Hoseya 4:3 - KITAWO MALEŊ

³ Riameno piny ywak, aka ji ma jobed'iye mbaka loyo jo; kanyacel g'ogwaŋe mager, kodi winyin ma koyo, kiri rec ma nam josika woko.

KITAWO MALEŊ Catholic

³ Riameno piny ywak, aka ji ma jobed'iye mbaka loyo jo; kanyacel g'ogwaŋe mager, kodi winyin ma koyo, kiri rec ma nam josika woko.

Hoseya 4:3 ပူးပေါင်းရင်းမြစ်များ

Isaya 33:9

Lowo thwo woko aka lacere, Lule ma Lebanon thwo woko, Saron cal thim, aka i Basan kodi Got Kamel boke oy woko.

Yeremia 12:4

Piny oywaki kiri keraŋo, to lum ma kisi ndelo thwo woko? Ro kidakana pa jono ma jobed'iye ogwaŋe kodi winyin iyweyo woko jo, aka kwoŋbedo ji jowaco ni, “Were kinen gima watimo.”

Yeremia 23:10

Kole piny gi ji jokigenere ri Rwoth; kwoŋbedo kwoŋ, piny ywak, aka lum ma thim jothwo woko. Tim pajo rac, aka jokiori meni pajo maber.

Yeremia 4:25

Awiro waŋan t'aneno, oyido ongoye dhano kad'acel, aka winyin je ma malo oyido joringo woko.

Yeremia 9:10

Awaco ni, “Alabiyo pigi waŋan ri gote, kodi ywak ri lum ma thim, rupiri jotieko thwo, aka ongoye ŋata luwo i jo. Ywak pa dhok kiwinjere kendo; winyin kodi ogwaŋe madudi jotieko ringo to jokadho.”

Yeremia 9:9

“Ak'omiy jo gir'acula ro gigipiny me?” Rwoth penjo; Ak'ocul kwor kwoŋ nono paka me? An Rwoth, atieko luwo.

Ezekiel 38:20

Rec ma nam, kodi winyin ma koyo, kodi ogwaŋe madudi, kodi gigipiny ma mol gi kor jo i lowo, kodi ji je ma jonitie i piny, jobino kirin i nyiman, aka ilawito gote piny, aka acurcur jolapodho piny, aka kisi kor ot lapodho piny.

Yowel 1:18

Dhok joywak nedi! Sidwol dhok josala i nywowirok, kwoŋbedo lum ongoye rijo; kiri sidwol rombo je jotieko candere.

Amos 1:2

Amos owaco ni, “Rwoth jero wi got Zayon aka dwonde mor i Yerusalem, lum pa jokwath rombo thwo woko, aka lum ma wi got Kamel oner.”

Amos 5:16

Riameno me apaka Rwoth, Were pa lwak jolweny waco: Bino bedo ywak gi kumo i yo ma tindi madwoŋ. Kiri jofur je ibino lwoŋo jo ywako jom'otho, kanyacel gi ji m'iculo jo ma ywak.

Amos 8:8

Piny bino kirin ro gime, to kisi nyatoro je ma bedo i piny bino ywak. Piny gibe layengere, bino ay to doko podho paka malawa Nayil.

Nahum 1:4

Go bwoko nam to loko m'othwo, aka go thwo woko malawin je; Basan kodi Kamel joner, aka kilikalika pa Lebanon ner.

Zefania 1:3

Alakisika woko ji kodi ogwaŋe, alakisika woko winyin ma polo, kodi rec ma nam. Gima miyo jokidakana cer, aka alakisika woko ji, wok i piny, Rwoth waco.

Zekaria 5:4

Aladhiro wokadhi, Rwoth pa lwak jolweny waco, aka ladonjo i ot pa jakwo, kodi i ot pa ŋata kwoŋere gi nyingan nono; aka labedo i ot pere to waŋo woko mbawin kiri gi telin.”