Hoseya 7:2 - KITAWO MALEŊ

² To jokidew, ni apoyo kidakana pajo je. Pama onyo tim pajo othoko jo, jonitie ruwaŋan.

KITAWO MALEŊ Catholic

² To jokidew, ni apoyo kidakana pajo je. Pama onyo tim pajo othoko jo, jonitie ruwaŋan.

Hoseya 7:2 ပူးပေါင်းရင်းမြစ်များ

Yobu 34:21

Go ketho waŋe kwoŋ yo pa ji, aka neno woth pajo je.

Zabuli 10:11

Jokidakana joparo i cuny gin ni Were wiye owil, opano waŋe aka kilaneno jo.

Zabuli 25:7

Cwaki reco paran gi komo paran ma soye, cungo kwoŋ mar perin makiwire poyan, ro bero perin Rwoth!

Zabuli 50:22

“Maki gime, in ma wiyin wil gi Were, kosa alareyin, aka ongoye ŋata bino bongin.

Zabuli 9:16

Rwoth omenyere thumo banja gi tiro, aka jokidakana jomoko gi tim pajo wegi.

Zabuli 90:8

Ithango reco mawan ruwaŋin, reco mawan manyaliŋliŋ kam'inyalo neno jo.

Isaya 1:3

Merikwa oŋeyo won mere, aka punda ma roya oŋeyo wer ma cemo pa jadwoŋ pere, to Isiraili okuya an, ji paran jokiniaŋ.

Isaya 26:16

Awi Rwoth, i teko ji jorangin, jokwayo, munyo imiyo jo gir'acula.

Isaya 44:19

Ongoye ŋata par, ongoye ŋeyo je kosa poko bero kwoŋ raco, ma waco ni, “Adec mere awaŋo i mac; atedo bende mugat i cuk mere, abulo riŋo t'acamo. Onyo anoloki m'odoŋ mere gir'amien? Anoriere piny ruwaŋ kidhur yen?”

Isaya 5:12

Kalima mewin bedo tongol gi sasi, milowe gi vini, to wikidew kwoŋ tim pa Rwoth, kosa neno tic ma cingi go!

Yeremia 14:10

Rwoth waco ama kwoŋ ji me: “Adieri jomaro kilera, jokiywom par tiendi jo; riameno Rwoth kijol jo, onyo go lapoyo reco pajo to miyo jo gir'acula ro reco pajo.”

Yeremia 16:17

Kole acomo waŋan i tim pajo je; jok'opanere kwoŋan, kosa reco pajo k'opanere kwoŋan.

Yeremia 17:1

Me apaka Rwoth waco: Ji ma Yuda, reco mewin indiko gi bol pen ma nyweny; ogwor iy'adundin mewin gi tele ma cot mac t'idolo i kona ma migame mewin.

Yeremia 2:19

Kidakana perin lamiyin gir'acula, aka kwedirok perin kwoŋan lathumo rin banja. Ilaŋeyo t'ineno ni obedo gimarac aka kec ri in jwango Rwoth Were perin; ikilworan, Rwoth Were pa lwak jolweny waco.

Yeremia 32:19

Rieko perin dwoŋ aka tim perin dimeni. Waŋin neno yo pa ji je, aka iculo joje cungo kwoŋ yo pajo kodi tim pajo.

Yeremia 4:18

Kula perin gi tim perin, am'okelo gime kwoŋin. Me obedo rerok perin; kec marom nedi! Otieko tundo iy'adundo perin.

Yeremia 44:21

“Wiparo ni Rwoth kipoy buban ma wiwaŋo i tindin madongo i Yuda kodi i royin ma Yerusalem, win kodi kwarere mewin kodi kerin mewin kodi jodhum mewin kodi ji ma lowo no? Wiparo ni wiy go owil?

Ezekiel 21:29

Ineno rin menyirok ma twodo, ithiedho rin gima k'adieri, itweyin i ŋut, joreco ma jodakana swa, jono ma ndelo pajo otieko tundo, hongo ma gir'acula macowe.

Hoseya 12:2

Rwoth segeya Yuda, aka go lamiyo Yakobo gir'acula cungo kwoŋ tim pere, to culo go paka tim pere nitie.

Hoseya 4:9

Paka labedo ri ji, apaka ri jacway ri Were i wi migam; alamiyo jo gir'acula ro royo pajo, t'aculo jo ro tim pajo.

Hoseya 6:2

Ka ndelo ario orumo, go ladwoko riwan meni; i ndelo mar'adek, go lacerino wan, ŋey wanyal kwo ruwaŋ go.

Hoseya 8:13

Cowirok ma jocowere gine; ma riŋo to jocamo; Rwoth kisangala gi jo. Onyo pama go lapoyo reco pajo, to miyo reco pajo gir'acula; jolagik Misir.

Hoseya 9:15

Kidakana pajo je ocako i Gilgal; acako dak jo kenyo, kwoŋbedo kidakana ma tim pajo, alariemo jo woko i ot paran. Ak'omiti jo kendo, wot kerin pajo jobedo jodudi.

Hoseya 9:9

Jotieko mieno kwo pajo i thutho, paka i hongo pa Gibeya; go lapoyo reco pajo, go lamiyo reco pajo gir'acula.

Amos 8:7

Rwoth Were pa Isiraili otieko kwoŋere ama: Wiyan k'owil gi tim pajo marac.

Yona 1:2

“Ay ikidhi i tindi madwoŋ no Ninivi, iwaci rijo kwoŋ reco pajo rupiri aŋeyo kidakana pajo.”

Kwan 32:23

To ka wikitimo gime, meno witieko timo reco kwoŋ Rwoth, aka ŋey win nike reco mewin laromo gi win.

Luka 12:2

Ongoye gim'oum ma k'oyaw i lero, kosa gim'opan ma k'oŋeyere.

1 Jokorintho 4:5

Am'omiyo wikiri withum ri nyatoro banja mafodi ndir k'otundo. Kutho kur win bino pa Rwoth, ma bino wodho i lero gimoro je m'opondo i mudho kendo bino thango kamaler atoŋa ma cuny ji. I hongo no ama nyaka dhano je bino lim'iye pak ma ripo gine wok bongi Were.

Kitawo mar'abic mapa Musa m'ilwoŋo ni Cik 32:29

Kabedi oyido joriek, dinyo joniaŋ gime, di joparo kwoŋ nger ma gike pajo labedo.

Joebulaniya 4:13

Ongoye gima nyalo panere ri Were. Gimoro je i cwec othangere aka oyare i waŋe, go ma wabino tito kwo mawan ruwaŋe.