Hoseya 6:3 - KITAWO MALEŊ

³ Weyi waŋey, wakethi kinen ma ŋeyo Rwoth; menyirok pere obedo adieri paka ŋamba; go labino riwan paka koth ma cwe nyiknyik, paka koth cwir ma dhieko piny.”

KITAWO MALEŊ Catholic

³ Weyi waŋey, wakethi kinen ma ŋeyo Rwoth; menyirok pere obedo adieri paka ŋamba; go labino riwan paka koth ma cwe nyiknyik, paka koth cwir ma dhieko piny.”

Hoseya 6:3 ပူးပေါင်းရင်းမြစ်များ

2 Samwiri 23:4

keko kwoŋ jo pa lero m'odikin, pa ceŋ maliel odikin ma pondeponde ongoye, pa koth ma miyo lum twi wok i lowo.

Yobu 29:23

Jokuran paka jokuro koth, aka joŋamo dhok jo ran paka ri koth ma cwir.

Zabuli 19:4

kucel mikwenda pajo winjere ri piny gibe, aka winjere kiri i gike piny. Were otimo peco ri waŋceŋ i polo

Zabuli 19:6

Cako liel i gike acel ma polo aka ŋado kadho i gike ca. Ongoye gima nyalo pondo kwoŋ lietho pere.

Zabuli 63:8

Acwire kwoŋin, aka cingin maracuc thielan.

Zabuli 65:9

Iwendo ri piny t'idhiro koth, iloko go m'oŋaŋ, ma diwa; malawa pa Were opoŋ gi pi, iŋat'ipoko jo cemo, me obedo yiko perin.

Zabuli 72:6

Weyi kere wobedi paka koth i ndelin, paka koth ma dhieko piny.

Agecin 4:18

To yo pa jom'otire obedo lero ma ŋamba, maliel maber tundo odieceŋ.

Isaya 2:3

Nonin kweth jolabino to jowaco ni, “Biye, weyi wakadhi win malo wi got pa Rwoth, i Ot pa Were pa Yakobo; ŋey go wofonji wan royo pere aka ŋey wawothi i yo pere. Kole fonji pa Rwoth wok i Zayon aka wac pa Rwoth wok i Yerusalem.”

Isaya 32:15

Tunado kama okonji kwoŋ wan cuny wok malo, to thim lokere ndelo olemo, aka ndelo olemo lalokere lul.

Isaya 44:3

Kole alakonjo pi i piny m'othwo, gi waŋ pi i lowo m'othwo, alakonjo cuny paran kwoŋ nyikwayin, gi silwany paran kwoŋ nyithindho perin.

Isaya 5:6

Alaweyo wodongi gi doy, akilakikolesa kosa doyo, alaweyo okure gi kudhin jowodong'iye, alageŋo kiri pondeponde cwe koth i iye.

Isaya 54:13

“Rwoth lafonjo nyithindho perin je, aka nyithindho perin jolabedo joŋaŋo madwoŋ.

Yeremia 24:7

Alamiyo adundo ma miyo jo ŋeyo ni Abedo Rwoth; jolabedo ji paran t'abedo Were pajo, kwoŋbedo jolagik bongan g'adundin pajo je.

Ezekiel 36:25

Alakiro kwoŋ win pi m'olony, aka wilalony kwoŋ koco mewin je, kodi kwoŋ cal mewin je alalonyo win.

Hoseya 10:12

Cwoy ri wiwegi tiro; wifon mar makiwire; cak win furo lowo mewin m'oyido wikoyo; me hongo ma dwaro Rwoth, cuka go obin to cwe both kwoŋ win paka koth.

Hoseya 14:5

Alabedo paka thoyo ri Isiraili; go lathiwo paka mawuwa, go layaro tiende paka lule ma Lebanon.

Hoseya 14:6

Withe lagulo; ŋono pere lacale yath oliv, aka ŋwece kur mere lacale ma Lebanon.

Hoseya 2:20

Alalokin dhako paran i genirok; aka ilaŋeyo Rwoth.

Mika 4:2

Aka nonin kweth jolabino to jowaco ni, “Biye win, weyi wakadhi wi got pa Rwoth, i Ot pa Were pa Yakobo ŋey go wofonji wan yo pere, aka wawothi i yo pere.” Kole cik wok i Zayon, aka wac pa Rwoth wok i Yerusalem.

Mika 5:2

To in, a Bethelehem Efratha, m'ithin loyo i dier nonin ma Yuda, wok kwoŋin lawok ran, ŋata bino bedo jadhum i Isiraili, ma cakirok pere obedo cango con.

Mika 5:7

Kenyo ji pa Yakobo m'odoŋ jolabedo, i dier ji kweth, paka thoyo m'owok bongi Rwoth, paka nyidho kwoŋ lum, ma kikur ji.

Zekaria 10:1

Kway win koth wok bongi Rwoth, i hongo ma cwir, Rwoth timo pondeponde ma kelo koth, go miyo ji koth, miyo kisi ndelo pa dhano twi cemo.

Malaki 4:2

To riwin ma wilworo nyingan, meni ma both paran bino wok kwoŋ win pa waŋceŋ to kelo both pa minyin ceŋ. Wibino bedo m'ogonyere aka gi kisangala paka nyathi dhiaŋ m'owodhi wok i kigo dhok.

Matayo 13:11

Yesu odwoko ni, “Rieko manyaliŋliŋ ma Ker ma polo omiy win, to k'omiy jo.

Luka 1:78

Ro wor mathoth ma Were mawan nitie gine, go bino miyo waŋceŋ gulo to ŋamba ma both wok riwan,

Yohana 17:3

Aka me a kwo makirum: Nike ji jowoŋeyin, Were acel mar'adieri, kendo jowoŋey Yesu Kristo m'ioro.

Yohana 7:17

Ŋata yeyo timo gima Were yenyo bino ŋeyo k'agima afonjo wok bongi Were kosa ka aluwo gi meni paran won.

Tim pa Jomoor 17:11

Joyuda ma kenyo oyido joneno bor loyo ma Thesalonika. Jociko ithi gin winjo fonji gi maro madwoŋ, aka ndelo je bin jofonjere Ndiko Maleŋ jowoneni k'agima Paulo ofonjo jo oyido obedo adieri.

Kitawo mar'abic mapa Musa m'ilwoŋo ni Cik 32:2

Fonji paran lathon paka koth, luwo paran laŋicere paka thoyo, paka koth ma lilo i lum, paka nyidho i cemo madongo.

Joebulaniya 3:14

Kole wajoje wabedo jowoti Kristo, ka wacwire matek i yeyo tundo i gike.

2 Petero 1:19

Aka, wanitie gi wac pa jotuci wac m'otiek ridho. Wibino timo maber ka wiketho paro mewin kwoŋe; kole obedo pa lero ma meny kama col cuka ndelo yawere to lero pa sulwe m'odikin menyo cuny win.

Menyirok ri Yohana 22:16

“An, Yesu, aoro malaika paran rin gi mikwenda me ri kitipa pa jom'oyeyo. An anywola ma wok i ot pa Daudi, an a sulwe m'odikin maliel m'oasere.”