Hoseya 3:4 - KITAWO MALEŊ

⁴ Kole nyithindho pa Isiraili jolabedo ma ndelo kweth ma bu kere kosa jadhum, m'ongoye cowirok kosa siro, ma bu cal kosa cal aora ma ŋeyo gima latimere yuwaŋe kosa nyaliŋliŋ m'opondo.

KITAWO MALEŊ Catholic

⁴ Kole nyithindho pa Isiraili jolabedo ma ndelo kweth ma bu kere kosa jadhum, m'ongoye cowirok kosa siro, ma bu cal kosa cal aora ma ŋeyo gima latimere yuwaŋe kosa nyaliŋliŋ m'opondo.

Hoseya 3:4 ပူးပေါင်းရင်းမြစ်များ

Cakirok 31:19

Laban oyido okadho lielo rombo pere, aka Laker okwalo werin ma ot pa bamere.

Cakirok 31:34

Onyo Laker oyido okwanyo werin ma ot to ketho jo i mugowa ma kom pa ŋamia to bedo i wi jo. Laban orango i wema je to k'onwaŋo werin pere.

Cakirok 49:10

Yuda bino mako luth pa kere, aka nyikwaye wangi jobedo jodhum. Piny jobino kelo ri mic to jokule ruwaŋ go i wor.

2 Samwiri 6:14

Daudi oyido mielo malomalo gi meni pere je ruwaŋ Rwoth; aka oyido otweyo law pa jocway ri Were i wi migam i piere

2 Kerin 23:24

Ma ridho cik m'ondiki i kitawo ma Hilikia jadwoŋ pa jocway ri Were i wi migam onwaŋo i Ot pa Rwoth, kere Yosia oriemo wok i Yerusalem kodi Yuda gipi jothieth, jojwok, werin ma udi, cal kodi gigipiny ma lamo manyakafir je.

2 Kigana kwoŋ Kerin 15:2

aka okadho romo gi Asa to waco rigo ni, “Winjan, Asa, kodi ji je ma Yuda kodi Benyamin: Rwoth nitie gi win tekin winitie gi go. Ka wirango go, wilanwaŋo, to ka ijwango go, go lajwango win.

Kitawo mar'ario mapa Musa m'ilwoŋo ni Wok 28:4

Waci rijo jowokwoy mugowa ma ketho giŋeyo mito pa Were, law pa jocway ri Were i wi migam, kanzu, sati m'olok maŋon, junga, kodi thol ma pier jo. Jowokwoy ruk me ri Aron gi wote ŋey jowotiy ran paka jocway ri Were i wi migam.

Kitawo mar'ario mapa Musa m'ilwoŋo ni Wok 28:6

“Jowokwoy law pa jocway ri Were i wi migam gi yer rombo manyabululu, manyarangi ariŋo, kodi m'obokere, uzi ma rangi ma zahabu, kodi nanga mafoth, aka wokwoy maŋon.

Ywakirok 2:9

Waŋkace pere jomunyere piny, go oturo woko to reyo woko nywenye mere. Kerin pere kodi jodhum jonitie i dier nonin, jongoye gi fonji. Jotuci wac Were pere bende, jokilim menyirok wok bongi Rwoth.

Ezekiel 19:14

Mac owok i kore, otieko waŋo woko jange kodi olemo mere, ŋey ongoye kore matek m'odoŋ, ongoye luth ma dhum ri jodhum. Me wer ma rem, m'iwero noknok.

Ezekiel 20:32

Paro ma winitie gine ka wiparo nike wilabedo paka nonin man kodi ji man ma jonitie i piny man to wilamo mbawin kodi telin, k'otimere.

Ezekiel 21:21

Kere ma Babilon ocungo i jangi royin ario, oro thieth, yengo aserin, penjo terafim, go kaŋasa cuny ogwaŋ.

Ezekiel 21:31

Alakonjo kwoŋin nge paran, gi mac ma keme paran, alakudho kwoŋin. Alajwangin i cingi jomaker, ji ma jonek swa.

Daniel 11:31

Jolweny ma wok bonge jolamenyere to jokoco Ot pa Were kodi cel, to jokwanyo woko cowirok awaŋa ma noknok. Jolajengo gimienirok ma kelo kidamba.

Daniel 12:11

“Wok i hongo m'ilakwanyo woko mic awaŋa ma cil gi cil kodi amien ma kelo kidamba, latero ndelo 290.

Daniel 9:27

Go latimo cikirok matek gi ji kweth ma oro abirio, aka iy'adec ma oro me go lakelo gike ma cowirok kodi mic. I kabedo pajo ilaketho amien ma reyo woko, cuka tundo hongo ma Were lareyo woko ŋata reyo woko.”

