Hoseya 8:8 - KITAWO MALEŊ

⁸ Ilamwonyo woko Isiraili; pama onyo jonitie i dier nonin, paka atawo m'ongoye kony.

KITAWO MALEŊ Catholic

⁸ Ilamwonyo woko Isiraili; pama onyo jonitie i dier nonin, paka atawo m'ongoye kony.

Hoseya 8:8 ပူးပေါင်းရင်းမြစ်များ

2 Kerin 18:11

Kere ma Asiria otero Joisiraili i Asiria paka jotwec aka oketho i tindi madwoŋ Hala, megi cegin gi malawa Habor iy'adec ma Gozan, aka megi i tindin madongo ma Mediya.

Isaya 30:14

Tur mere cale paka dak m'ocwey gi lowo, ma ŋinyere marac, to ngoye thago ma nwaŋere, kada ma toko cuk mac wok i kendo, kosa ma twomo pi wok i bur.

Yeremia 22:28

Apenjere ni, “Kere Yehoyakin olokere paka jagi m'obare m'ibolo woko m'ongoye ŋata miti? Meno am'omiyo go kodi nyithindho pere obol jo woko i twec i piny ma jokuya?”

Yeremia 25:34

Ywak win, win jokwath pa ji, aka wigoy ndur; ŋindere win i buru, win rwodhe pa mwendi. Kole ndelo ma neko win otundo kodi kedhirok mewin, aka wilagore piny paka atawo maŋon.

Yeremia 48:38

I wi udi ma Mowab je kodi kam'othangere je ongoye giman kwanyo woko ywak, kwoŋbedo an atieko turo woko Mowab paka atawo m'ongoye ŋata mito, Rwoth waco.

Yeremia 50:17

Rwoth waco, “Joisiraili jocale rombo ma simbwor oriemo to jokedhere. Marapena Asiria oreyo go, aka onyo i cowe Kere Nebukadineza ma Babilon ŋinyo woko cokin pere.

Yeremia 51:34

Kere Nebukadineza ma Babilon otieko cuto woko Yerusalem, otieko ŋinyo woko Yerusalem. Go oweyo tindi madwoŋ m'ongoye gimoro paka jagi, go omwonyo Yerusalem paka ogwaŋ madwoŋ ma nam. Go otieko poŋo iye gi gigipiny ma Yerusalem mabeyo, to bolo megi woko.

Ywakirok 2:16

Jokwor perin je, joŋamo dhok jo kwoŋin, jolwiyo to jokayo lak gin, aka jowaco ni, adieri watieko reyo woko go! A, me ndelo m'oyido wakuro, aka onyo watieko neno.

Ywakirok 2:2

Rwoth oreyo woko kicutho, kabedo ma Yuda je, i keme pere go oturo piny, kapondo pa ji ma Yuda, go oredho piny i lowo i wickwot, ker kodi jodhum mere.

Ywakirok 2:5

Rwoth olokere paka jakwor, go oreyo woko Isiraili. Go oreyo woko cel pa kere je, to sika woko kapondo mere; aka omedo kwoŋ ji ma Yuda, ywak kodi rem.

Ywakirok 4:2

Nyithindho ma welo ma Zayon, oyido jorom gi peko ma zahabu macil, onyo itero jo paka degi ma lowo, tic ma cingi jacwec degi.

Ywakirok 5:2

Lim mawan nitie i cingi jopath, aka jokicar jobedo i pecin mawan.

Ezekiel 36:3

Riameno luw aka iwaci ama: Rwoth Were waco ama: Kwoŋbedo jolokin gunda adieri, to joŋidhin wok i thenge je, ŋey ameno ilokere gipa nonin je m'odoŋ, t'ilokere ginyero kodi gir'awaca i dier ji.

Jolevi 26:33

Aka alakedho win i dier nonin, t'ayuyo abor paran kwoŋ win; piny mewin lajwangere, to tindin mewin madongo bedo gunda.”

Joroma 9:22

Iŋeyo nedi, kole ka Were otimo ameno ma mito nyutho keme pere gi miyo meni pere woŋeyere! Am'omiyo go odiyo cunye swa munyo ciro joma keme pere d'otiyo kwoŋ jo, m'oyido ikidho reyo woko jo.

Kitawo mar'abic mapa Musa m'ilwoŋo ni Cik 28:25

Rwoth lamiyo wokengila win ruwaŋ jokwor mewin, wilamonjo jo gi thenge acel, to wilaringo woko kwoŋ jo i thenge abirio. Wilabedo gibwok ri kerin je ma i piny.

Kitawo mar'abic mapa Musa m'ilwoŋo ni Cik 28:64

Rwoth lakedho win i dier nonin je, wok i gike ma piny acel tundo i meca, aka koro ama wilatic ri werin man, ma mbawin kodi telin, ma win kosa kwarere mewin fodi wikuya.