Hoseya 3:5 - KITAWO MALEŊ

⁵ Rumacen Joisiraili jolawire to jodwaro Rwoth Were pajo, kodi Daudi kere pajo. Jolabino gi kirin bongi Rwoth kodi i bero pere i ndelo ma rumacen.

KITAWO MALEŊ Catholic

⁵ Rumacen Joisiraili jolawire to jodwaro Rwoth Were pajo, kodi Daudi kere pajo. Jolabino gi kirin bongi Rwoth kodi i bero pere i ndelo ma rumacen.

Hoseya 3:5 ပူးပေါင်းရင်းမြစ်များ

1 Kerin 12:16

Aka munyo ji je joneno nike kere k'owinjo jo, jodwoko kere ni, “Adec aŋo ma wanitie gine i Daudi? Wangoye gi gir'alunja i wod pa Yese. Joisiraili, wadok win peco! Weyi Rehobowam won wokure!” Ameno ji jodok i wema pajo,

Isaya 17:7

I ndelo no, ji jolawire bongi Jacwec pajo, aka waŋ jo laŋiyo bongi Were maleŋ pa Isiraili.

Isaya 2:2

Aka latundo i kare i ndelo ma rumacen, got ma Ot pa Rwoth, ilaketho wi gote, ilatiŋo malo kalo tendere je. Nonin je jolamol'iye.

Isaya 2:3

Nonin kweth jolabino to jowaco ni, “Biye, weyi wakadhi win malo wi got pa Rwoth, i Ot pa Were pa Yakobo; ŋey go wofonji wan royo pere aka ŋey wawothi i yo pere. Kole fonji pa Rwoth wok i Zayon aka wac pa Rwoth wok i Yerusalem.”

Isaya 60:5

Kenyo ilaneno t'ipoŋ gi kisangala, cunyin lapoŋ mo to fore, rupiri lim ma nam je ladwoko bongin, lim pa nonin je ladwoko bongin.

Isaya 9:13

Ji jok'ogik bongi go m'ogoyo jo, kosa jok'orango Rwoth pa lwak jolweny.

Yeremia 23:5

Hongo bino adieri, Rwoth waco, m'abino yer'iye kere ma jatiro nyakwar Daudi. Go bino dhumo gi rieko to timo gir'adieri kodi tiro i piny gipi.

Yeremia 30:24

Nge pa Rwoth malieth kilagik cuka go otiek timo to cowo atoŋa ma paro pere. I hongo ma yuwaŋe, wilaniaŋ gime.

Yeremia 30:9

Kucel, jolatic ran, Rwoth Were pajo, kodi nyakwar Daudi kere pajo, m'abino ketho paka kere.

Yeremia 33:17

Kole Rwoth waco ama: Daudi kilangoye gi ŋata lalunjo kom pere ma dhum i ot pa Isiraili.

Yeremia 33:9

Tindi madwoŋ me labedo ran nyingi kisangala, pak kodi dwoŋ ruwaŋ nonin je ma i piny, ma jowinji kwoŋ bero je m'atimo rijo. Jolabedo gi lworo to jokirin kwoŋbedo bero je kodi lim m'abino miyo tindi madwoŋ me.

Ezekiel 16:63

Kenyo nyaka ilapoyo to wiyin kwot, aka ikilayawo dhokin kendo, ro wickwot, k'atieko cwako rin tim perin marac je, Rwoth Were waco.

Ezekiel 38:16

Ilabino lweny gi ji paran Isiraili, paka pondeponde ma umo piny. I hongo ma yuwaŋe, alakelin i cingan ŋey nonin jonyal ŋeyan, kareno joluwo kwoŋin, awi Gog, alanyutho leŋo ruwaŋ jo.

Ezekiel 38:8

Ka hongo okadho m'oromo ilalwoŋo win; i oro ma rumacen, wilakidho monjo piny kama ji oyido jodwok'iye wok i nonin kweth aka jotieko bedo ma jokilwor lweny wi gote ma Isiraili, m'oyido otiek jwango oro kweth; to pama onyo ji jobed'iye m'ongoye teko.

Daniel 10:14

Abino miyin niaŋ gima latimere ri ji perin i ndelo ma rumacen. Kucel menyirok latero ndelo kweth.”

Daniel 2:28

To nitie Were ma i polo ma nyutho nyaliŋliŋ, aka go otieko nyutho Kere Nebukadineza gima latimere i hongo ma bino. Me a lek kodi menyirok m'ineno munyo inindo i kanindo perin:

Hoseya 1:11

Ji ma Yuda kodi Joisiraili jolacokere kanyacel, to joyero rijo wegi jatel acel; to jotero lowo, kole ndelo pa Yezirel labedo madwoŋ.

Hoseya 11:10

Jolaluwo Rwoth, ma uja paka simbwor; ka go ouja, nyithindho pere jolabino ka jokirin wok yupodho ceŋ.

Hoseya 5:15

Alagik kendo i kabedo paran, cuka joyey banja pajo to jodwaran. I rembo pajo jolakwayo nema paran.

Hoseya 5:6

Gi mwendi kodi sidwol pajo, jolakadho, dwaro Rwoth, to jok'onwaŋ go; go otieko weyo jo.

Hoseya 6:1

“Biye win, weyi wagiki win bongi Rwoth; kole go am'oyeco wan, aka go lacango wan; otieko rwadho wan piny, aka go latweyo riwan wonga.

Amos 9:11

I ndelo no, alatiŋo malo, ker pa Daudi m'opodho. Abino yiko kam'onyekere mere, t'ageto malo gundin mere. Abino doko geto paka oyido cango con nitie.

Mika 4:1

Ndelo ma rumacen bino, ma got ma Ot pa Rwoth, bino bedo got mabor loyo, aka ibino tiŋo malo kalo tendere je, aka ji jobino mol i iye.

Kwan 24:14

Onyo pama an adoki bongi ji paran. To weyi kutho amiyin rieko gima ji me jolatimo ri ji perin i hongo ma bino.’ ”

Joroma 11:25

Amito ni winiaŋ nyaliŋliŋ me, wutmera, ŋey wikiri wipar ni wiriek swa: Wictek pa ji ma Isiraili k'obedo makiwire, to bino bedo cuka welo kwan pa Jopath ma mitere jowobin bongi Were worom.

Joroma 2:4

Kosa miti icayo bero pere m'oasere, ka diyo cunye gi ji aka kudere. Adieri iŋeyo ni Were ber rupiri go temo tero win i ŋuto!

Kitawo mar'abic mapa Musa m'ilwoŋo ni Cik 4:30

I litho mewin, ka gime je otieko timere riwin i hongo ma bino, wilagik bongi Rwoth Were mewin to wiwinjo go.