Hoseya 13:10

Onyo pama nikune kere perin, ŋey wonyali thielin? Nikune jodhum perin ma tindin madongo perin je, ma wikwayo jo ni, “Miyan kere kodi jotel.”

Hoseya 13:11

Amiyin kere i nge paran, akwanyo go woko i keme paran.

Hoseya 2:11

Alaketho i gike yumirok pere je, kalimin pere, dwe pere manyen, sabato pere je, kodi kalimin pere m'oyik je.

Jolevi 8:7

Musa oruko ri Aron sati, kodi kanzu, to tweyo piere gi del, to ketho law pa jocway ri Were i wi migam kwoŋe, to tweyo.

Zekaria 10:2

Kole cal joluwo kidakana, jothieth joneno twodo, jolek jowaco lek ma twodo, jomiyo diyo cuny manono. Riameno ji jolera paka rombo, jonitie i litho kwoŋbedo jakwath rombo ongoye.

Zekaria 13:2

I ndelo no, Rwoth pa lwak jolweny waco, alakwanyo woko nyingi calin wok i piny, aka kilapoyo jo kendo. Alamiyo jotuci wac were kodi cuny m'ocido ngoye woko i piny.

Luka 21:24

Ibino neko jo g'abor, t'itero jo paka ŋecin i piny moro je, aka Jopath jobino wotho wi Yerusalem cuka ndir ma dhum pajo orum kicutho.”

Yohana 19:15

Jokoko ni, “Neki go! Guri go kwoŋ musalaba!” Pilato openjo jo ni, “Wimitan agur Kere mewin kwoŋ musalaba?” Jotel pa jocway ri Were i wi migam jodwoko ni, “Kere ma wanitie gine meno a Kayisar kende!”

Joebulaniya 10:26

Kole ongoye cowirok man m'odoko bino kwanyo woko reco ka watimo reco atoŋa ma to oyido watieko ŋeyo adieri.

Jothum Banja 17:5

Mika me oyido nitie gi ot pa werin pere, to timo law pa jacway ri Were i wi migam kodi were i cal pa dhano m'ilwoŋo ni terafim, to ketho acel kwoŋ wote, bedo jacway ri were i wi migam.

Jothum Banja 18:14

Kenyo cwo abic m'oyido jokidho timo nyaliŋliŋ i piny ma Layis jowaco ri wutmin jo ni, “Wiŋeyo ni nitie law maleŋ pa jacway ri Were i migam, cal m'ilamo kodi cal ma nyweny i ot me? Onyo pama par win kwoŋ gima wilatimo.”

Jothum Banja 8:27

Gideon otimo cal gi zahabu no aka oketho i tindi pere, i Ofira; aka Joisiraili je jotimere paka malayin gine, to lokere ri Gideon kodi peco pere bwo.

1 Samwiri 14:3

Jacway ri Were i wi migam m'ilwoŋo ni Ahija, wod pa Ahitub omin Ikabod, m'oyido wod pa Finehas, aka nyakwar Eli, m'oyido jacway ri Were i wi migam Silo, am'oyido otiŋo gim'ioro ma ŋeyo mito pa Were. To jolweny jok'oŋeyo ni Yonathan oyido okadho.

1 Samwiri 15:23

Gwenyirok gi Were rom kodi thieth, aka wictek rom gi lamo cal. Paka ikwero winjo wac pa Rwoth, Go bende onyo okwerin paka kere.”

1 Samwiri 2:18

I hongo no Samwiri oyido tiyo ri Rwoth, aka ruko law maleŋ ma cale apa jocway ri Were i wi migam.

1 Samwiri 21:9

Ahimelek odwoko ni, “Abor pa Goliath Jafilistia ma ndelo no ineko i milelo ma Ela ama nitie ka. Nitie yuŋey law pa jocway ri Were i wi migam otwey i law. K'imito kadhi gine rupiri a gilweny kende manitie ka.” Daudi owaco ni, “Miyan, doko ongoye abor kaman je maber loyo meno.”

1 Samwiri 22:18

Ameno Saulo owaco ri Doweg ni, “Neki jo.” To Doweg neko joje. I ndelo no Doweg oneko jocway ri Were i wi migam piero aboro g'abic m'oyido joruko law pa jocway ri Were i wi migam.

1 Samwiri 23:6

I hongo ma Abiatha okwale to kidho bongi Daudi Keila, okidho gi law pere ma jocway ri Were i wi migam joruko.

1 Samwiri 23:9

Munyo Daudi owinjo ni Saulo oyido cano gimarac rigo, owaco ri Abiatha jacway ri Were i wi migam ni, “Keli law pa jocway ri Were i wi migam ka.”

1 Samwiri 30:7

Daudi owaco ri wod pa Ahimelek, Abiatha jacway ri Were i wi migam kelo rigo law ma jocway ri Were i wi migam joruko.