo gimarac, nyithindho ma jodakana, jotieko jwango Rwoth, jotieko cayo Were maleŋ pa Isiraili, jotieko rwenyo kicutho!

Isaya 24:20

Piny tangatanga paka jamero, yengere paka simba, reco mere pek kwoŋe, aka podho ma koay malo kendo.

Isaya 30:13

Riameno reco me lacale riwin, paka barok i kor ot mabor, m'oleŋere aka cegin podho, ma barok mere bino abwap, ma piyo.

Isaya 33:14

Joreco i Zayon jobwok, ji ma bu Were jokirin. Jowaco ni, “Ŋa i dier wan manyalo bedo kanyacel gi mac ma reyo jo? Ŋa i dier wan manyalo bedo kanyacel gi mac makitho cil gi cil?”

Isaya 50:1

Me apaka Rwoth waco, Wiparo ni ariemo woko ji paran, paka jacwo ma riemo woko cege? Nikune, ere papila ma turo nywomirok? Wiparo ni atana win i twec, paka jacwo tana nyithindho pere paka ŋecin? Neni, wikadho bedo i twec ro reco mewin; aka ro kibenga mewin oriem min win.

Isaya 50:11

Ere neni, wijoje ma wimoko mac, to wiketho kasik mac. Woth win i lero ma mac mewin, gi kasik mac ma witieko moko! Me a gima wilanwaŋo wok i cingan, wilanindo piny i litho.

Isaya 58:2

Kucel jorangan kisi ndelo, aka josangala mito ŋeyo yo paran, paŋini piny ma timo gim'otire, aka jok'ojwango cik pa Were pajo. Jokwayan thumo banja gi tiro, aka josangala bino cegin gi Were.

Isaya 64:6

Wajoje watieko lokere ŋata koc, aka tim mawan maber je cal okuto. Wathwo paka boke, aka reco mawan kudho wan, paka koyo.

Isaya 65:11

To win, ma wijwango Rwoth, ma wiy win wil gi got paran maleŋ, aka wijengo meza ri Gad gi Meni, werin ma silwany gi lifol, to wipoŋo kikopere ma vini m'oruw.

Isaya 66:17

Rwoth waco, gike cegin ri jono ma jolonyo kwo pajo ri lamo cal makicar i ndelin, jocamo riŋo mbiji g'oyeyo kodi cemo man ma kicam.

Isaya 66:24

Aka ka jowok dok, jolaneno delkwoŋ ji ma jogwenyere kwoŋan. Kudin ma jocamo jo jokilatho, aka mac ma waŋo jokilaneko. Ji jokilamito kiri neno jo.

Yeremia 17:13

Awi geno pa Isiraili! Awi Rwoth! Jono je ma jojwangin ibino ketho jo i wickwot; jono je ma joweyin ilandiko nyingi jo i pendi piny, rupiri jotieko jwango cakirok ma pi ma kwo, in Rwoth.

Yeremia 44:12

Alatero ji ma jodoŋ i Yuda ma jomiyere bino i piny Misir bed'iye, aka jolarere kisi dhano i piny Misir g'abor kodi kec, wok kwoŋ mathindho tundo kwoŋ madongo. Jolalokere gibwok, lworo, kwoŋ kodi cay.

Hoseya 14:9

Weyi ŋatariek, woniaŋi gigipiny me; weyi jameny gigipiny, woŋey jo. Kole yo pa Rwoth jotire, aka jom'otire jowotho i jo, to jogimareco jotangatanga i jo.

1 Jothesalonika 5:3

Munyo ji jowaco ni, “Siem nitie aka gimoro je oliŋ.” Gikenyo abwap to rerok tundo rijo. Bino cale gi litho ma dhako winjo munyo cegin nywol, aka jok'obudhere be!

2 Petero 3:7

To gi wac no won, polo gi piny ma pama nitie okan jo ri mac; ikuro gi jo ndelo ma thumo banja ri ji ma jokilwor Were t'ireyo jo woko.

Menyirok ri Yohana 21:8

To joma lwor, joma jok'oyeyo, joreco, jonek, jocot, jothieth gi yido, joma lamo cal makicar, kodi jotwodo je, kabedo pajo bino bedo wakawaka mac ma waŋ gi telin ma wodho mac kibiriti, m'obedo tho mar'ario.”

1 Samwiri 12:25

To ka wimedere i kidakana mewin, win kiri gi kere mewin je, ibino reyo win woko.”