Hoseya 9:7 - KITAWO MALEŊ

⁷ Ndelin ma gir'acula otieko bino, ndelin ma gir'acula ripo wotundi; Isiraili ywak ni, “Jatuci wac Were obedo ŋatamiŋ, jal ma cuny olokere janeko!” Ro reco mewin madwoŋ, dakirok mewin dwoŋ.

KITAWO MALEŊ Catholic

⁷ Ndelin ma gir'acula otieko bino, ndelin ma gir'acula ripo wotundi; Isiraili ywak ni, “Jatuci wac Were obedo ŋatamiŋ, jal ma cuny olokere janeko!” Ro reco mewin madwoŋ, dakirok mewin dwoŋ.

Hoseya 9:7 ပူးပေါင်းရင်းမြစ်များ

2 Kerin 9:11

Munyo Yehu ogik bongi jotel pa jolweny wadi, jopenjo go ni, “Gigipiny je ber? Aŋo ma janeko no omito kwoŋin?” Yehu odwoko ni, “Wiŋeyo go kodi luwo pere.”

Isaya 10:3

Winotim aŋo i ndelo ma gir'acula, gi rerok ma labino wok bor? Winoŋwec bongi ŋa rango kony? Aka winowey lim mewin kune?

Isaya 26:11

Awi Rwoth, cingin otiŋere malo, to jokinen. Weyi jowoneni miyirok perin ri ji perin, aka wickwot womaki jo. Weyi mac pa jokwor perin worey woko jo.

Isaya 34:8

Kole Rwoth nigi ndelo ri Zayon, ma culo kwor kwoŋ jokwor pere.

Isaya 44:25

ma mieno amien pa jotwodo, gi ma miŋo jor'ajwoka; go ma dwoko cen jomariek, to loko ŋeyo pajo miŋo.

Yeremia 10:15

Jongoye kony, tic ma twodo; i hongo pajo ma gir'acula jolakisika.

Yeremia 11:23

ongoye moro m'odoŋ kwoŋ jo. Kole alakelo kidamba kwoŋ ji ma Anathoth, i oro ma gir'acula pajo.

Yeremia 16:18

Alamiyo jo gir'acula dirio ro reco kodi reco pajo kwoŋbedo jotieko koco piny paran gi cal kodi mulambin pajo, aka jotieko poŋo gir'alunja paran g'amien pajo.

Yeremia 23:13

In jotuci wac Were ma Samaria aneno gimijokere: Joluwo i nyingi Bal to jorwenyo woko ji paran Isiraili.

Yeremia 25:14

Kole nonin kweth kodi kerin madongo jolaloko jo ŋecin; aka alaculo jo cungo kwoŋ tim pajo kodi tic ma cingi jo.”

Yeremia 29:26

Rwoth won gipi am'olokin jacway ri Were i wi migam i kabedo pa jacway ri Were i wi migam Yehoyada, ŋey jotic jowonyal bedo i Ot pa Rwoth ma geŋo ŋatimoro ma kethere ni obedo jatuci wac Were, ma ketho go i lijegere ma ŋute oŋinere.

Yeremia 46:21

Jolweny pere m'opangisa, jocale nyithindhi dhok ma cwe i cel, jo bende jowire to joringo kanyacel, jok'ocungo. Kole ndelo pajo ma teko otieko podho kwoŋ jo, hongo ma gir'acula pajo.

Yeremia 6:14

Jomado adholin pa ji paran kicar, ka jowaco ni, ‘Siem, siem.’ To kucel siem ongoye.

Yeremia 8:11

Jok'omado adhola pa ji paran maber, ka jowaco ni siem, siem, kucel siem ongoye.

Ywakirok 2:14

Jotuci wac Were perin, jotieko neno rin menyirok ma twodo ma bukony. Jok'okedho reco perin, ma dwoko lim perin; to jotieko neno rin menyirok, ma twodo aka ma rwenyo jo.

Ezekiel 13:10

“Kwoŋbedo adieri, jotieko rwenyo ji paran ka jowaco ni, siem, to siem ongoye; aka ka ji paran jogeto kor ot, jotuci wac Were me jobino to jofuyo matar.

Ezekiel 13:3

“Rwoth Were waco ama: Kidamba ri jotuci wac Were ma jomiŋ, ma joluwo paro pajo, aka ongoye gima jotieko neno.

Ezekiel 25:17

Alaculo kwor madwoŋ kwoŋ jo. Nyaka to joŋeyo ni An Abedo Rwoth, t'ayimo kwor paran kwoŋ jo.

Ezekiel 38:23

Ameno alanyutho dwoŋ paran gi leŋo paran, t'anyuthere i waŋ nonin kweth. Nyaka to joŋeyo ni An Abedo Rwoth.

Ezekiel 9:10

Paka ri an, akilaŋiyo jo gi waŋan ma wor, kosa nyutho wor to alaculo kwor i wi jo ro tim pajo.”

Hoseya 14:1

Gik win, awi Isiraili, bongi Rwoth mewin, kole witieko kimudamuda ro reco mewin.

Hoseya 5:9

Efrayim lalokere kam'ojwangi, i ndelo ma gir'acula. I dier nonin ma Isiraili, atuco kamaler gir'adieri.

Hoseya 8:13

Cowirok ma jocowere gine; ma riŋo to jocamo; Rwoth kisangala gi jo. Onyo pama go lapoyo reco pajo, to miyo reco pajo gir'acula; jolagik Misir.

Hoseya 9:8

Jatuci wac Were obedo jakur, gi Were paran kwoŋ Efrayim, kucel bwo pa jaciko nitie i royo pere, kodi dakirok i Ot pa Were pere.

Amos 8:2

Rwoth openjan ni, “Amos, aŋo m'ineno?” Adwoko ni, “Adita mar'olemo.” Kenyo Rwoth owaco ran ama: Gike otundo kwoŋ ji paran Isiraili. Akibino doko wiro paro kwoŋ miyo jo gir'acula.

Mika 2:11

Ka nyatoro ma waco koyo gi twodo, owaco ni, “Abino tito riwin vini gi math makec, dinyo go am'obedo jatiti ri ji me.”

Mika 7:4

Maber kwoŋ jo cale okure, m'otire loyo kwoŋ jo cale kudhin. Ndelo otundo ma Were bino miyo jo gir'acula, paka ogwoko jo luwo kwoŋ jokur pajo, onyo pama jonitie i nyawin.

Zefania 3:4

Jotuci wac Were pere jogayagaya, cwo ma jotimo akor, jocway ri Were i wi migam pere jokoco Kabedo Maleŋ, jotieko komo cik.

Mariko 3:21

Munyo wade pere jowinjo wac no, jobino ni jowomaki go, rupiri ji oyido jowaco ni wiye onyekere.

Luka 21:22

Kole me obedo, ndelo ma gir'acula m'amiyo gimoro je ma Ndiko Maleŋ oluwo kwoŋe wotimere.

2 Jokorintho 5:13

K'inen neko omako wan adieri meno omako wan r'atoŋa pa Were; to ka wiy wan otire, meno otire ma bero mewin.

Menyirok ri Yohana 16:19

Tindi m'ombo ca okedhere didek, aka tindin ma piny je oŋinyere woko. Were opoyo Babilon madwoŋ no, to miyo go medho iy'agwata m'opoŋ gi vini ma keme pere je.