Isaya 1:15 - KITAWO MALEŊ

¹⁵ Ka witiŋo cingi win malo i kwayo, alakano waŋan kwoŋ win; makada nende winokway i thotho, akilawinjo; cingi win opoŋ oyo remo.

KITAWO MALEŊ Catholic

¹⁵ Ka witiŋo cingi win malo i kwayo, alakano waŋan kwoŋ win; makada nende winokway i thotho, akilawinjo; cingi win opoŋ oyo remo.

Isaya 1:15 ပူးပေါင်းရင်းမြစ်များ

1 Kerin 8:22

Kenyo Solomon ocungo ruwaŋ migam i waŋ cokirok pa Joisiraili, aka orieyo cinge yupolo,

1 Kerin 8:54

Rumacen munyo Solomon otieko kwayo Rwoth, oay malo ruwaŋ migam, kama go oyido ogur'iye conge gi cinge malo.

Ezira 9:5

I sawa ma miyo cowirok m'othieno aay malo wok kam'oyido aywak'iye gi law paran m'oyec, aguro congan piny t'arieyo cingan ri Rwoth Were paran.

Yobu 27:20

Teko karo jo paka mikula, aka asur tiŋo jo wor.

Yobu 35:13

Adieri Were kiwinji ywak ma rendirok, aka Jameni Je kidew kwoŋe.

Zabuli 134:2

Tiŋi win cingi win i kwayo i Ot pa Were, aka pak win Rwoth!

Zabuli 55:1

Ciki ithin ri kwayo paran, Awi Were ikir'iwir dieŋeyin ri ywak paran!

Zabuli 66:18

Bedi oyido ater reco pa gimadwoŋ i cunyan, di Rwoth k'onyalo winjan.

Kitawo mar'ario mapa Musa m'ilwoŋo ni Wok 9:29

Musa owaco rigo ni, “Tekin aweyo tindi madwoŋ, abino rieyo cingan ri Rwoth; mwoc koth bino coki, aka pe bino ngoye, ŋey inyal ŋeyo nike piny obedo apa Rwoth.

Agecin 1:28

Nyaka wilalwoŋan, t'ak'oye; wilarangan kisi kamoro, to wik'onwaŋan.

Agecin 6:17

Delok, lew jo ma twodo, cingi jo ma neko joma bubanja,

Isaya 4:4

ka Rwoth otieko lwoko woko cilo pa nyar Zayon to cido woko remo m'oduwo Yerusalem i diere mere gi cuny ma thumo banja kodi cuny maliel.

Isaya 45:15

Adieri, ibedo Were ma panere, Awi Were pa Isiraili, Jaboth.

Isaya 58:4

Neni, wiriyo to wicako dhaw gi gorok, gi gorok g'adonde ma kidakana. Nger riyo kec paka mewin i ndelo me, k'omiy dwondi win winjirok malo.

Isaya 58:7

K'obedo camo cemo mewin kanyacel gi joma kec neko, gi rwako jacandi ma bu peco i ot mewin; ka wineno jokinyoro, wiruk jo, aka wikiri wikwer konyo wade mewin won?

Isaya 64:7

Ongoye ŋata lwoŋo nyingin, kosa ma temo goŋirok kwoŋin; kole ipano riwan waŋin, aka iolo wan i cingi reco mawan.

Isaya 8:17

Alakuro Rwoth, go ma pano waŋe kwoŋ ot pa Yakobo, aka alaketho geno paran i go.

Yeremia 11:11

Riameno, Rwoth waco ama: Adieri akidho kelo kidamba kwoŋ jo ma jok'onyal kwale; kada joywak ran, ak'owinji jo.

Yeremia 14:12

Makada nende joriy kec, ak'owinji ywak pajo, aka makada nende jomiy mic awaŋa kodi mic ma cemo, ak'ojol jo; to alaneko jo g'abor, gi kec, kodi two nundu.”

Yeremia 4:31

Kole awinjo ywak, ma cale gi ywak pa dhako ma ŋedi ramo, pa litho pa dhako manywolo nyathi pere makayo. Ywak pa Yerusalem ka dwanyere ri luya, yaro cinge aka waco ni, “Kidamba ran! Cunyan gore ruwaŋ jonek paran!”

Ezekiel 11:6

Witieko neko ji kweth i tindi madwoŋ me, aka witieko poŋo royin mere gi delkwoŋ jom'otho.”

Ezekiel 14:3

“Wod dhano, cwo me jotieko ketho cuny jo i cal pajo to jocomo waŋ gin kwoŋ gigipiny mareco ma miyo jo podho. Nger cwo no bende ber ni jowopenjan kwoŋ gimoro?”

Ezekiel 39:23

Nonin jolaŋeyo ni Joisiraili jokidho i katwec ro reco pajo, rupiri oyido jobedo jobanirok kodan.

Hoseya 5:6

Gi mwendi kodi sidwol pajo, jolakadho, dwaro Rwoth, to jok'onwaŋ go; go otieko weyo jo.

Mika 3:4

To nyaka wiywak ri Rwoth, to Rwoth kiladwoko win go bino kano waŋe kwoŋ win i hongo no, rupiri witimo reco.

Zekaria 7:13

Aka paka go olwoŋo, to jok'onyalo winjo, ameno munyo jolwoŋo, go k'onyalo winjo, Rwoth pa lwak jolweny waco.

Matayo 23:13

Kidamba otundi riwin, jondiko kodi Jofarisayo, jorendirok! Wicego ri ji dhiot ma donjo i Ker ma polo, aka wiwegi wikidonj'iye, odoko wikiyey joma mito donjo jowodonji.

Matayo 6:7

I kwayo perin, ikir'ior wac kweth m'ongoye kony paka jokafir jotimo; ato joparo ni Were bino winjo jo ro kwayo pajo maboyo.

Yohana 9:31

Waŋeyo nike Were kiwinji joreco; go winjo joma jomiyo go dwoŋ aka jotimo gima go mito.

1 Timothe 2:8

Am'omiyo ayenyo ni kamoro je ji jowokway, ma jomiyere ri Were aka jotiŋo cingi gin malo i kwayo, m'ongoye nge kosa kiŋunyaŋunya.